محل عم عطية !
هواشين…………. ياهواشين
اركب الهوا وأركب قطر البدرشين
نظر حلاميزو لذلك الرجل قائلاً لنفسة: دة باين علية راجل منخولية جوى
أنتظر العجوز بضع دقائق وصاحبنا واقف كالتمثال لا يتحرك
أحتى أنفجر فية هذا العجوز صارخاً:أية يابنى!!! أحنا هنقعد كدة كتييير والا أية حكايتك معايا..ماتنطق..ماتركب الهوا
رد حلاميزو قائلاً فى رعب : حاضر..ماصبرك على شوى..
وفعلاً تقدم للامام رافعاً القللة بيدة المرتعشة وهو مغمض العينان
قائلاً بصوت متردد …ضعيف… خائف :
هواشين…………… ياهواشين
اركب وأركب جطر البدرشين
ثم ضرب رأسة بالقللة صارخاً من الخوف ..ولكنة لم يحس أو يشعر بأى الم أو وجع على نافوخة ففتح عيناة ليجد نفسةفى قرية غريبة كل بيوتها مصنوعة من الحطب وفروع الاشجار…وهناك أناس وحيوانات وطيور
زحام غريب ….الكل مشغول بنفسة ومسيرتة فى تلك القرية وفجاءة وجد سامح عسلية يهلل لة من بعيد ومعه ولد غريب منبعج كالكرة فأسرع الية حلاميزو قائلاً لة : أية دة ياعسلية ياخوى؟؟..أحنا فين دلوجيتى..وراحت فين محطة الجطر اللى كنا فيها ..أية شغل العفاريت دة؟؟ومين الواد الغريب ده دا شكله ميت جبل اكده
أبتسم عسلية قائلاً : ماهو دة المكان اللى هنركب منة القطر بتاع المدرسة وده زقلط صحبى هو كدة مهييس على طول رد حلاميزو مهييس ازاى يعنى رد عسلية ضاحكا مسطول يعنى, واذا بزقلط. يضحك وهو يسال حلاميزو ده اسمك رد عليه حلاميزو ساخرا منه لا دا اسم اللى جانبى هاها ايوة طبعا اسمى فى حاجة ,رد زقلط لا يا سيدى تشرفنا.. فقال عسلية يالا بقى بينا على محل
عم عطية…للعصيان الحية
نظر حلاميزو لصديقةوهو لا يفهم شىء مما يقولة لة سامح ..الذى رجع للضحك قائلاً : معلش..معلش..أنت لسة جديد..وأنا بقى اللى هفهمك كل حاجة…مع أنى زيك ..ودى أول سنة لى فى المدرسة بس أنا أهلى علمونى وعرفونى وكانوا بيحكولى كل حاجة عن العالم الجديد دة..عالم السحرة وضرب الودع
سحب عسلية بطلنا من يدة وهو يسرع قائلاً : بسرعة ياحلاميزو علشان مقدمناش غير نص ساعة بس ولازم نركب القطر..وكمان لازم يكون معانا العصيان بتاعتنا
وفعلاً وصلا الى محل غاية فى الضخامة وأيضاً غاية فى الغرابة ..فكل ما بة من أدوات لايعرف لها حلاميزو مثيل من قبل بل لم يرى مثلها أبداً..هناك رأس لثعلب محنط..وبجوارة طرطور بة نجوم تلمع بشدة ..وهناك أيضاً مجموعة من الضفادع الحية تجرى هنا وهناك ..سلة بها بعض الثعابين من نوع الكوبرا المصرية الفرعونية..هذا بخلاف أنواع من الاعشاب غريبة الشكل والهيئة والرائحة أيضاً بخلاف العصى بأحجامها المختلفة..وبعض أنواع الودع ..وأشكال والوان من أوراق الكوتشينة غريبة الشكل والحجم..وأنواع من الكتب …الخ الخ
تقدم سامح من رجل غاية فى النحافة الشديدة وكأن أقل تيار هواء من الممكن أن يكسرة نصفين ..ذو عينان زائغة لا تستقر على موضع فلا تعرف الى أين ينظر صاحبهما…
نظر سامح لعم عطية قائلاً لة فى أحترام : عم عطية..صح؟
رد الرجل بصوت يشبة صوت صافرة أنذار صارخاً : أينعم..أنا العم عطية بتاع كل شىء..أنت تبع أى مدرسة يابنى؟
أخرج سامح من جيب البنطلون كرت ذهبى قائلاً : أنا فى سنة أولة فى مدرسة سحرة الفن الرهيب
هز العم عطية رأسة فى قوة قائلاً : أهلاً ..أهلاً بأجدع وأعظم طلبة لاعظم مدرسة ..مدرسة القرن العشرين فى السحر وضرب الودع..أية طلبتكم
رد عسلية : ذى كل التلامذة..عايزين العصيان بتاعتنا
هز الرجل رأسة علامة الفهم..وفعلاً أخرج لهم بعض العصى فأخذ سامح واحدة ..وقبل أن يمد حلاميزو يدة لاخرة
أنبرى الرجل قائلاً لهم : لا..لازم الاول كل واحد يمسك العصايا ويرفعها وهو بيعزم ويقول
طيرى…….طيرك
أنتى عصيتى والا غيرك
هرش سامح فى رأسة ثم قال : ماشى
وفعلاً تقدم سامح قائلاً وهو يرفع العصا:
طيرى…….طيرك
أنتى عصيتى والا غيرك
وهنا خرج من العصا شعاع كأنة شعاع ليزر لونة أزرق براق
فأنبهر سامح قائلاً للرجل : معنى كدة أية ياعم عطية؟؟
أبتسم العم عطية قائلاً : معنى كدة أن العصايا دى بتاعتك أنت ولا يمكن حد يستعملها غيرك أنت..ودلوقتى يجى دور صاحبك..ويجيب كرتة هو كمان فذهب زقلط ومعه الكارت الى عم عطية فقال زقلط لعم عطية ايه يا زعيم صباح الفل رد عم عطيه ايه يا عم انت جاى تبقى ساحر ولا سواق ميكروباص يالا اعمل زى صاحبك المهم عمل زى عسلية وحصل نفس الحكاية
وجاء الدور على حلاميزو
وهنا أسقط فى يد حلاميزو..فهو ليس معة أى كروت لا دهبية ولا حتى خشبية
نظر حلاميزو للرجل قائلا لة: بس أنا معيش أى كروت ياعم عطية.
ضحك الرجل قائلاً لة : لا أكيد معاك بس أنت مش واخد بالك..دوور وأبحث فى جيوبك كويس…مستحيل حد يجى هنا ويدخل سوق السحرة من غير ما يكون معاة الكرت بتاع مدرستة
وفعلاً أدخل حلاميزو يدة فى جيب الجلباب الذى يرتدية باحثاً عن أى شىء مع أنة متأكد من عدم وجود هذا الشىء المسمى كرت..ولكن ركبة الاندهاش والزهول المهول عندما خرجت يداة من جيبة بكرت ..لاول مرة يشاهدة …وبطريقة تلقائية قدم الكرت للعم عطية الذى نظر فية ثم فغر فاة بشدة وكأنة ينظر لحنش أو غول رهيب حتى أنة أصبح يتمايل ذات اليمين وذات اليسار وكأنة سيقع ميتاً بالسكتة القلبية ففزع حلاميزو وسامح من هذا الفعل الغريب ..وبعد فترة قليلة تماسك
قائلاً لحلاميزو..: خد العصايا التانية دى وقول ذى ما قال صاحبك بالظبط
قال هذا وهو ينظر لحلاميزو نظرات الشك المريب فلم يلحظ هذا غير عسلية
أمسك حلاميزو بالعصا ناظراً للرجل : يعنى لازم أجول الكلام دك وأنا رافع
النبوت دة
هز الرجل رأسة علامة الموافقة والتأكيد قائلاً : أيوة..بس دى أسمها عصايا
مش نبوت
فرجع حلاميزو ينظر للعصا أو النبوت ثم زفر فى قوة قائلاً :
طيرى…….طيرك
أنتى عصيتى والا غيرك
فلم يحدث أى شىء أو يخرج من العصا أى شعاع مثلما حدث وفعلت عصا سامح..فنظر حلاميزو للرجل فى تعجب..فقدم الرجل عصا أخرى لحلاميزو..وحدث نفس الشىء..وهكذا حاول حلاميزومع كل العصي
الموجود أمامة ..ولكن بلا طائل أبداً حتى شهق الرجل وصمت كالموتى بضع دقائق وبعد أن أفاق من زهولة الغريب قال لحلاميزو: أصبر شوية
يابنى
وأقرن قولة هذا بأن تركهم دقيقة أخرى مختفياً بداخل مخزن المحل ثم خرج حامل معة عصا غريبة الشكل والصنع أيضاً
قائلاً لحلاميزو:بص ياحلااميزو
العصايا دى ماحدش قدر يخلليها تنطق بتاتاً من يوم صنعها
ودةمعناة أن صاحبها ممسكهاش لحد الساعادى ..فجربها كدة..بس خد بالك..العصايا دى..قوتها رهيبة لاينقاس قوتها مع أى قوة لعصايا..فلو نطقت أوعى تفزع وترميها ..فاهم..فاهم كلامى كويس
نظر حلاميزو لصديقة عسلية ..ثم نظر للعصا وبلع ريقة قائلاً فى خوف مهول
طيرى…….طيرك
أنتى عصيتى والا غيرك
وهنا…وهنا حدث شىء غريب..ورهيب حقاً
في يونيو 19th, 2007 at 4:05 م
إيه يا زعيم صباح الفل , أنا مش عارف أقول لك إيه يا حلمي إنت فعلاً جامد و بتعرف تقفل الجزء اللي عايز تقوله في القصة صح , يعني بتشوقنا بطريقة جامدة أوي. أنا مش هاطول عليك, القصة هايلة و ربنا معاك في الباقي.
في يونيو 19th, 2007 at 4:21 م
really its great ana each time its greater than the another but please don’t stop writing and i think that the ability of writing by this way must give you happiens and pleasure God bless you
في يونيو 19th, 2007 at 4:38 م
لا يا عم ابو الحلاميز آني ماجدر ع اكده واصل …
اباي عليك تاخدنا وتشوجنا للـ(شىء غريب..ورهيب حقاً)) وتاجي تجف لحد اهنيه؟؟؟!!!!!
والله ما كان عشم جلبي فيك اما جيتك م التيليتواار .
انما عفارم عليك وعلى شغل العفاريت ديه راخر .
اما اسيبك بجى عشان ماجوم اجرب النشيد الزين الواعر ديه (طير..طيرك ,
أنتى عصيتى والا غيرك) على نبوت المجشة ,يمكن تنور هي قمان .
سانتراكاتوووووو .
في يونيو 19th, 2007 at 4:39 م
السلاموا عليكم
و بعدين التعبيرات بتعجبني أوي (و بلع ريقه ) ديه أنا متخيله المنظر مسخره و لو أسامه كان موجود كان زعقله و ٌقاله انت بيتبلع أيه :d:)
لا بجد جامده القصه خايالك واسع أوي مصطفي
يلا بقي ربنا معاك و استمر:)
سلام
في يونيو 19th, 2007 at 5:20 م
مع السلام عليكوا
Mohamed Yasser شكرا يا زعيم
nanoush بجد شكرا يا نهى على المجاملات دى
khaleD شكرا يا خالد مع انى مافهمتش نص الكلام:)
شكرا
في يونيو 19th, 2007 at 5:48 م
hey 7elmy,, really its so great n nice . u have a different way in writing this subject.plz dont stop it
في يونيو 19th, 2007 at 6:27 م
مساء التجموعات
قشطه يا حلمى على المواضيع الي على كل مدى تجمد …. بس انا رئيي من رئيي وزرتي نرموووووووووووو انك لما تتجوز ان شاء الله ما تحولش انك تسمي عيالك كيفايه علينا الاسماء دي ابقى خلي مراتك هي الي تسميهوم …وشد حيلك في الجي(( عوزك تتكلم عن ال Sir تاني))
في يونيو 19th, 2007 at 6:57 م
mira شكرا يا عسلية
على التعليق الجامد ده
hoda شكرا واللهى انا فرحان انك قراتيها لاول مرة
MORSY ماشى يا عم انا هبقى اجيبك تسميلى او لو ولد يبقى مرسى لو بنت على اسم امها
في يونيو 19th, 2007 at 8:06 م
السام عليكم
ايه يا عم حلمي شوية و كنت هطير من على الكرسي و اتمايل ذات اليمين و ذات الشمال
معلش للتأخير .. بس أنا لسه عند رأيي أكتر حاجة بتعجبني نهاية كل مرة
و أنا برده لسه مستنية طنط فريال علشان كده طال غيابها:$
و سلامات و عقبال الي جاي إن شاء الله
في يونيو 20th, 2007 at 12:10 ص
السلام عليكم و رحمته و باركاته
لا مش كده يعني ايه التقدم والتشويق ده كله حلوة قوي القفلة المرة دي انا مش مصدقة نفسى.
اصلان اصلان مش ينفع تبطل تكتب حلاميزو علشان مش هتقدر لانك فعلا موهوب ولازم تنمي الموهبة في الخيال الواسع ده مش تقفل علي كده و السادة المتابعين يخبطو دمغهم في الحائط و لا ايه رايك انت يا باشمهندز محمد مصطفي.
اسفة طولت عليكم و بالتوفيق ان شاء الله.
في انتظار التالي.
في يونيو 20th, 2007 at 1:41 ص
بجد يا حلمى انا وانا بقراها المرة دى كنت متخيلة كل حاجة كأننى شيفاها مش بقراها بس. ماشاءالله انت بتوصف كل حاجة وبتخلينا نتخيلها وطبعا انا موافقاهم على نهياتك المشوقه ………..مستنين يوميات حلاميزو دايما D:
في يونيو 20th, 2007 at 2:18 ص
مع السلام عليكوا
Nora شكرا وفكك بقى من فيريال دى
hadoola اصلان اصلان يا بشمهندزة هدولة انتى علطول كلامك صح وما حدش هايخبط دماغة فى حاجة ان شاء الله وشكرا اوى على التعليق
nariman شكرا ياشجرة الرز هانم
وان شاء الله عز الدين ايمن هايكمل المسيرة 
(دا سييم نيرمو عارفاه)
في يونيو 20th, 2007 at 2:43 ص
السلام عليكم.
ايه الموضيع الجمدة ديه احنا مش اد الكلام الكبيير ده بس المرادي ال قصة ملهاش حل و النهاية جامدة مووت.
*انا لسه مستني حلاميزوو في الغواصة.
و كفاية كده علييك.
في يونيو 20th, 2007 at 3:03 ص
ملحوظة : القصة دى مجرد استلهامات من قراءات ده مش 100% انا ده انا عامل اعادة صياغة من دماغى انا مش عبقرى للدرجة دى ولا خيالى واسع للدرجة دى انا عامل شوية اسماءو شوية شخصيات من اختراعى وحبة كوميديا (على قدى) ولهجة غريبة بس يعنى بس بجد مجهودها جامد وكلوا علشان شباب عمارة:D و شكرا على التفاعل منكو ويا رب تعجبكوا كمان و كمان
7ELMY:D
في يونيو 20th, 2007 at 6:04 ص
مهما عملت و مهما حاولت مش هاتقدر ماتكتبش تاني عارف ليه؟؟؟؟
لإن اللي ابتديته لازم تخلصه و إنت ابتديت حلاميزو معانا و هاتخلصها معانا إن شاء الله.
و بعدين يرضيك الناس دي كلها تبقي قاعدة مستنية الحلقة اللي جاية و بعدين مايلاقوش حاجة!!!!!
و يا سيدي إحنا عارفين إنها مش 100% منك بس كفاية إنك بتحاول تنمي مهاراتك من خلال التغيير في الأحداث أو الشخصيات.
و علي فكرة ده مش رأيي أنا بس ده رأي ناس كتير أوي من اللي متابعين حلاميزو.
في يونيو 20th, 2007 at 2:25 م
kareemشكرا بس خلاص انت خنقتنى بالغواصة بتاعتك دى يبق خش اقرا فوزى فى الغواصة على البلوج اللى انت عارفه بقى
Mohamed Yasser يلا عم ان شاء الله هاكتبلكوا تانى ومتزعلش نفسك
في يونيو 20th, 2007 at 2:30 م
السلام عليكم ورحمة الله وباركاته
اصلان بيتهيالي ان كلنا عرفين ان ده مش كله تاليفك بس كفاية الروح الدعبة و الاسامي وكل اللي انت بضيفه عليها ده بيعطي لها بعد اخر و علي راي نرمو المرة دي كلنا كنا متخيلين الاحداث قوي.
و بالتوفيق يا باشمهندز محمد و ربنا معك في اللي جاي ان شاء الله .
في يونيو 20th, 2007 at 3:01 م
بسم الله الرحمن الرحيم
اولا:
احب ان اهنئك على هذة القصة الخيالية الصعيدية الرائعة
التى قد ادمنتها انا وجميع قرائها .
ثانيا:
انا اؤيد كل تعليقك هنا
فالقصة جميلة فى :
1- الاسماء
2- التعبيرات الصعيدية
3- النهاية المشوقة
وحاجات كتير……………………..
ما شاء الله
(ولكن انا اكثر شئ اعجبنى جدا هو :
اللهجة الصعيدية فانت توظفها بطريقة رائعة)
توظفها … كلمة جمدة صح
واخيرا:
التقليد هى مرحلة مهمة للابداع
وبعد ان تتقن التقليد (التقليد مهارة فعلا)
ياتى الابداع اى تكتب القصة من أ-ى
- ملاحظة : انك اول مرة تكتب قصص
وان قصصك تنال هذا الاعجاب …..
فهذا يؤكد انك موهوب بدرجة جامدة جدا
معلش اتكلمت كتير
ولكن هذا من اعجابى بقصة حلاميزو
منتظرين حلاميزو عن قريب
والسلام عليكم ورحمة الله وبركاتة
في يونيو 20th, 2007 at 3:20 م
hadoola شكرا يا باشمهندزة هدولة وكويس انكم متخيلين الاحداث 0وشكرا مرة تانية على التفاعل
Yasmin Mounir شكرا يا ياسمين واللهى كلامك جميل اوى والحمد لله ان الحكاية عجباكوا و ان من خلال الملحوظة قدرت اوصلكم اللى مفروض تعرفوه
شكرا
في يونيو 20th, 2007 at 4:13 م
ياحلمى حلاميزو بجد عاجبنا كلنا وبقى عندنا ادمان حلاميزو ذى ما ياسمين قالت وفعلا اللهجة والحوار والاسماء و الكوميديا واسلوبك قبلهم كلهم كل دة مخلينا نتابع حلاميزو دايما ونستناة ……وبعدين يا حلمى لو بطلت تكتب حلاميزو هاحكى اية بقى انا لزياد لم يكبر شوية !!!
متهيألى بعد كل تعليقاتنا دى كلنا مش هتقدر تسيبنا نخبط دماغنا فى الحائط (على رأى هدوله) ولا ايه يا عز الدين ايمن !!؟:)………………………شجرة الرز
في يونيو 20th, 2007 at 4:49 م
بجد يا مصطفى مفيش أى حد بيكتب أول مرة يقوم كاتب قصة جديدة لانج لكن بيجدد و ياخد من قرائته و ده اللى انت عامله ده غير بقى ان اسلوبك فى الكتابه سهل و حقيقى ممتع و فعلا ببقى حاسة اني شايفة مش بس بقرا بجد يا مصطفى اصلا انت لما تبقى بتكتب بأسلوب رائع كده و انت اسة بادئ تكتب أومال لو كملت فى المجال ده هتعمل ايه شوف انت كده و ربنا يوفقك
في يونيو 20th, 2007 at 4:55 م
nariman ماشى يا شجرة الرز والهى علشان خاطر الامير زياد بس:D
nanoush شكرا يا نهى كتييير
شكرا…… حلمى
في يونيو 20th, 2007 at 5:14 م
و الله انا مش عارف اقولك ايه .. المشكلة اننا بنخلص الكلام علي الـ MSN فالكلام بيخلص
بس أكيد انتا عارف رأيي القصة (بلاش القصة لو مزعلاك) خليها النثرات اللي انتا بتكتبها خفية و جميلة و انتا عارف كويس كده 
ثانيا: لو حلاميزو مات ..مثلا مثلا يعني ؟
-> لان اخرتها انا هروح السجن بما ان الشباب كلها بقوا وطنيين 
بالمناسبة يعني كل واحد بقي ومسئول عن تعليقاته او مواضيعة .. علشان متاخدش لوحدي يعني :انظر الـFooter اخر الصفحة -> ” Posts & comments are property of their posters ”
المدونة هيتنقص منها الجزء الخفيف و المرح اللي فيها .. دا انتا بقي متعرفش اللي جاي و لا ايه .. الشباب كلها متحمسه و هتدخل في البلد شمال .. فأكيد احنا محتاجين حاجة تطري القعدة
كفاية كده ولا ايه .. كنت بقول اني مش هاكتب حاجة
محمد
في يونيو 20th, 2007 at 6:00 م
حلمي انا مش حاعلق من نافسي وهقولك رئيي زي كل مره كل الي بطلوبو منك بس بص بصه بس على التعليقات اد ايه الناس منبهره بادائك ونجاحك ده اد ايه هما متشوقيين يشوفو الي جي اد ايه واحد مزنوق ونفسه يعرف حلاميزو في الغواصه زي ما قلتلك بص كده جوه نفسك اد ايه احنا متفاعلين مع ادئك واسلوبك بجد كمل وللحسن واللهى وربنا معاك يا مان
صبح تاتا 2 في 3
في يونيو 20th, 2007 at 6:03 م
السلام عليكم …..حلو اوى يا حلمى الجزء ده واحلى حاجة فيه التشويق والفضول اللى انت بتعمله فينا, انا دلوقت هموت واعرف ايه اللى حصل بعد كده وياريت بقى تنزل الجزء اللى بعد ده بســــــــــرعة , وجامدة اوى الاسامى بتاعتك دى مش كفاية حلاميزو لا زقلط وعسلية كمان !!!!!!! انا مش عارفة انت بتجيب الاسامى الغريبة دى منين ……..سلاااااااااااام يا باشـــــــا
في يونيو 20th, 2007 at 6:09 م
اولا اسلوبك بجد حلو اوي اوي و الاسماء عاجباني موت و الاهم من كدة ان القصة جميلة و متنيمش “هو اية علاقة النوم بالموضوع مش عارفة” لا بجد القصة حلوة اوي اوعي تبطل تكتب و تاني يا سيد القصة تحفة بجد مكنتش اعرف انك بتعرف تكتب كنت شاكة في قدراتك بس تلطت كويس اوي اوي اوي يلا يا سيدي اي خدمة….
في يونيو 20th, 2007 at 6:28 م
MORSY ماشى با عم الامور شكرا
heba atef شكرا يا هبة والاسما ء و اللهى بتيجى كدا بس عسلية ده مش من تاليفى ده انا شوفتو قبل كدة بس زقلط اه
wiwi شكرا يا ريهام وتحية لكل بتوع ديكووووور
في يونيو 20th, 2007 at 6:48 م
مع السلام عليكوا
معلش بقى التعليق ده منفرد لحبيبى شيكو يعنى الله ثم هو اللى ليهم الفضل فى المدونة الجامدة دى ومن هذا المكان
بشكره اوى على المدونة وعلى المساعدات بتاعتوا لبا ويلا بقى علشان هعيط خلاص:D
…حلمى
في يونيو 20th, 2007 at 7:14 م
السلام عليكم
ايه يا عم حلمي هو انت كده هتضعف من أول جولة
حوار القصة و كلنا عارفينه..بس يكفيك شرفا رد فعل الناس معاك و ده أكبر دليل على إنك بتقدم جديد
و اتعلم بقى من الي بتكتبه..دخ الواد حلاميزو ده غلباوي و معجون بمية عفاريت و لازم انت كمان تكون كده
ماتضعفش و تسلم من أول نقد جاد ليييك
القصة حلوة و مسلية و كلنا بنستنى الحلقات الجاية …و مافتكرش إن فيه أحلى من كده
و سلامات
في يونيو 21st, 2007 at 4:24 ص
ايه يا حلمى القصص الجامدة دى بجد توحفة وانا اكتر حاجة عجبانى هى الاسماء جامدة جدا انتا بتجبهم منين و طبعا مش هختلف معاهوم النهايات مشوقة جدا و انا مستنية اعرف اية الى لحلاميزو و اية الشىء الغريب الى حصل (اسفة على التأخير) متتأخرش علينا سلام
في يونيو 21st, 2007 at 5:29 ص
Nora شكرا يا نور وعلشان ماتزعليش و تقعدى تعيطى فكرتلك فى فكرة علشان فيريال ويارب تبقى حلوة
بس شكرا ليكى اللهى
GiGi ايه يا نوسة ماحديش بيشوفلك تعليق على المدونة يعنى بتكسفى ولا ايه
في يونيو 21st, 2007 at 5:05 م
يغرب بيتك يا حلمي ايه الدماغ ديه يا واد نفسي اعرف بتجيب الكلام و الافكار ديه منين
“عم عطيه … للعصيان الحيه” ” طيري …طيرك انت عصيتي والا غيرك”………
لأ و عليك شويت اسماء تجنن
بس بجد ياسمين قالت كل اللي ممكن يتقال و فعلا بقينا كلنا مستنين اللي هيحصل بعد كده و بجد انا نفسي اعرف ايه الحاجه الغريبه اللي حصلت للعصايه …..
و يا ريت الحلقه تبقي قريب….
في يونيو 21st, 2007 at 6:45 م
قشطة عليك ياحلمى
في يونيو 21st, 2007 at 8:46 م
السلام عليكم
اولا ازيكم كلكم لان بقالى كتيير مادخلتش.. يارب يكون الكل تمام… ثانيا بجد ياحلمى القصه حلوه اووى انا بحب جدا القصص الممتعه دى والخيال الجامد الى فى القصه بيفكرنى بشكسبير بجد مش بهزر بجد استمر.. واكتر شخصيه عجبانى بعد حلاميزو طبعا زقلط عسول اووى يمكن بيفكرنى بالطفوله
بالتوفيق ان شاء الله
في يونيو 22nd, 2007 at 12:40 ص
rony شكرا يا رانيا وان شاء الله تبقى قريب
m.sayed شكرا يا معلم
heba adel شكرا يا هبة و يا ريت تبقى معانا علطول
………….7LMY
في يونيو 22nd, 2007 at 12:52 ص
really it’s a nice story ,, and good luck mostafa
we are waiting for alot of stories ,, really it sounds me good
Ahmed Osama - O’usi
في يونيو 22nd, 2007 at 4:41 ص
مع السلام عليكوا
شكرا يا اسامه وان شاء الله ربنا يوفقك فى موضوعك الاول
……….7elmy
في يونيو 22nd, 2007 at 4:40 م
هاى عليكوا
سلام كبير لأخونا حلمى صاحب الموهبة الجامدة جوى واللى ظهرت أذ فجأة بس أيه يا عم اللغات الفظيعة دى( جوى-هواشين- عصيان حية ……)
وأخيرا متتأخرش المرة اللى جية عشان بتوحشنا
باى عليكوا
في يونيو 23rd, 2007 at 6:48 م
هاى انا طبعا زى المرة الى فاتت و كل مرة انشاء الله مقريتش الموضوع بس انا المرة دى قريت اول سطرين و طلعوا حلوين اوى عشان كلهم سجع يعنى كلاماتتون مسجعه بس بقيت الموضع اكيد خطير و مثير بس كفايه الكلام الحلو بتاعى ده باى
في يونيو 24th, 2007 at 3:11 ص
menna . e شكرا يا منة
ASASAN’S sister هو اللى عايز يقرا براحتو واللى مش عايز احسن باردو …….. قرايتك مش هتقلل ولا هتزود بالنسبالى
في يونيو 24th, 2007 at 4:12 م
السلام عليكم
احب اقولحاجة فى البداية ان انا لا من الكلية بتاعنكوا و لا تبع حد فيها بس انا الموقع اتفتح معايا غلط فعجبنى اوى الموضوع ده و احب اؤل حاجة تانية ان انا لما اريت تعليق اساسن سيستر لئيت انها كاتبة تعليق عادى ميسنحئش الى انت اولنوا ده هى يمكن تكون مش بنحب القراءة فا بتقراء شوية و من اساهم تعلق على الموضوع فا مكنش التعليق ده يستاهل كل ده
مع السلامة
في يونيو 24th, 2007 at 7:05 م
يا استاذة جانا التعليق اكيد مش عادى بس سبحان الله ربنا خلاكى تفتحى الموقع بالصدفة علشان تدا فعى عن الانسة التانية دى ( مش غريبة شوية )
في يونيو 27th, 2007 at 12:26 ص
بأقولك ايه يا عم أنتا. مش معنى أن ربنا اعطاك موهبة الكتابة, هاتيجي تتنطتت علينا.
أنتا فعلا موهوب يابنى ماشاء الله عليك. و أنا فخور بيك فعلا. (الحمد لله عرفت أربى:) )
لأ طبعا أنا بهزر
المهم أنتا شد حيلك و أرفع راسنا قدام الأجانب. أنتا أمل فنون جميلة يابنى
و شكرا
في يوليو 3rd, 2007 at 3:01 م
تحفة بجد يا توتو القصة دى بجد انت بتحبك الحكايات اوى انا تقريبا كنت عايشة فى الموقف انا مستنيا منك اكتر يا عبقرى
في يوليو 4th, 2007 at 5:42 ص
مع السلام عليكوا
شكرا يا توفيق بس انا مقدرش اطنتت عليك يا باشا
يا نيرمين تعليقك حلو بجد شكرا بس يا ريت اعرف انت مين
شكر ا TOTO
:D:D ……………….