اتحدى المرض !
سأتكلم معكم عن تحدى كبير ليس بالسهل ولا بالعسير
فهذا المرض :
خطير وضار وسريع الانتشار .
كل من يتعامل معه تنتقل اليه عدواه.
- مرض لا يسببة ميكروب ولا فيروس.
علاجه ليس بالحبوب ولا بالشراب .
يجب ان تحذر منه ومن ضررة.
فهى سوسه كبيرة 
.
تخيلوا ما هو المرض الذى اتكلم عنه ؟
- انه مرض الـ ………………………………
Arabish أى اللغة التى ليست عربيه أو أنجليزيه بل خليط مشوه (مش لذيذ يعنى )
من كلا منهما
نعم اتحدوا فى مواجهة ذلك المرض قاطعوه مثلما نفعل فى تلك المدونة
( فاول ما اعجبنى فى دستورها المادة رقم 3 “عربى عربى- أنجليزى أنجليزى” )
قاطعوا تلك اللغه خاصة فى الـChatting
فهى بالفعل مرض معدى يضرنا جميعا
من يجربه ويرى اصدقائه يتحدثون بها
تناله العدوى بسرعة غير طبيعية ……
وانا واحدة ممن نالته عدوى ذلك المرض L
وأعتقد أن علاجه هو بالعزيمة والارادة القويه للتخلص منه ( انا لا اهرج …)
فالمرض كما قلت خطير
وقد عزمت من اليوم انا اقاطعها واتحداها
ان شاء الله .
1- فاللغة العربية دون خلط مع لغات أخرى
هى لغتنا القومية وهى لغة القران الكريم
التى تعبر عن هويتنا
- هى بصراحة لغة جميلة رائعة ( باستثناء النحو : الذى لا احبه ).
* فاذا تحدينا ذلك المرض سوف تتحسن لغتنا بطريقة رائعة .
* ستقل اخطائنا الاملائية كثيرا( فنحن الان نكتشف فى المدونة كمية أخطاء املائية ).
* كما سنستطيع ان نعبر عما بداخلنا فى الامتحانات.
2- كما أن اللغة الانجليزية لغة عالمية يجب على كل منا ان يتعلمها
لكى يعيش الحاضر وتكنولوجيا العصر ايضا.
( اللغة الانجليزية اصبحت شئ مهم جدا فى حياتك العملية )
* ورغم أن العديد منا يجيدون اللغة الانجليزية
الا أنهم يكتبون الـ Arabish !
تلك اللغة التى لا نتعلم منها اللغة العربية ولا الانجليزية !!!
فهى لغة بلا هوية ……….
لا نستطيع ان نتكلم بها فى واقعنا وحياتنا اليومية
* فتحدوا المرض
خاصتا فى الـChatting
والسلام عليكم
في يونيو 25th, 2007 at 1:31 م
السلام عليكم …
جميل جداً موضوعك يا ياسمين وبجد مهم . انا معاكي ان لغة الـArabish لغة مالهاش معني . يعني ايه فايدة ان الواحد يكتب بالحروف انجليزي مادام الكلام اصلاً عربي ؟ ولا يعني عشان يبقى اسمه مواكب للعصر المتقدم مثلاً !!!
بس المشكلة هي ان الناس اتعودت عليها وبقت تعتبرها اللغة الطبيعية في
الـChatting , بل انها بتعتبر اللي يكتب عربي عربي انه جاهل متخلف عن الركب .
ودي واحدة من التيارات الخارجية لمحاولة محو لغتنا من كياننا , زي تيارات محو ديننا وتاريخنا واصلنا وغيرها . نسأل الله ان يثبتنا والله خير الحافظين .
شكراً .
والسلام عليكم ورحمة الله وبركاته .
في يونيو 25th, 2007 at 1:39 م
السلام عليكم
الموضوع فعلا مهم جدا ومحتاج تفكير يا د/ياسمين
الARABISH أصلا مش لغة ده اختراع نسانا كل اللغات على العموم ربنا يشفينا كلنا
السلام عليكم
في يونيو 25th, 2007 at 1:44 م
wow u r fantastic i am with u in every single word u wrote and i will begin by myself from now on okay
bye bye and hope to see u soon sweet heart
في يونيو 25th, 2007 at 2:06 م
السلام عليكم
و انا معاكي في الحملة بس حبه حبه علينا في موضوع ال chatting
بجد مبروك على الموضوع الجميل دخ و ربنا يوفقك دايما كده و تطلعنا السوس الي في المجتمع
انا مش هقولك حاجة انت كنت معايا امبارح و شوفتي بنفسك ..بجد العربي هو الي بيعبر عننا ,,بجد لما بكون مخنوقة سبحان الله بلاقي نفسي قلبت و بتكلم عربي
و مبروك و سلام
في يونيو 25th, 2007 at 4:35 م
السلام عليكم و رحمة الله,
كلامك في الصميم يا ياسمين
و الله انا لو عليا اعمل اي شئ و اتوقف عن كتابتها و لكن المشكلة انك لازم تجاري الناس في تصرفاتهم الي حد ما.
مبروك مرة تانية,, محمد
هو بالفعل مرض يحتاج لتحدي و لكن هنا مخاطبة شريحة قليلة من الناس دي .. الأدهي هما رواد الchat و غرف الـ PalTalk و الـ IRC انا و الحمد لله ولا مرة تعرضت للناس ديه او حتي حاولت اخطلت معاهم لانهم عالم تاني .. الموضوع كبير
طولت انا صح؟
في يونيو 25th, 2007 at 4:56 م
فاكرة لما قلتيلى اخمن اية المرض اللى هتتكلمى عنة ؟وقلتلك مرض العصر وكنت بهرج ….. بس انا مختلفة معاكى شوية لان الموضوع مش مرض نتحداة قد ما هو تعود على اللغة دى وانا واحدة من كتيييييير بيستخدموا ال arabishفى الchatting بس ابدا مش بقصد اهانه او تقليل من لغتنا العربية هو بس فكرة تعود وسرعة. مش هنكر ابدا انى فى الاول كنت ضد المادة رقم 3 فى دستور المدونة بس بعد وقت قليل اقتنعت جدا بها اولا للحفاظ على مظهر وتنسيق المدونة بعدم وجود اكتر من لغة خاصاً اننا كلنا معترفين ان ال arabish مش لغة معترف بها اصلا وتانى سبب ان الماده 3 كانت فرصة انى ابدأ اتعود على الكتابة بالعربية خصوصا انى فعلا بطيئة فيها جداًS:…… المهم ربنا يوفقك والموضوع حلو بس بكل امانة مش هوعدك انى ابدأ باستخدام اللغة العربية فى الchatting عشان ممكن اتشل واشيلكوا معايا…. ملحوظة: يمكن كمان عشان فى كلمات عامية اوى بنستخدمها فى ال chatting بال arabish معتقدش هنقدر نكتبها باللغة العربية لاننا لو كتبناها يبقى هنبقى بجد بنحرف اللغة العربية.
في يونيو 25th, 2007 at 5:01 م
بسم الله الرحمن الرحيم
Nora :
واكيد لازم نتحدا تلك اللغة فى الـChatting
ولكن حاولى انك تقللى منها على قدر المستطاع
الله يبارك فيكى وشكرا على تعليقك الممتع
وانتظرينى فى السوس القادم
خطوة خطوة انا لست فى استعجال
( بس بجد حولى, ماشى ؟؟؟ )
حتى تتخلصى منه الى الابد
ان شاء الله
محمد عبد الشكور :
انا معك فى تعليقك فعلا
- فيجب ان نجارى الناس لكى نستطيع ان نتعامل معهم
ولكى نفهمهم ايضا ولا نكن منعزلين.
- بالفعل انا اخاطب شريحة قليلة ولكن اتمنى ان تؤثر فيهم
(اما رواد الchat و غرف الـ PalTalk و الـ IRC : شفاهم الله وعافاهم)
- الموضوع كبير جدا لدرجة من كثرة افكارى فى ذلك الموضوع
كنت حسه انى فى دوامة .
- ” طولت انا صح؟ ” :اكيد لا
فلقد تكلمت فى نقاط مهمة جدا
ما شاء الله
والسلام عليكم ورحمة الله وبركاتة
في يونيو 25th, 2007 at 5:53 م
بسم الله الرحمن الرحيم
Nariman:
)
)
شكرا على هذا التعليق الجميل وعلى هذا النقد البناء
- اعلم ان تحدى هذا المرض بالشئ الصعب
ولكن حاولى لانك لستى من سيتحدا المرض فقط
ولكن انا كمان وناس تانية
( وانت مش هتشلينا احنا بس ,احنا كمان هنشلك
( عشان احنا كمان بنكتب عربى بطيئ
وممكن تكتبى لغة انجليزية …
(وانا لا اقول اننا لا نكتب تلك اللغة ابدا ولكن بحدود)
ولكن هدفنا واحد وهو :
تحسين لغتنا العربية والانجليزية
وبجد تعليقك نور الموضوع
في يونيو 25th, 2007 at 7:02 م
بجد يا ياسمين الموضوع حلو أوي و مؤثر كمان و مستانيين مواضيعك اللي جاية بفارغ الصبر إن شاء الله.
أنا شايف إن موضوع ال ARABISH ده مش وسيلة لضياع اللغة ولا حاجة هي المشكلة كلها إن إحنا إتعودنا علي الكتابة علي الkeyboard و خلاص حفظنا مكان الحروف الإتجليزية لدرجة إن إحنا ممكن نكتب من غير ما نبص. لكن الحروف العربي بناخد وقت كتير أوي عشان ندور عالحرف اللي عايزينه.
و أكيد االغة مش هاتضيع من الموضوع ده. إحنا لو عودنا نفسنا نقرأ كل يوم القرآن الكريم و لو صفحة واحدة , عمرنا ماهننسا العربي و هانكون جامدين أوي في النحو و دي تجربة شخصية. أما الإنجليزي ممكن نقرأ أي حاجة, نتفرج علي أفلام أو نسمع أغاني.
أنا آسف إني طولت عليكوا بس دي وجهة نظري.
و مرة تانية الموضوع بجد تحفة.
في يونيو 25th, 2007 at 10:11 م
hi yasmine really its a real problem that we all are facing but also i think in chatting we try to talk by the way we talks already thats why its easier to talk by the arabish but really i’m with you totally and i’ll try . also i wanted to tell you that at first i thought you are going to talk about living with the disease i mean serious ones but also this topic is as importante as that one and may be its importante to us more God bless you and thank you
في يونيو 26th, 2007 at 12:14 ص
بسم الله الرحمن الرحيم
لقد مسحت تعليقى بالخطا
وها انا اكتبه مرة اخرى
khaled : جزاك الله خيرا على هذا المرور
واتمنى ان نتحدا هذا التيار مهما كانت صعوباته .
AMANDA: شكرا على هذا التعليق الجميل
واتمنى ان الله يشفينا منه
hadoola : بجد تعليقك اسعدنى جدا
وبالايجابية الكبيرة دى ما شاء الله
واتمنى ان الجميع يقاطعها حتى ولو بنسبة ضئية
وشكرا على مرورك الطيب
والسلام عليكم
في يونيو 26th, 2007 at 3:06 ص
مع السلام عليكوا
شكرا يا ياسمين على المضوع الجميل و هحب اقول ان هذه المدونة هى خطوة ايجابية فى طريق تحدى الارابيش فنشكر عبد الشكور على البند اللى كتبه وينص على عدم الكتابة بالارابيش انا اتعلمت اكتب عربى من هذه المدونة
في يونيو 26th, 2007 at 3:10 ص
السلام عليكم
ثانياً:ان العربى الي سنستخدمه في الchatting ده مش عربى ده عامي:s و هي الفكره ان لما بنكتب عامي بنضمر اللغه اكثر و احنا طبعاً لا يمكن ننسي العربي فاذا ماكناش مسلمين و بنقرأ و نحفظ القراَن فاحنا بنستخدمه في الدراسه(لازم نكتب في الامتحان فصحي اكيد):) و احنا حتي لما بنشوف اخطاء املائيه غالباً بتكون كلام عامي علشان مبنبقاش متخيلينها 
و علي النقيض احنا لو استخدمنا اللغة الانجليزيه فاحنا بنستخدمها بكل قواعيدها ……
واحشاني يا ياسو موضوعك حلو اوي بس انا عاوزه اعلق علي حاجه:$…
أولاً:النحو ده أحلي حاجه بجد في العربي أنا أكثر حاجه بحباها في العربي هي النحو
بس بجد موضوعك حلو اوي و اكتر واحد عاجبوا أنا متأكده عبد الشكور :d هو حتي كان بيقول ال arbish بيجبلوا حمي
مع العلم انه عاجبني الدستور في حوار الماده رقم 3 اللي أتهمت فيها ظلم:$ و عبد الشكور هيٌعلم الدفعه كلها تكتب عربي بسبب الموقع ده أي خدمه يا ياسوو يعني مش حرمينك من حاجه;)
في يونيو 26th, 2007 at 12:03 م
بسم الله الرحمن الرحيم
Mohamed Yasser:
جزاك الله خيرا على هذا التعليق الفعال
وانا معك فى ما قلته بالتاكيد
و لكن انا ارى ان الـArabish لن يضيع اى من اللغتين
ولكن جودتنا واتقاننا لتلك اللغتين سوف تقل بنسبة كبيرة
وشكرا مرة ثانية على هذة الفاعلية
nanoush:
شكرا على هذا الكلام الجميل
- بجد انا معاكى ان تلك اللغة سهلة خاصتا
فى النقطة التى وضحتيها وهى :
انها هى اللغة التى نتكلم ونتحدث بها
…………………………..
والحمد لله العنوان اعجبك
mohamed mostafa:
والحمد لله ان انقطاعك لتلك اللغة
شكرا على التعليق
اصبحت تجيد اللغة العربية والحمد لله
وهذا ما اريده من الجميع ان تتحسن لغتنا العربية
mira:
نورتى الموضوع يا اميرة بجد
بعد غياب طويل (الحمد لله انك معانا)
- اكيد لن ننسى العربى
ولكن قدرتنا ومهارتنا فى تلك اللغة سوف تقل كثيرا
فانا اقول انك تكتبى فى الـChatting مثل ما كتبتى الان فى تعليقك
(هنحسد) : الحمد لله ان فى واحد عجبه الموضوع
والسلام عليكم
في يونيو 26th, 2007 at 5:38 م
مساء التجموعات
اولا شكرا بجد يا ياسمين على الموضوع المعادي ده … واحب اضيف حاجه ان الحاجه دي بتدي فرصه للشباب الي زينا انهم يكتبوا عربي كويس ..
انتي عارفه بقى في ناس بسم الله مشاء الله اساتزاه في اللغه العربيه دي ..
المهم بجد الموضوع مهم وعقبال المواضيع الجيه
في يونيو 27th, 2007 at 1:39 ص
معلش انا بكتب تانى علشان اميرة بتقول احنا بنكتب عامى مش عربى
مش عارف عايزانى اخوش يعنى اقول ( السلام عليكم مرحبا ايتها الاخوة الاحباء فى مدونتكم الجميلة , يا اخوتى موضوع اليوم شائك ومثير للجدل
ولابد من كل فرد ان يقرا هذا الموضوع بدقة و امعان………….دا ملل لبعض الناس) المصريين العامية لغتهم وغير ذللك بعض الناس بيزهئوا بسرعة من اللغة العربية فمش مشكلة لما نكتب عامى اللغة مش هتدمر ولا حاجة على سبيل المثال اهو عبدالله كاتب المعادى(المعدى)عادى مش مش مشكلة ومفيش كلمة اسمها المعدى فى المعجم اصلان اصلان
في يونيو 27th, 2007 at 4:07 ص
السلاموا عليكم(مرحبا أيتها الاخوه الاحباء…..):)
بعدين عاجبتني شائك ديه :d حسيستني انه بيشوك
علشان تبطل تاريائه:)
:d علي فكره يا مصطفي انا بتكلم ان بجد الكلام بيبقي بالعربي مسخره يعني قشطه و ممكن تلاقي ناس كتبه لول ديه مشكله لوحدها و تايت و برب و باي و هاي
اسمها شائق
بس بجد يا ياسو الموضوع حلو و أنا لما كنت بتكلم فأنا بتكلم علي كده و موضوع شائق في الحقيقه يعني:)
في يونيو 27th, 2007 at 5:02 ص
خلاص يا جماعه ما بقاش في حد في الموقع ده غيري انا الي ما بيعرفش يكتب عربي كويس… الله يسمحكم وعلى العموم خلاص يا جماعه انا عن نفسي هرياحكوا مني ومش هاكتب تاني ولا اعلق تاني
شكرا بجد على اهتممكم باللغه بالزات علي انا
سلام
في يونيو 28th, 2007 at 12:27 ص
السلام عليكم ورحمة الله وبركاتة
MORSY : جزاك الله خيرا على هذا التعليق
وبجد اخطاءك الاملائية بجد بتعمل روح جميلة لتعليقك
والحمد لله ان الموضوع طلع معدّى
ودائما معنا بموضوعاتك وتعليقاتك الرائعة
والسلام عليكم
وبشكر مصطفى واميرة على هذا الحوار
ولى ملحوظة وهى ان :
والفاعلية والحماسة
هاى-باى :ليست باللغة العمية
ولكن هى شئ ابشع من الـ Arabish
وهى الـ Englic
سلام للجميع
في يونيو 28th, 2007 at 12:37 ص
الموضوع جميل يا ياسمين و بجد اللغة ضاعت و انا اوب واحد ضاعت منى
لا بس ربنا معاكى يلا كملى
في يونيو 28th, 2007 at 2:32 ص
السلام عليكم
فعلا يا ياسمين ده مرض خطير جدا بس انا الحمد لله ماتعدتش منه لانى عندى اعتزاز بلغتى جدا لانك زى ماقولتى دى اشرف لغه لانها لغه القراءن الكريم
وبالتوفيق ان شاء الله ومنتظرين مواضيع اكتر
السلام عليكم
في يونيو 28th, 2007 at 2:29 م
انا كنت عايز اقول ان لو كل واحد شاف كتبته هيعرف انه عنده اخطاء املائية و لغوية كتير جيدا ف(ارحموا من في الارض يرحمكم من في السماء ان شاء الله)
علي فكرة يا عبد الله لازم تكتب تاني و تالت و كتير علشان انت من القليلين اللي اعترفوا بان لغتهم مش كويسة و مش لازم تقف عند كده بس اسعي انك تصلحها و ربنا يوفقنا جميعا لما في الخير لنا و لمجتمع .
في يونيو 28th, 2007 at 3:52 م
بسم الله الرحمن الرحيم
أحمد أســـامه :
شكرا على هذا المرور
واتمنى ان لغتنا تصبح احسن عن قريب
heba adel :
الحمد لله انك لم تمرضى بهذا المرض
وجزاك الله خيرا على تعليقاتك الجميلة
unknown :
معك فى كل ما قد كتبتة
وشكرا على هذا التعليق الفعال
لنا ولعبد لله….
في يونيو 28th, 2007 at 11:44 م
السلام عليكم
انا كنت فاكرة ان في اتنين بس في الدفعة اللي هيعرفوني بس واضح ان دفعتنا ذكية و كلها عرفتني
هديل محفوظ
في يونيو 29th, 2007 at 12:33 ص
ماشى يا ست هادولة قصديك عليا (ارحموا من في الارض يرحمكم من في السماء ان شاء الله)
بس انا مش بتريق لا سمح الله انا اكيد و عبد الله عارف انى بهزر ومش قصدى حاجة وشكرا لهديل هانم محفوظ
في يونيو 29th, 2007 at 2:40 م
السلام عليكم و رحمة الله بركاته
أصلا أصلا ما كنش قصدي حد معين
في يوليو 4th, 2007 at 8:25 م
أزيكو يا جماعة
أنا بصراحة مش عارفة أبدأ أزاى الكلام بس كل اللى عاوزة أقوله هو أنى نفسى أعمل بنصحتك يا ياسمين بس أظاهر أن ده أمل صعب تحقيقه لأنى مع الأسف حاولت و معرفتش و النتيجة أنى أصلا معنديش لغة لعربى ولا أنجليزى ولا فرنساوى حتى عشان كده أنا بقول لكم لازم نفذوا نصيحة سوسو
في يوليو 5th, 2007 at 5:26 م
بسم الله الرحمن الرحيم
ونورتى يا نيرمين 
وسلام
نيرمين: شكرا على هذا التعليق الجميل والفعال
ولكن اتمنى ان تحاولى مرة اخرى من الوقت للوقت
وبجد انا سعيدة بتعليقك