حلاميزو فى القرية !
كانت الامطار تنزل جامد اوى(بغزارة) فى ليلة باردة من ليالى الشتاء فوق قرية المرعوشية…عندما سمع عم دكشى ( دا اسمه) كانت الدقات غريبة سريعة على باب دارة…..فأسرع بفتح الباب… 
ملقاش حد!!
بص يمين وشمال…فلم يجد أحد(ايه شغل العفاريت ده عفريت الجنينة دا و لا اية)! 
فالطريق كان فاضى من المارة.. علشان البرد و الامطار…وقبل أن يقفل الباب ثانيً…سمع عياط(بكاء) ضعيف تحت أقدامة…فنظر لاسفل..ليرتعش مرعوباً لتلك القفة التى كانت تحمل داخلها طفل رضيع…طفل لا يتعدى عمرة بضعة أشهر(بالكتير اوى شهرين) …فرجع لبيته علشان يشوف المصيبةً دى….فحمل القفة على رأسة ودخل وقفل الباب وراه …
زعق عم دكشى فى زوجتة أم شندويلى…حتى أسرعت الية وهى تقول: مالك ياراجل..فية أية كفاللة الشر..وأية دة اللى أنت شايلة على رأسك؟؟ اخيرا جبتلنا بط …… بط ايه يبنت العابط !
وضع عم دكشى القفة على الطبلية وجلس وقال مش عارف مين المدعوء اللى رمى الكارثة دى على الباب وهرب….
أنحنت الست أم شندويلى على القفة لتجد داخلها هذا الطفل..الذى لم يكف عن البكاء..وكأنة وصلة من أغنية طويلة لا تنتهى…قالت الست لزوجها عم دكشى: ياليلة مجندلة..أية دى يابو شندويلى؟؟
هرش العم دكشى أبو لبدة فى رأسة قائلاً بكل سذاجة :
دى..جفة…ودة العيل المعجزة هو ماله ياراجل العيل ده عامل كدا ؟؟!! ليه هكذا قالت ام الشندويلى…….
…مين اللى أدهولك ياراجل؟؟
رد بصوتة الذى كان يشبة صوت قطار قشاش: مانا جلتلك..فتحت الباب لجيت المصيبة دى..مانش عارف مين اللى رماة هنا الساعادى
بحثت الست أم شندويلى فى القفة فوجدت خطاب بين ملابس الصغير فصرخت : أية دة يا دكشى..دة فية هنا جواب..خد..أستجراة..عاللة نعرف منة …أبن مين العيل دة
فتح العم الخطاب ثم أخرج من جيب سحرى فى السديرى اللى تحت الجلابية شوافة..وبدء فى قرأة الخطاب…وبعد أن أنتهى منة حتى أنفجر قائلاً:
هو يعنى أخويا الجطران دة تعبنى فى حياتة وبعد موتة كمان…نجول أية..اللة يرحمة رحمة واسعة…دة أنا كنت خلاص جربت أنسى أن لى أخ من أساسة
قالت لة زوجتة : مانيش فاهمة حاجة ياراجل؟..أية اللى فى الجواب دة؟
رد فى غيظ أصل أخويا بعد ما طفشوه من البلد علشان السحر اللى بيعملوا راح أتجوز وأحدة من الجن الطيب …ومن ساعتها لا عرفنلة مكان ولا سمعنلة خبر..لحد مابويا الحج ..اللة يرحمة ويبشبش الطوبة اللى تحت راسة وصانى جبل ما يموت أنى لما الجاة أديلة ورثة ….لكن الجواب بيجول أنةوقبل مايفرح بولدة اللى خلفة جاة عزرئيل الموت وجبض روحة وروح زوجتة..فى حادثة مجندلة بس الولد(حلاميزو) دة كان عند جرانة قبل ما يحصلهم الحادثة …فباين أن الجران عارفين أن لة أخ اللى هو أنا ..فجم وسابوا الولد وهربم..علشان يحطونا جدام الامر الواجع
صمت العم دكشى صمت القبور وهو يحمل أبن أخوة..حتى تكلمت زوجتة وكسرت هذا الصمت الرهيب الضارب فى المكان:
بجولك أية ياخوى..أش عرفنا أن الولد دة أبن أخوك؟؟
رفع دكشى بأوراق كانت موجودة مع الخطاب وهو يقول : ياولية…الناس مشيعين مع الجواب أوراج تثبت أنة أبن أخوى…شهادة ميلادة..وجسيمة جواز أخوى مين الجنية دى….دة ولد أخوى..يعنى من لحمى ودمى
صرخت فية أم شندويلى قائلة فى خنقة : يعنى أنت هتربى أبننا شندويلى اللى لسة لحمة حمرة ولا أبن الجنية الهربان دة؟؟
أنفجر فيها دكشى أبو لبدة وهو يرفع فى وجهها نبوتة قائلاً : يعنى أسيب لحمى ودمى يربوة الناس الغريبة والا الجحة فى الشارع ..وغير كدة وكدة…هو هيتربى بورث أبوة ..يعنى مش من مالى خالص…هيتربى مع ولدنا شندويلى..أهو الاتنين فى نفس السن
ردت علية أم شندويلى قائلة فى خوف : يعنى أنت هتديلة مال من مالنا…ياراجل!!!
أستشاط العم دكشى غضباً وهو يصرخ فى تلك الحرباء : ماهوش مالنا وحدينا ياولية…دة حجة الشرعى ذى مابيجول شرع ربنا…هو أنا يعنى ضميرى هيسمحلى أأكل مال اليتاما!!…جفيلى عالموضوع دك..وعاللة أسمعك تفرجى بين الاتنين من هنا ورايح…مفهوم يام مخ ……أستغفراللة العلى العظيم….نسوان عايزة الحرج
ومن تلك الليلة الممطرة…كتب لحلاميزو أن يعيش مع العم دكشى أبو لبدة و الولية أم شندويلى وأبن عمة شندويلى…
الى ان نكمل ,,
محمد مصطفى
في مايو 24th, 2007 at 12:47 ص
السلم عليكم.
اولا..احب اجولك مبروك علي اول يوم من يوميات حلاميزوو.
ثانيا..احب اجولك البقأ لله و ربنا يفتكر الوالد و الجنية ديه.
بصراحه احلي حاجة انك بتتكلم زي الفلاح القروي السازج و ديه احلي حاجة في الموضوع.
و كمان ابسط يا عم ان عندك عم طيب و مش هيسرءك.
وفي النهاية ادعيلك من كل ءلبي تكبر و تطلع دكتور وصفية اد الدنيا.
و مع السلامو عليكو,,
في مايو 24th, 2007 at 12:58 ص
“رد بصوتة الذى كان يشبة صوت قطار قشاش…”
“هرش العم دكشى أبو لبدة فى رأسة قائلاً بكل سذاجة”
“دكشي ابو لبدة”……
لو كتبت كده علي طول بنفس الطريقة ده و هي طريقة “الفلاح القروي الساذج” مستبعدش انك ممكن يحصلك نوع من حالات الحك الخفيف بالليل و الزعيق و التهييس الصبح ..
محمد
في مايو 24th, 2007 at 1:10 ص
مع السلام عليكوا
شكرا لكريم ولحبيبى شيكو ويارب يعجبكوا
مع السلام عليكوا
في مايو 24th, 2007 at 1:32 ص
القصة جميلة فعلا يا حلاميزوووو , وبذات انها لايقةعليك اوى, بس ايه حكاية الجنية دى يا ريت تبقى تحكى لنا عليها بالتفصيل هى وابو حلاميزو واستمر فى الموضوع ان شاء الله بالتوفيق واحنا كمان مستنين اول اصدار للكتاب ولا انت مش هتنزل كتاب للموضوع؟؟؟؟؟؟
في مايو 24th, 2007 at 1:34 ص
قشطة يا حلاميزو مبروك علييك العم دوكشي و يا رب ام الشندويلي تنخرس و تسمع كلام الوكشي و تربيك كويس يللا كفاية عليك كدة
سلامييزووووووووووووووووووو
في مايو 24th, 2007 at 1:57 ص
مع السلام عليكوا
شكرا لهبة ولفيصل على التعليجات الجامدة دى وعن موضوع الكتاب قريبا ان شاء الله
مع السلام عليكوا
في مايو 24th, 2007 at 2:30 ص
اولا مبروك لحبيبي حلمي على اول قصه لييه
وتانيا مبروك بارضو لحببنا حلامييزو على انه لقي بابا وماما جودادد مع ان اسمائهم تدل على ان العيله دي ماشاء الله ليها مستقبل
اخيرا احب انبه الى اجمد جزء عاجابني في الموضووع
(( نسوان عايزة الحرج )) اجمد حاجه في القصه كولاها
سلام خاص للكاتب الكفائه ((حلمي)):)
في مايو 24th, 2007 at 2:53 ص
مبرووووك يا حلاميزو على اول يومياتيك وطبعا كلنا عرفنا ان الشكل المرعب دة وراثة من ماما الجنية الطيبة بس كل دة مش مهم مادام بابا الساحر الشرير سايبلك ورث وطبعا الموضوع مش محتاج تفكير بعد الميراث دة الخناقات كترت عليك يا حلاميزو وعروساتك الحلوين لسة موجودين :)بس ياريت عم دكشى مايغلطش فينا (( نسوان عايزة الحرج ))لان اجمل 3 حاجات فى الدنيا حاجتين البناااااااات (حقوق الطبع محفوظة للبشمهندس مرسى :))مع السلامو عليكو و مستنين يومياتك دايما وربنا يوفقك
في مايو 24th, 2007 at 2:56 ص
الف مبروك على افتتاح يوميات حلاميزوو والقصه حلوه اوى وفعلا على راى هبه احنا منتظرين الكتاب علشان نقراه قبل ما ننام بس بلاش عم دكشى والست ام شندولى والاسامى المرعبه دى علشان نعرف ننام هاهاها يلا باى
في مايو 24th, 2007 at 3:00 ص
مع السلام عليكوا
عايز اجول لمرسى ان انت عايز الحرج اكتر مين النسوان على لغتك دى ( القصه كولاها ) :D, بصى بجى يا نيرمو انا هشيل كلمة عازب واكتب انا متجوز و مش ناوى اطلج
بس شكرا ليكوا
مع السلام عليكوا
في مايو 24th, 2007 at 3:05 ص
يا سلاااام…..على الافلام ايه الحاجات الجامده دى بس انا افتكرتها رعب فى الاول..وكنت هقفل بس اكتشفت فى الاخر انها كوميدى،وحلوه اللغه اوى،لما نشوف اخرت حلاميزو…
في مايو 24th, 2007 at 4:25 ص
هااااااااااى جامده مووت الحكايه ده يا محمد
بس فعلا انا عايزه اعرف حكايه الجنيه الى ليها عقد جواز ده بس بجد حاجه حلوه اوى انك تسرح بخيالك و تألف حواديييييت و مبرووك و منتظرين بقييت حلقاتها
و توته توته فرغت الحدوته D;
في مايو 24th, 2007 at 4:27 ص
مع السلام عليكوا
شكرا لهبة و لياسمين و لمنى , مشيها بجى يا ياسمين عقد جواز عقد جواز مش مشكلة:D
مع السلام عليكوا
في مايو 24th, 2007 at 6:49 ص
مبرووووووووووك يا محمد عليك مرة وعلينا كتير احب اشكر الموقع انه اتاح لنا الفرصة لاكتشاف مواهب الدفعة المدفونة.
سوأل بيطرح نفسه بعد اللغة الجامدة دي هو انت لك اصل من الصعيد ولا ايه؟ عموما مبروك مرة ثانية و احب اقولك ان جواز الانسان من الجنية جائز بس وسعت منك لما قلت ان انه بعقد ولأ اقولك مفيش حاجة بعيدة علي جني ابن جنية ز ربنا معاك في بقي اليوميات يا بشمهندس محمد مصطفي. اسفة طولت عليكم شوية .
سلام
في مايو 24th, 2007 at 9:01 ص
مبرووووووووووك يا مصطفى بجد حلوة اوى و احلى حاجة اللكنة الصعيدى الفظيعة بس حقيقي انا ما صدقتش ان انت اللى كاتبها ربنا يوفقك و تكتبلنا بقيت اليوميات
في مايو 24th, 2007 at 12:38 م
يا جدعان حلاميزو انكتبلو عمر جديد بدل ما كان هيطلع صايع يا ريت في بئيت يومياتو يطلع شخصيا نظيفة شكرا يا حلمي
في مايو 24th, 2007 at 1:32 م
مع السلام عليكوا
شكراااااااا هاديل بجد التعليج حلو جوى جوى ,انتوا مضايقين مين
العقد اوى ليه ؟ يعنى هو فى واحد بشعرة واحدة … و تانى حاجة الغة دى جت من كتر الافلام اللى باشوفها اهو نفعتنى …. مين (nanoush)
مع السلام عليكوا
في مايو 24th, 2007 at 1:34 م
السلام عليكم
( او دمياطية) ابقى سميها اسم كمان علشان اناديها بيه مش هي ام خطيبنا 
و سلام بقى و متنساش النسوان دو ل اسيادك و تيجان راسك و تعيش طول عمرك فخرا زخرا انك في عالم ملئ بالنسوان:)
ايه يا عم افلام السرح ده
و جنية و دكشة و حوكشة انت حالتك بقيت صاعبة
بس بجد نكتة و موشوقة كده بس يار يت اذا من فضلك يعني لو سمحت تبطل شتايم و بذات في النسوان علشان لولاهم ماكنش هيكون في حلاميزو
و لعلمك بقى انت تصلح غلطتك و تطلع الست الجنية عندها مخ بدل المصيبة مرات دكشة دي
و كمان تطلعها حلوة و امورة زينا كده علشان انا عجبني حوار الجنية
مش عايزة اطول عليك رغم اني مش قادرة ابطل كلام
بس عارف ايه الي عجبني في مرات دكشة انها بتحب الفلوس اوي شكلها منوفية
في مايو 24th, 2007 at 3:17 م
مع السلام عليكوا
بجد اسف يا نهى ماكنتش اعرف ان انت (nanoush) , وبعدين ليه ماصدقتيش ان انا اللى كاتبه صغير والا ايه
بس شكرا و شكرا باردو لناجى
مع السلام عليكوا
في مايو 25th, 2007 at 2:02 ص
هاااااااي
ايه اليوميات الفظيعة ديه بس:D
مبروك يا ولد يا حلاميزو علي اول اصدار لك بالاسواق
ايه الحلاوه ديه مش ممكمن يعني وكمان بالصعيدي .. ليك مستفبل يا حلاميزو
يلا مبروك بقه
و مستنين نشوف لما حلاميزو هايكبر هايعمل ايه بقه
يمكن هوه اللي هايعمر مصر
في مايو 25th, 2007 at 2:00 م
السلام عليكم ورحمة الله وبركاتة
قصة مشوقة من البداية
ولكى اكون صريحة معك
لم اتوقع انك سوف تكتب قصة بهذا الابداع
وبتلك اللغة الصعيدية الجميلة
ولكن اثبت لى عكس ذلك تماما
فلديك موهبة رائعة
ما شاء الله
ومنتظرين ان شاء الله
الاجزاء الاخرى
والى الامام دائما
والسلام عليكم
في مايو 25th, 2007 at 2:33 م
مع السلام علبكوا
Nora mo0r0o & Yasmin Mounir
شكرا على تعليجاتكم و يارب تكون الحكاية عجباكم ويا نور الجنية ماتت خلاص وبجد شكرا يا ياسمين
مع السلام علبكوا
في مايو 25th, 2007 at 8:19 م
هاااااااااي يا شباب ……
……..
أنا نهله …….
أنا بس حبيت أحيي حلاميرو على القصة الجمدة مووووووووووووووووووووت ديه و اقولوا مبروووووووووووووووووووووووووووووووووك ……………..
و لازم تبقى تعلمني اللغة الجمدة ديه في الكلية بقى …….
بس عندي طلب منك هوا أنك تحكلنا بالتفصيل اول لقاء بين الجنيه و البوي فيرند الصعيدي
و حاجه تانيه قبل منسى أوجه طلب (بالمره)للسادة المسئولين و نختص بالذكر السيد\محمد عبد الشكور حيث أنه يصعب على أمثالي من المواطنين (و منهم نيرمو طبعا) إتباع قانون ال SITE و الكتابة ب هذه اللغة المتعثرة لذلك نرجو منك إدخال لغةEL ARABISH علشان أنا تعبت لغاية ما كتبت الكلام ده و شكرا …….
إنتهى البيان ……..
في مايو 26th, 2007 at 12:00 ص
ba3d el salamo 3aleko ya ktaket….
tb3n kal 3ada w msh 2ai 7ad!! dah men!? dah 7alamezo w lma
n2ol 7alamezo yb2a 2ih…msh 3arfa, any way ya gama3a ana
3ayza a2ol ani 2aret yomyat 7alamezo mn zaman bs msh 2olt
el comment bta3i 2al ya3ni bat2l w 3amla nafsi 7aga ..
ai kalam w 5alas 3la ra2i uncle sheko.. el mohem ana 2aret
w 2aret w t3mkt fe el 2eraya w fkrt w fkrt tani w 2olt lazm ya3ni lazm a2ol… an 7alamezo dah gamd awi awi awi bgd msh kalam w 5alas w bgd allah 3la 3m dokshi dah to7fa w mrato bs ya tara hay3ml 2ih fe 7alamezo!! rbna yostr w maytaklsh zai tofi (tawfi2 ya3ni) asl ana 7lmt mara an tofi atakl mn 7aga kda zai el nmr 2olo ya rb ba2a yt7a22 el 7lm dah w n5ls mno…. el mohm bgd kamlo 3shan ana
3ayza a3rf 2ih 2li 7ay7sl ba3d kda… w ela el leqa2 fe el
7ala2a el kadma
from ana..
rony ya3ni
w kfaya 3aleko kda 2day
في مايو 26th, 2007 at 12:08 ص
ألف مبروك يا حلمي (تامر حبيب) المستقبل. بس يا تري هاتعرفه إنه مالووش أهل غير دكشي؟؟؟ ده اللي إحنا منتظرينه في الحلقة المقبلة من المسلسل العربي “حلاميزو في القرية”
في مايو 26th, 2007 at 9:59 ص
hi 7alamezoo
begad gamda awe this story la2 w feha keda mo2aserat sawtya bet5awef keda w 3agabetny 7ekayet mama el genya deh we baba el sa7er we el geb el se7ry ely fe el sedery ely ta7t el galbya :)7eta 5apesa awe keda
:)ya 5apeeeeees 3akrot so3′antat ya 7alamizo
yala ba2a be golak ya 5oy salamat
bye w rabina yewafa2ak
في مايو 26th, 2007 at 1:18 م
لامؤاخذه اتاخرت عليكوا. أصل الجهاز عندى غبى حبتين. غير كده أنا مش فاضى أنا عندى مزاكرة و طموحات كبيرة. ماعلينا, المهم أنا عايز أشكر عبد الشكور على هذا الأنجاز الرائع و (أحب أشكر ماما و بابا علشان جابولى كمبيوتر):D, و فى النهايةأحب أهنى الواد حلمى على الشغل الجامد أوى و على دماغه العبقرية دى اللى ياريت تنفعنا فى الأمتحانات. و شكرا على وقتكم لى
شوية ملاحيظ: أنا عارف ان انا المفروض اكتب الكلام ده فى الأول
بس أنجازا فى الوقت بأه
في مايو 26th, 2007 at 2:31 م
أنا الست أم هدوله مش ممكن يا توفيق تكون قاصد تكتب مذاكرة بالزين و إلا هأزعل قوي من المصحح بتاع الأبتدائية و عموماً مبروك القصة حلوة يا مصطفى بس عايزة هأزعل لو طلع لك أصل صعيدى
في مايو 26th, 2007 at 3:46 م
مع السلام عليكوا
tawfik RONY. Mohamed Yasser & mira
شكرا علي التعليجات بتاعتكم وبجول لتوفيج انت فى سنة كام يابنى(مزاكرة)
وياريت رانيا و اميرة يكتبوا يا عربى يا عنجليزى
مع السلام عليكوا
في مايو 26th, 2007 at 3:57 م
مع السلام عليكوا
بجد بجد انا مش عارف اجول ايه مش لاجى كلا م اجولوه بجد انا متشكر جدا جدا جدا لتانت ام هدولة وبجد ده احلي تعليج جالى ومش هايجيلى احلى منو طبعا , و متزعليش يا تانت انا من القاهرة
بس بجد انا مبسوط اوى ويارب باجى الحكايات تعجبكوا
مع السلام عليكوا
في مايو 27th, 2007 at 10:06 م
6ele3t 7adoota ya m7md makontesh a3raf enak keda we l3aiet delwa2ty mesh mesada2a enk el katebha 3shan maybansh 3aleek enk adeeb we btekteb 7elw
في مايو 30th, 2007 at 8:13 م
انا عايزه اعرف ردي مش بيوصلك ليه علشان انا الجنيه مامت حلاميزو وانا مع اميره مش مصدقه ان انت الي كتبها مع تحيات مامت حلاميزو
في مايو 31st, 2007 at 10:54 م
gamda gedan bas ana lesa ma2arethash a3taked lama a2raha hateb2a ahsan
في سبتمبر 22nd, 2008 at 2:47 م
يا عم السرقة مش كويسة انت سمعت الحكاية دى فين
الدكش الاصلى