حلاميزو فى عالم تاني !
“ذهب أبو لبدة وأتى بحلاميزو..الذى كان قصير القامة ….يلبس جلباب وعمة صغيرة ..تعطى أيحاء أنك أمام رجل قزم..فضحك الاستاذ مجوشى وهو يسلم على حلاميزو قائلاً : أهلاً بالغالى أبن الغالى..أهلاً بحبيبى أبن حبيبى..أهلاً حلاميزو بية
رد حلاميزو وهو ينظر فى دهشة لهذا الرجل الانيق جداً الواقف أمامة ثم تنهد قائلاً بطريقة رجل كبير عاقل ..بل تكلم بطريقة شيخ حكيم :أهلاً ياسعادة الاستاذ..هنمشى خلاص ؟؟
ردقائلاً : أيوة حلاميزو…أركب العربية..وهات الشنطة اللى معاك دى
وأخذ منة شنطتة ووضعها فى قلب شنطة السيارة ونظرللدكشى قائلاً : أشوف وشك بخير ياحاج دكشى..وماتخفش على حلاميزو
هيكون بخير وفى أمان
رفع أبو لبدة يدة للسيارة وهى ترحل بركابها قائلاً بعلو صوته :
مع السلامة..مع السلامة..تروح وترجعلنا بالشهادة الكبيرة ياحلاميزو ياولدى
أختفت السيارة عن الانظار بسرعة رهيبة وكأنها صاروخ يقودة عفريت مجنون 
دخل مجوشى محطة القطار وهو ممسك فى يدة حلاميزو قائلاً لة وهو يتلفت حولة:من هنا ورايح ياحلاميزو يابنى أنسى كل حاجة عن قرية المرعوشية ..وأى حاجة أتعلمتها فيها…والحمد للة أن لسة ورقك اخضر..وهتتعلم بسرعة فى حياتك ودنيتك الجديدة..بس لازم الاول تعرف حاجة مهمة قوى…
رفع حلاميزو رأسة بشدة لمجوشى وهو يقول بصوت أشبة ما يكون لصوت عصفور صغير : أية دى الحاجة المهمة اللى عايزنى أعرفها ؟
توقف مجوشى عن السير وأنحنى على حلاميزو ناظراً لة فى حنان شديداً قائلاً : بص يا حلاميزو..أنت من النهاردة هتدخل عالم تانى غير العالم اللى عشت فية قبل كدة..والعالم دة عالم غريب عجيب…فية ناس طيبة ..وبردة فية ناس مش كويسة ولا طيبة…فية ناس قوية وناس أقوى وناس أقوى وأقوى…كل الحاجات دى مش لازم تخليك تخاف أو تترعب أو تتوة ..أنت بردة قوى ..ومش كدة وبس..دة أنت مع الايام هتعرف قوتك الموجودة فيك وورثها عن أبوك وأمك اللة يرحمهم 
رد حلاميزواً : مش فاهم
..يعنى أية ناس جوية…؟.يعنى عندهم عضلات ذى عضلات عمى دكشى كدة؟؟
ضحك مجوشى قائلاً : لا..لا يا حلاميزو…الناس دى أأقوى من كل اللى تعرفهم قبل كدة..الناس دى عضلتهم فى عقلهم..قوتهم فى روحهم…
أبتسم حلاميزو وهو يقول بكل تلقائية : أيوة..أيوة يعنى ذى العباجرة المخترعين
أنبهر مجوشى من هذا الرد قائلاً : أية الحلاوة دى..أنت عارف العبقرية والاختراعات والمخترعين كمان؟؟ 
رد حلاميزوقائلاً : أمال ..أنا كنت كل يوم بعد العشا أجعد فوج سجرة الجميز وهات ياجراية فى أصص وحكايات عن الاختراعات والعبجرية والعباجرة 
أبتسم مشكور قائلاً : فعلاً اللى خلف مامتش…بس فية حاجة تانية عايزك تحاول تنساها كمان ….
نظر لة حلاميزو فى حيرة فأكمل الرجل قائلاً :عايزك تنسى اللهجة دى ..وتحاول تتكلم ذى كل الاولاد اللى هتعيش معاهم…ياريت تحاول
هرش حلاميزو فى رأسة أقصد فى عمتة قائلاً : ماشى…أنا موافج
رفع مجوشى أصبعة قائلاً : أية ..أحنا لسة بنقول أية!
هز حلاميزو رأسة قائلاً فى خجل : أسف أسف ..قصدى ..ماشى أنا موافق
ربت مجوشى على كتف حلاميزو بحنان قائلاً : أيوة كدة..أنت بتتعلم بسرعة غريبة بجد..ومخك دة واسع وتفكيرك باين علية تفكير ناس عبقرية …
أقترب مجوشى وهو ممسك بيدةحتى وقف بين الرصيف رقم أثنان والرصيف رقم ثلاث وهنا شاهد رجل يحمل جرس صغير وهو يهز هذا الجرس بأستمرار صارخاً بكل قوة : أتنين ونص..ترن ترن تررررن..وتعالى وبص..ترن ترن تررررن..أتنين ونص..ترن ترن تررررن…وتعالى وبص ترن ترن تررررررن
فأبتسم مجوشى وهو يتقدم من ذلك الرجل قائلاً لحلاميزو : أحنا هنا هنفترق خلاص..لازم تدخل القطر لوحدك
رد حلاميزو قائلاً : أنا مش شايف قطر هنا خالص ياعمى مجوشى !
أبتسم مجوشى فى غموض وهو يشيرلحلاميزو قائلاً : أنت شايف الاولاد اللى هناك دول ..اللى عند العمود دة
هز حلاميزو رأسة علامة الايجاب فأكمل مجوشى قائلاً : روح أقف فى الطبور بتاعهم..واللى هيعملوة ..أعمل زية..مفهوم
ردحلاميزو : حاضر …
أنحنى مجوشى وهو يحتضن حلاميزو قائلاً لة : أشوف وشك بخير يا حلاميزو..وأكيد هبعتلك جوابات ..مع السلامة يابنى 
وفعلاً ذهب لمكان الطابور الواقف ورفع نظرة للامام حتى يعرف الى أين يذهب بة هذا الطابور…ودقق النظر بشدة..فما يراة ويشاهدة غريب جداً…بل هو شىء مدهش حقاً….
بل هو أغرب وأفزع شىء وقع علية بصرة منذ مولدة
دعك حلاميزوعينية بشدة حتى يتأكد مما يشاهدة ويراة..قائلاً فى نفسة:أية دى…العيال المهابيش بيعملو أية بالجلل.جمع قللة..>
كل واحد من المهابيل دول ماسك جللة وهات ياضرب فى نفوخة…بس
بس …أية دك كمان…دة كل واحد بيضرب نفوخة بجللة..الجللة بتندش عالارض والعيل بيختفى!…أنا اللى وعيلة دة حجيجى..؟؟.والا أكونش
بحلم والا بيتهيجلى؟!؟… 
وتسمر فى مكانة غير مهتم بتقدم الطابور..ولم يفيق من زهولة الا عندما لكزة صبى واقف خلفة فى قوة قائلاً لة: ماتمشى بقى يابنى..دة أية السرحان والبرود بتاعك دة من أولة
التفت حلاميزو لهذا العدوانى ناظراً لة فى خجل واجداً صبى فى نفس عمرة نحيف جداً ذو بشرة بيضاء وشعر ناعم
فتقدم حلاميزو وهو يقول بصوت منخفض : معليش ياخوى..أصل أنا تاو واصل ولا أعرف حاجة للنظام عنديكم..وكمان اللى أنا وعيلة جدامى دك..خلانى هتجنن…أنا أسف لتانى مرة 
أبتسم هذا الصبى قائلاً فى مرح شديد : ولا يهمك…ماتخفش كدة ماللى شايفة…دى حاجة بسيطة خالص..المهم..أحب أعرفك بنفسى..أنا أسمى سامح .أحم ..سامح عسلية 
أنفجر حلاميزو من الضحك لدرجة جعلت الجميع يلتفت لة ..فصمت فى خجل فأكمل سامح قائلاً :أنت بتضحك لية دلوقت؟؟..علشان أسمى عسلية؟ 
رد حلاميزو وهو يحاول أن يكتم تلك الضحكة التى تحاول الهروب
قائلاً فى هدوء: معلش أنا أول مرة أسمع حد أسمة عسلية..بجد ..بجد أنت أسمك عسلية حجيجى ؟؟
هرش سامح فى نفوخة قائلاً فى تردد وضيق : لا..لاياسيدى ..دة أسم الشهرة..أصل أخوك اللى هو أنا بيحب ويموت فى حاجة أسمها عسلية
رد حلاميزو : أمال أسمك الحجانى أية ياخوى؟
أغمض سامح عيناة بشدة قائلاً بصوت ضعيف ونبرة عصبية جداً:أسمى سامح….سامح….أأأ
أندهش حلاميزو قائلاً : فية أية..يكش نسيت أسم أبوك ؟
هز سامح راسة علامة النفى قائلاً: لا طبعاً ..هو فية حد ينسى أسمة
أنا أسمى سا….
قاطعة حلاميزوق ائلاً : خلاص ماوعينا أنك سامح ..بس سامح أية؟
أجاب سامح فى سرعة قائلاً :أسمى سامح ..سامح الدهُل 
مسك حلاميزو فمة بيدة حتى لاتهرب تلك القنبلة التى كانت ستخرج من بين شفتاة ..وحاول أن يتماسك ويبتلع تلك القهقهة التى تحاول القفز وحتى يستطيع الكلام..وبعد دقائق قليلة تماسك فقال لسامح : ماتزعلش منى ياخوى..أسمك دة والا شتومة؟
نظر لة سامح بشدة قائلاً : لا يافالح دة أسمى الحقيقى ..وأسم العيلة كلها..أنا و بلا فخر من أكبر عائلات ضاربى الودع فى بر مصر كلة..عيلة الدهل
رد حلاميزو قائلاً : أنعم و أكرم..عيلة مأصلة فى الدهولة وفى ضرب الودع
نظر سامح أبن عم عسلية له قائلاً لة: طب وأنت بقى ياجميل
الاوصاف..ماتشرفتش بسيادتك؟
رد حلاميزو فى لامبالاة عجيبة وبطريقة تلقائية و بصوت مرتفع :أسمى..حلاميزو حلاميزو عوضين عبد اللطيف
التفت كل من كان يقف فى ذلك الطابور وصمت المكان فجأة ثم أنطلقت الشهقات والاهات..والرغى والوشوشة بين الجميع فتلفت حلاميزو حولة فى تعجب ودهشة من هؤلاء الحمقى الملاعين الذين لم يعجبهم أسمة
التفت صاحبنا الى سامح قائلاً لة : مالهم العيال دول؟..مش عاجبهم أسمى يعنى؟..والا أية حكايتهم معايا بالظبط؟؟
اول حاجة عمال تتاريء عليا وتضحك وحسيستنى ان اسمك هيثم
تانى حاجة أنت يابنى مش عارف عوضين عبد اللطيف اللى هو أبوك يبقى أية؟؟
هز حلاميزو رأسة فى قوة علامة النفى : لا..ماخبرش واصل؟..
أنفجر سامح فى حلاميزوقائلاً : يانهار أبيض..أنت مش عارف أن أبوك أعظم ساحر وحطاب وقارىء فنجان فى القطر المصر..لا..دة مش فى مصر بس دة فى العالم كلة…ومش كدة وبس دة كمان الست ولدتك ..
أعظم جنيةو قارئة كوتشينة وأخطر فاتحة منديل..وأمهر قارئة للكف فى العوالم العلوية والارضية والسفلية كمان؟؟..أنت مش عارف حاجة عن تاريخ أبوك وأمك ياحلاميزو..دى ناس أساطير..دة أنت هتتعلم فى المدرسة حاجات من تأليفهم..خدع من أختراعهم…دول يابنى سحرة القرن..
شهق حلاميزو قائلاً : مش ممكن كلامك دة ياعسلية ياخوى..مش ممكن!!!
رد سامح الشهير بعسلية وأبن عيلة الدهُل : أمال..علشان كدة الكل أنبهر لما سمع أسم عوضين هنا..ياســــــلام..ياســـــلام…عوضين ..والجنية العظيمة فيريال
دول علامة مضيئة ونجوم ساطعة فى سماء الشعوذة والخدع
تقدم الطابور حتى وصل لحلاميزو فوجد رجل عجوز يقدم لة قللة قائلاً فى قوة : أركب
رد حلاميزو قائلاً : مانيش فاهم ..أركب أية ياعم أنت؟
رد العجوز : أركب الهوا
ضحك حلاميزو قائلاً :يعنى أية أركب الهوا ..هو الهوا بيتركب يابوى
تكلم الرجل بنفاذ صبر قائلاً : يعنى أمسك القللة دى وأخبطها على دماغك
وأنت بتعزم وتقول:
هواشين…………. ياهواشين
اركب الهوا وأركب قطر البدرشين
نظر حلاميزو لذلك الرجل قائلاً لنفسة: دة باين علية راجل منخولية جوى
أنتظر العجوز دقائق وصاحبنا واقف كالتمثال لا يتحرك قيد أنملة حتى أنفجر فية هذا العجوز صارخاً: أية يابنى!!!
أحنا هنقعد كدة كتييير والا أية حكايتك معايا..ماتنطق..ماتركب الهوا
رد قائلاً فى رعب : حاضر..ماصبرك على شوى..
و فعلاً تقدم للامام رافعاً القللة بيدة المرتعشة وهو مغمض العينان
قائلاً بصوت متردد …ضعيف… خائف :
هواشين…………… ياهواشين
اركب الهوا وأركب جطر البدرشين….
الى ان نكمل ,,
محمد مصطفى
في يونيو 12th, 2007 at 1:51 م
يا حلمي يا جامد. إيه الحلاوة دي , حلاميزو كسرت الدنيا. خصوصأً سامح الدهل اللي من غيره القصة مالهاش طعم. بس بجد حلوة أوي.
في يونيو 12th, 2007 at 2:22 م
يحرج ابو الي جاب ابوك
أختفت السيارة عن الانظار بسرعة رهيبة وكأنها صاروخ يقودة عفريت مجنون
ده حتلقيه حضرتك اكيد مسقط sir عشان كده حتلاقي طاير بيها معلش يا حلمي كل واحد وتخصوصو
مبرووك ليك وفي الاخير احب اقولك حاجه
(تررلم ترررلم )) (( لا لا لا لا لا ))
في يونيو 12th, 2007 at 3:00 م
مع السلام عليكوا
شكرا يا ياسر بترفع من روحى النفساوية , ويا يا عبد الله انا كنت هاكتب حوار الsir ده بس قولت اسيبهالك المهم انك مزقطط
مع السلام عليكوا
في يونيو 12th, 2007 at 3:05 م
السلام عليكم ورحمة الله و باركاته
ثالثا بجد الموضوع حلوة و يا ريت يستمر كده
اولا احب اهني محمد مصطفي علي المقالة الجديد ده
ثانيا احب اقول لعبد الشكور انا كتبت بالعربي علشان ما يقولش مقالة يعني ايه بالانجليزي
رابعا و اخيرا اسفة طولت عليكم
في يونيو 12th, 2007 at 4:00 م
اباي عليك آ حلمي !!!
اما الحديد دٍه واعر جوي جوي يابوي . حاكم ماني ماكنت جاعد عالتليتوار لما جالولي فيه حديد زين فطيت واخد ديلي فحنكي وجيتك اهنيه.
اما يابوي عسامح الدهل ماني هارفه الويد ديه , جريب هاني الترل اما يمصوا الجصبات عمجطوره واحديه.
وآلافين (في النهايه يعني)…احب اسمع غنيوة الجنزورة واجفالي عالجزجة .
واهديها للويد حلاميزو واللي جابه والدهل لا والترل اه .
سانتراكاتوووووووووو .
في يونيو 12th, 2007 at 7:49 م
مع السلام عليكوا
شكرا اوى يا هادولة على التعليق اللذيذ ده
وبالنسبة لخالد انا اول ما اشوفك هاغانيلك الغنية اللى انت عايزها دى
يالا سلام
في يونيو 12th, 2007 at 8:35 م
صباح الخيـــــــــــــــــــــــــــــــــــــــر
“”"”هيثم “”" أنا مش هرد عليك ، عارف إنك لو تعرف (هيثم المجزوم) مكنش زمانك قلت كده
بجد مبســــــــــــوط عشاني كتبت التعليق “مع انه بالعربي “:S
مبروووووووووووووك يا حلمي على الجزء الجديــــد
مش قادر اقولك حلاميزو جامد أد إيه و عمل إيه عندنا ، الدنيا بتتقلب البلد بتتكسر، الميه بتغلي و النار بتشتعل
لأ بجد جامدة:D و خصوصا الواد الدهل .
” هواشيــن يا هواشين ، فيريـــال ، اركب الهوا ………… ” لأ لأ مصادرك قديمة قوي أكيد عفاريتك فراعنة
اكتب الجديد بسرعة عايزين نعرف على فين رايح حلاميزووووووو
في يونيو 12th, 2007 at 9:31 م
ياسلاااااااااااام على الخيال الواسع يا حلمى , انت وهمى اصلا من يومك وبعدين ايه ده معقولة حلاميزو مش عارف يعنى ايه اركب الهوا ده جاهل اوى بس معلش اصله لسه صغير شوية ……. بس بجد الجزء ده حلو وببتشوقنا نعرف الباقى وايه اللى هيحصل بس بجد دى ميزة كفاية كده بقى وهبطل راغى اهو ……..سلااااااااااام
في يونيو 12th, 2007 at 10:32 م
مع السلام عليكوا
شكرا لهبة و لاسر على التعليقات ومعلش يا اسر ماكنتش اعرف هيثم المجزوم اللي انت بتقول عليه ده
مع السلام عليكوا
في يونيو 12th, 2007 at 10:34 م
هواشين هواشين اركب جطر البدراشين
حلوة اوي انا في الاول بجد كنت حاسه اني في فيلم هاري بوتر بس بعد كده هواشين دي و الجله قلبت الموضوع خالص بجد ضحكتني و بيعجبني فيك النقطة الي بتقفل فيها القصة بجد مشوقة
و انا مستنية الباقى بجد كل حلقة احلى من الي قبلها و ربنا معاك يا حلاميزو
و انا مستنية طنط فريال و قصصها بس اسمها كمتن حرام عليك مسخرة
سلامان:)
في يونيو 12th, 2007 at 10:50 م
انا تعليقي ليك فقط علي الاخت العزيزة فيريال و مش هنسي الخناقة اللي اتخانقناها عشان نرسي في الاخر علي فيريال .. مالها فواتن بس
100% و كمل كده و خليك خفيف امال ( انتا فاهمني)
و بقول لهديل : هو الكلام ده حصل امتي .. مش فاكر !
المهم يعني اي كان الاسم .. و معلش لو كان الموضوع استفزك يعني 
تحياتي,, محمد
في يونيو 13th, 2007 at 2:17 ص
بسم الله الرحمن الرحيم
ما شاء الله
بجد بجد بجد
بجد
رائع
انا لا انكر انى فى الاول كنت حسه
انى فى فيلم هارى بوتر جداا
بس بعد ذلك مثل ما قالت نور
القصة اصبحت جامدة جدا ما شاء الله
واكثر الاشياء التى اعجبتن :
1- رفع حلاميزو رأسة بشدة لمجوشى وهو يقول بصوت أشبة ما يكون (لصوت عصفور صغير ) :حلاميزو عصفور صغير
.
2- عوضين وفيريال يجيبوا حلاميزو :ازاى
.
3-” يانهار أبيض..أنت مش عارف أن أبوك أعظم ساحر وحطاب وقارىء فنجان فى القطر المصر..لا..دة مش فى مصر بس دة فى العالم كلة…ومش كدة وبس دة كمان الست ولدتك ..
أعظم جنيةو قارئة كوتشينة وأخطر فاتحة منديل..وأمهر قارئة للكف فى العوالم العلوية والارضية والسفلية كمان؟؟..أنت مش عارف حاجة عن تاريخ أبوك وأمك ياحلاميزو..دى ناس أساطير..دة أنت هتتعلم فى المدرسة حاجات من تأليفهم..خدع من أختراعهم…دول يابنى سحرة القرن.. ”
تلك احلى فقرة قد كتبتها من بداية القصة بجد فقرة رائعة.
الى الامام دائما فى سلسلة حلاميزو
والسلام عليكم ورحمة الله وبركاتة
وفى اختيارك الرائع للاسماء
في يونيو 13th, 2007 at 2:29 ص
مع السلام عليكوا
شيكو وياسمين ونور (السوبر)
بجد شكرا على التعليقات الحلوا دى اهو يا عم شيكو فيريال عملت شغل جامد 
ويا ياسمين بجد حلو تعليقك قوى بس انا زعلان انك شلتى المقال بتاعك ان شاء الله ينزل تانى ويكسر الدنيا 
في يونيو 13th, 2007 at 2:34 ص
(..أتنين ونص..ترن ترن تررررن…وتعالى وبص ترن ترن تررررررن ) اية ياعم حلاميزو احنا فى اخر العنقود هنا ولا اية !!
بس حقيقى القصة مسخرة وحلوة اوى وكل مرة احداثها بتكون مشوقة اكتر والشخصيات الجديدة عملت شغل جامد (سامح عسلية و فيريال ) مش عارفة ازاى فكرت فى الاسماء دى اتلغت من زمان ……اسيبك انا بقى عشان تلحق تركب الهوا
في يونيو 13th, 2007 at 3:01 ص
بجد يخرب بيتك يا حلمى البتاعة تجنن و دماغك تحفة .. بس انا عايزة اعرف بتجيب الكلام ده منين انت منين؟! و كمان اسامى الشخصيات تحفة بس انا عايزة اقول حاجة(أختفت السيارة عن الانظار بسرعة رهيبة وكأنها صاروخ يقودة عفريت مجنون )حلوة الجملة دى عجبانى مش عارفة ليه المهم شدوا حيلكوا يا رجالة عايزين حاجات جامدة و مستنية اللى هايحصل
في يونيو 13th, 2007 at 3:37 ص
مع السلام عليكوا
rony & nariman
كرا اوى على الحاجات الحلوة دى و بالنسبة للاخت العزيزة الغاليه نيرمو انا كتبتلك(..أتنين ونص..ترن ترن تررررن…وتعالى وبص ترن ترن تررررررن )مخصوص علشان انا عارف انك بتحبى الحاجات دى
رانيا: ( بجد يخرب بيتك يا حلمى ) يه كده انا عملتلك حاجة يا ستى :S
مع السلام عليكوا
في يونيو 13th, 2007 at 5:26 م
السلام عليكم.
احب احيي صحبى و حبيبي حلمي علي الموضوع الكفاءة ده و القصة بئت جامدة مووووت و ملهاش حل بس انا زعلان علشان قولت هتعمل حلاميزو في الغواصة و لسة مشفتش حاجة بس ما علينا يالا شد حيلاك و عيزينك تكتب حجات اجمد و اجمد.
سلام
في يونيو 13th, 2007 at 7:54 م
مبروك يا حلمى وبجد جامدة أوى وربنا يوفقك وتكمل الأجزاء الباقية
لو كده نبقى نعملها مجلد وننشره
وكمان مرة ربنا يوفقك بس متتأخرش علينا عشان حلاميزو بيوحشنا
سلاموا عليكوا
في يونيو 14th, 2007 at 3:59 م
تحفة بجد تجنن اسلوبك حلو اوي و شيق بس بعد كدة متتأخرش علينا من فضلك و ربنا يوفقك
في يونيو 14th, 2007 at 4:07 م
ايه يا عم حلمى الجمال ده (:. ايه الحلاوة دى..بجد مش لاقى حاجة أقولها عالكلام الكبير ده. أنا أكتر حته عاجبتنى هى”وأخذ منة شنطتة ووضعها فى قلب شنطة السيارة ونظرللدكشى قائلاً : أشوف وشك بخير ياحاج دكشى..وماتخفش على حلاميزو
هيكون بخير وفى أمان
رفع أبو لبدة يدة للسيارة وهى ترحل بركابها قائلاً بعلو صوته :
مع السلامة..مع السلامة..تروح وترجعلنا بالشهادة الكبيرة ياحلاميزو ياولدى”
بجد الحتة دى قطعت قلبى و حسيت أن الدمعه كانت هتفر من عينى :’(. بس الحمد لله لحقتها:D ز المهم أحب اهنيك عالمخ النضيف ده و أقولك دوووس أكتر يا كبير.(يالا يا عم بقيت كبير أهو;) )
و أخيرا أحب أشكر عبشكور على تلبية رغبات الجمهور و تعديل ال (site) معلش كتبتها بالأنجليزى عشان معرفهاش بالعربى :$
و السلام عليكم
في يونيو 15th, 2007 at 1:00 ص
مع السلام عليكوا
شكرا منة
شكرا يا نهى ولازم اتاخر عليكوا امل فين الاثارة و التشويق:D
شكرا يا توفيق بس فى حاجة (و أخيرا أحب أشكر عبشكور )ايه يا عم اللغات دى انت فى سنة كام يا ابنى
في يونيو 15th, 2007 at 3:18 ص
حلمى بجد ايه ده اسلوبك فى الكتابة حلو اوى . بس انا مش عارفة انت هاتكمل هارى بوتر المصرى ولا ايه؟ مش قصدى حاجة بس لو كانت حاجة جديدة كلها كان يبقى احسن .. بس يا حلمى ماكنتش اعرف انك بتكتب اتمنالك التوفيق
في يونيو 16th, 2007 at 10:54 م
مع السلام عليكوا
معلش نسيتك يا كريم عاعموم شكرا و فكك بقى من حلاميزو فى الغواصة دى
ميشا اسف على الى حصل بس انا اسف بس ماتكتبيش ارابيش تانى
بس شكرا واللهى عالتعليق الجميل ده
في يونيو 17th, 2007 at 2:03 ص
السلاموا عليكم يا كبير (بعد عمنا الكبير توفيق طبعاَ بس بشهادته)
بجد اكثر حاجه بتعجبني في قصاصك الاسامي بس نصيحه بلاش تسمي ولادك خالي ماميتهوم تساميهوم :} و عسليه ده اسم مسخره داخل دماغي من فتره أصل التًباع بيتاع الميكروباس قال لي فاطمه انزيلي يللا يا عسليه و هيا جت متضايقه قوي و هوا اسم موستافيز مووووت و أعدت اضحك عليها و والد صغير بيعاكسها قالها ايه يا عسليه :> شكلها عسليه بجد
و فريال ديه فاكرتني ب(المال و البنون) ما شاء الله بتفكرني بذكريات جامده يعني:> و يلا باقا رابينا يوفقك بس بجد ابقي قولي هتسمي ويلادك أيه
في يونيو 18th, 2007 at 1:26 ص
مع السلام عليكوا
شكرا يا عسلية التعليق الجامد ده
بس خلاص
في يونيو 23rd, 2007 at 12:17 ص
السلام عليكم
مبروك ياحلمى بجد الجزء ده مشوق جدا وقولتلك يابنى الخيال جامد جدا وانا عما بحب القصص الخياليه على فكره انا كنت بقرا دايما لشكسبير شكلى هغير وبجد اسلوبك ماشاء الله حلو جدا اسلوب حد محترف كتابه
ربنا يوفقك وتمتعنا كده دايما
يلا باى
في يونيو 23rd, 2007 at 7:15 م
اشكرك شكر اشكر عليه…….هاهاهاها…جامد موووت برافو بجد..فى انتظار الجديد
في يونيو 24th, 2007 at 1:27 ص
السلام عليكم
اية الحلاوة دى لا بجد خيالك واسع القصة جامدة موت واحلى حتة عجبانىأختفت السيارة عن الانظار بسرعة رهيبة وكأنها صاروخ يقودة عفريت مجنون تحفة تحس انك فى فيلم اجنبى على راى نور( هارى بوتر).
وجميل اوى طريقة سردك للقصة وعلى العموم مش هكتر عليك ويارب تمتعنا اكتر واكتر ومعلش انا غبت عليك فى الرد.
يلا سلااااااااااام
في يونيو 24th, 2007 at 2:36 ص
heba adel شكرا يا بوكى
monamonto اشكرك شكرا اشكر من اللى انت شكرتهولى:D
NONA شكرا ليكى ولكل اهل الاسكندرية الجمال
…………7LMY