فيريال و صباح…!! :)
ذهب حلاميزو ناحية هذا الشخص فوجدها امراة جميلة جدا فاقترب منها و قال لها هو انت مين يا حجة قالت لة انا
فيريال امك قال فى دهشة يا بوى امى انا حلوة كدة قالتلو ايوة انا امك ازيك يا حلاميزو يا ابنى خلى بالك من
الدراسة الجديدة دى انت فى المدرسة دى هاتشوف ناس كتير منهم الطيب و منهة الشرير فخلى بالك و حاول
تبقى احسن واحد علشان انت عندك من المهارات ما يؤهلك تبقى احسن واحد وخليك دايما نصير الخير قال
حلاميزو وهو ينظر للارض ان شاء الله هبقى عند حسن ظنك و هبقى احسن واحد ورفع راسه فلم يجد احد اخذ ينادى عليها فلم يجيبه الا سامح وهو يقول له اصحى يا عم ايه الصداع اللى انت عاملو ده فيريال فيريال انت كنت بتحلم بمامتك ولا ايه قال له حلاميزو ايوة جاتنى و انا نايم
فأخرج سامح من جيب سحرى فى حذائة بكيس ..وفتحة كاشفاً أنواع مختلفة الاحجام والاشكال من العسلية
ولاول مرةمنذ فترة يبتسم حلاميزو الذى قال فى هدوء: باين فعلاً أنك عاشق العسلية
نظر لة سامح وهويمد لصديقة بواحدة منها قائلاً فى مرح بعدما نسى أو تناسى هذا الرعب الذى كان بداخلةمنذ قليل : أنا مش عاشق يا حلاميزو..لا..قول أنا مجنون عسلية..ذى كدة مجنون ليلى..أو مجنون بثينة
أخذ حلاميزو من صديقة تلك العسلية التى قدمها لة رداً علية فى هدوء: أيوة..مانا خابر ..ياعسلية بية
لم يمضى من صحيان حلاميزو غير دقائق معدودة حتى جاءت لمكان
جلوسهم صبية فى مثل عمرهم..بيضاء… ذات شعر غذير أسود فاحم
..نحيفة…رقيقة…
جلست تلك الصبية جوار سامح عسلية ناظرةلحلاميزو ..بشدة ثم ضحكت بطريقة غريبة ..وأستمرت فى الضحك حتى نظر لها حلاميزو وسامح فى ضيق واضح ..فصمتت فى خجل وأحمر وجهها
تكلم حلاميزو موجهاً حديثة لها : ممكن بجى تخبرينى أنت بتضحكى على أية؟؟
رد تلك الصبية بطريقة عفوية وبصوت غاية فى الرقة والنعومة : أنا أسفة بجد..ماكنش قصدى خالص أنى أضحك..بس..الخيمة دى اللى أنت لابسها..مش تعباك يابنى ولا حاسس أنك حران ؟؟..
أبتسم حلاميزو فى غيظ مكبوت وهو يرد عليها : يعنى سيدتك أول مرة تلمحى واحد لابس جلابية..ملهوش لزوم التريجة على مخليج ربنا..بجد عيب…عيب جوى
ردت الطفلة بكل جدية قائلة : معلش أصل أنا أول مرة أشوف عيل صغير لابس البتاع دةاللى أسمة جلابية..وكمان لاول مرة أشوف حاطط فوق رأسة حاجة كبيرة جداً ذى الهرم بتاع خوفو..الحاجات دى يابنى للناس الكبيرة مش للى زيك..عرفت أنا كنت بضحك لية؟
أنفجر فيها حلاميزو قائلاً : بصى بجى…أنتى لو عايزة تجعدى حدانا هنا
ياريت تعملى حساب لمشاعر اللى معاكى…تانى حاجة..كل واحد حر فى اللى يلبسة واللى يأكلة ..ولتانى مرة بجولك ملهوش لزوم التريجة على الناس واصل
فاذا بزقلط يقول مالك يا مزة جاية فايقة علينا كدة لية شايفة نفسك يعنى , مالك بابو الحلاميز صاحبى ايه يعنى لابس جلابية مش مشكلة يعنى فجر!
ردت قائلة مين اللى بالع واحد صاحبة دة و بعدين ايه مزة دى
وهنا تدخل سامح عندما أحس أن الموضوع وصل لدرجةالغليان
قائلاً بمرح شديد: أية ياجماعة مش تهدو كدة …دة أحنا حتى لسة متعرفناش عليكى ..أنتى أسمك أية؟
أنفرجت أسارير الصبية قائلة فى هدوء ورقة شديدة :خلاص حصل خير..وأنا لتانى مرة بتأسف..وبالنسبة لاسمى..أنا أسمى صباح
رد حلاميزو قائلاً فى نرفزة : أنعم وأكرم بالناس العجلة..نظرت لة صباح فى شك قائلة لة : معناة أية كلمتك دى؟..يعنى أنا مجنونة والا بشد فى شعرى والا ماشية أحدف عالناس طوب الشارع؟؟
رد زقلط ايه دة جنان دة ولا ايه بيقولك عقلة عقلة يووووو استغفر الله العظيم
رفع سامح يدة قائلاً : أية تانى ياجماعة..هو أنتم مش هتبطلم عصبية
والتفت لصباح قائلاً لها فى مرح : يا صباح ..صاحبى حلاميزو مش قاصدة حاجةوحشة ..
أبتسمت صباح قائلة :وكمان أسمة حلاميزو..حاجة تخوف بجد..
أنفجر فيها حلاميزو قائلاً : لا..كدا كتيير جوى..أنتى مالك ومالى يابنتى أنتى
أنت وخدانى مجاولة تريجة >..
نظر سامح لصباح وحاول أن يغير الموضوع قائلاً : بردةمقلتيش أسمك صباح أية؟
ردت صباح قائلة : مش فاهمة يعنى أية …صباح أية؟
وهنا تكلم حلاميزو قائلاً : يعنى أسم أبوكى أية؟
نظرت لة صباح قائلة فى قوة : عرفة…عرفة..أسم بابا هو أشطة
وهنا أنفجر حلاميزو فى الضحك وهو يقول :
أشطة بالمربة والا أشطة بالعسل ؟
ردت صباح فى تردد قائلة : أنا صباح السيد أشطة..ياذكى
وهنا دخل أيضاً سامح فى وصلة الضحك بشدة مع حلاميزو الذى قال لصباح
سيد اشطة..أنعم وأكرم..يعنى على كدة هيكون كمان فى عيلتكم فرس البحر..والا أبو جردان>
وهنا قامت صباح واقفة وهى تقول : أنا أصلاً غلطانةأنى قاعدة مع أتنين مجانين ذيكم
فاستغرب زقلط هو انا مش قا عد معاهم ولا ايه..!!!!.
صمت حلاميزو وعسلية الذى قال لها فى جدية شديدة : بجد بجد أحنا أسفين..معلش أتفضلى أقعدى ياصباح
وتكلم حلاميزو أيضاً قائلاً : خلاص بجى…كل واحد خد حجة ..ومامحبة الا بعد عداوة..خلاص..تعرفى ياصباح..
وهنا التفتت لة صباح فأكمل قائلاً :تعرفى الاخ اللى قدامك دة
أشار على سامح >أسمة أية؟.أسمة سامح ولد الدهل.وشهرتةعسلية وده زقلط
وهنا ضحك الاربعة بشدة ..
وظهر واضحاً أن صباح السيد أشطة وسامح
الدهل الشهير بسامح عسليةو زقلط أصبحا أعز وأحب أصدقاء حلاميزو
في يوليو 19th, 2007 at 7:02 م
مع السلامو عليكوا
يا جماعة الموضوع المرة دى بمناسبة النتيجة بس انا ماكنتش هاكتب تانى و مبروك ليكوا جميعا
في يوليو 19th, 2007 at 7:04 م
جامدة يا حلمى المرة دى كمان,, مش هينفع الكلام دة خالص:] و جامدة اوى التريجة بتاعتك دى,,,:]
في يوليو 19th, 2007 at 7:12 م
بجد يا حلمي تحفه بس ليه مابقاش في احداث كتير بس انا بجد بيعجبني الاسامي اللي انت بتالفها “صباح السيد اشطه و سامح الدهل ” بجد حاجه جامده اخر حاجه ….
و انا عايزه اقول الف مبروك للدفعه كلها علي النتيجه.
في يوليو 19th, 2007 at 7:34 م
يافرحتك يانور
اخيراً كتبت عن طنط فيريال 
طبعاً كالعادة حلاميزو جامد موووت وبجد كنا محتاجين مواضيع جديدة فى المدونة عشان المدونين ناموا شوية واحنا انشاءالله موضوعنا الجديد ينزل اول ما نور ترجع انشاءااله ….
والحمدلله النتيجة اخيراً ظهرت ومبروك للدفعة كله
(مجنون بثينة )!!!!………..هى مين بثينة دى !!:)
(انا ماكنتش هاكتب تانى )………مش قولنا بلاش الكلام دة ياحلمى علعموم مبروك عالنتيجة ومبروك عالموضوع وربنا يوفقك….
في يوليو 19th, 2007 at 8:40 م
مساء التحروكاات
ومبروك على النتيجة ..
اشطه يا حلمي
موضوعط المرادي لزيزز ومليان اشطه ومربى …
وبلاش تتكلم بعد ازنك عن الناس ام شعوور تويلا وسودا … ولا اكمن ما عندكش زيوهووم
في يوليو 19th, 2007 at 10:02 م
مع السلامو عليكوا
شكرا لهدى و نيرمو ورانيا وهبقى اقولك يا نيرمو مين بثينة بس مش دلوقتى
ويا عبد الله انت اش فهمك فى الشعور و الحاجات دى خليك فى العربيات
في يوليو 20th, 2007 at 12:13 ص
السلاموا عليكم
بجد استمر و لعلمك باردوا أنا اخدت بالي من بثينه 
طب نقي اسم عيدل (مجنون ميرة مثلاً:$)و علي فكره باردوا كان يبقي رد مقنع من صباح لو قالت لحلاميزو( قصدك أيه بالكلام ده أنا مجنونه يعني ليه شيفني بطلع لساني ولا بلاعب وداني:))الجمله ديه من فيلم عربي بس عجبتني D:يللا ربنا معاك و كمل
مبروك النتيجه ليك يا (حلازونه:) )و للدفعه كلها خلاص بقي ابقي قولي اسميك حلازونه ولا عسليه أصل الصراحه يعني الاسمين يجانينو عليكD:
بجد القصه حلوه أوي و أيه اللي أنت بتقولو ده ازاي مش هتكمل
السلاموا عليكم
في يوليو 20th, 2007 at 12:19 ص
السلام عليكم ورحمة الله وبركاته
والف الف مبروك على النتيجه لك ولكل الدفعة (دفعة اولى عمارة) ;), جديدة مش متعودين عليها مش كده 
!!
؟؟؟
والله وحشتنا يا حلمي اوعاك تتأخر علينا تاني كده . وجامدة اوي القصة المرة دي وحلوة منك(مجاولة تريجة)
واوعاك تبطل تكتب تاني يا عم انا باقولك اهو قدام الدفعة , امال انا لما اكتب مين اللي هاينافسني واحقد عليه
مبروك من تاني
والى اللقاء .
في يوليو 20th, 2007 at 4:37 ص
دى جميله اوى بجد…………القصه طبعا…مش لاقيه كلام يعبر بس فعلا حلوه
في يوليو 20th, 2007 at 4:47 ص
هااااااي
و ثانيا…. بجد الموضوع حلو و حلوة اوي الاسامي الي بتجبها ديه
بحدحلوة اوووي ونتنظر المزيد…. 
اولا بس…. مبروك يا جماعة النتيجة … ومبروك يا حلاميزو
وبجد كانت وحشتنا مواضيعك اووووووي
وحلوة اووي ( عيب جوووي التريجة)
في يوليو 20th, 2007 at 4:53 ص
مع السلام عليكوا
شكرا mira , khaled , monamonto & mo0r0o شكرا ليكوا اوى اوى اوى ويا رب تكون عجباكو
….7elmy
في يوليو 20th, 2007 at 12:52 م
أيوة كدة يا حلمي , جامدة أوي دي, يعني مش طويلة و لا قصيرة. و بجد تحفة و إن شاء الله منتظرين الباقي. (أنا هاعمل نفسي ماختش بالي من “ماكونتش هاكتب تاني”)
و ألف مبروك لأحلي دفعة عرفتها في حياتي النجاح و يا رب نكون كلنا جايبين امتياز السنين اللي جاية إن شاء الله.
في يوليو 20th, 2007 at 2:25 م
ايه يا حلمي ينفع الكلام ده ؟
جميل يا جلمي بس انا مع كل الناس اللي بتقلك ان الاحداث قليلة 
و مفيش حاجة اسمها مش هتكتب تاني .. حلاميزو بقي بيعبر عن مظهر “حضاري” للمدونة 
كان فين من زمان الحاجات دي .. رجع ايام المجد بقي
تحياتي,, محمد
في يوليو 20th, 2007 at 3:53 م
القصه حلوه جوى جوى بجد يا مصطفى …..برافو عليك بجد
في يوليو 21st, 2007 at 1:40 ص
مع السلام عليكوا
ازيك يا شيكو:D
(رجع ايام المجد بقي ) ايه ياعم القديم:]
بس اشطة يا معلم ومتقوليش بالمربة ولا بالعسل :]
في يوليو 21st, 2007 at 3:20 ص
really i’m so surprised i was really laughing while reading God bless you it’s really amazing and don’t ever think again about not writing
في يوليو 21st, 2007 at 3:35 ص
بجد يا حلمى حلاميزو المرة دى جامد اوى اصدى جوى و طريقة الكلام تحفة بتضحك جدا و مبروك على النتيجة و لازم تكمل
سلام
في يوليو 21st, 2007 at 12:21 م
بسم الله الرحمن الرحيم
القصة ممتعة وقد اثبت فيها قدرتك على كتابه الحوارات
ولكن انا اتمنى ايضا ان تزيد من الاحداث
وهى ” اعتقد ” انها عامل مهم جدا لنجاح اى قصة
لكى لا يمل القارئ
فاتمنى ان تلم بجميع الاحداث وتقسمها على الموضوعات
اى على السلسلة
وبجد رائع ما شاء الله
واقول مرة ثانية ان الاسماء بجد هى روح مرح جمدة جدا بالقصة
ما شاء الله
والسلام عليكم
في يوليو 21st, 2007 at 2:57 م
ُمع السلام عليكوا
شكرا لراندا و نهى و انجى وياسمين على التعليقات وان شاء الله هحاول ازود الاحداث
في يوليو 24th, 2007 at 1:38 ص
ما شاء الله ،بجد أسلوبك حلو أوي في الكتابة ،والقصة جامدة مووووت:)
ربنا يوفقك و استمر في الكتابة ،يمكن تسيب العمارة وتكون أديب ولا حاجة:)
في يوليو 27th, 2007 at 9:56 م
السلام عليكم
مش هعلق على بثينة غير واضح إن ده اسم فتاة احلامك…فربنا يشفيك!!
و انا زهقت بجد كل لما اكتب مدونة تتكتب مدجونة..فانا كتبتها مرة من قلبي
و سلام
بجد مش هقول غير يخرب شونك …هو صحيح فريال ظهرت في ربع مشهد..بس انا اتبسط إنك جبت سيرتها و مكسفتنيش
و على موضوع إن سيتك مش هتكتب تاني فانا عايزة اقولك بجد المدونة وحشتني مووووت و اصلا المدونة مبنية على شرفك …فعيب عليك يا مجنون بثينة تفرط في مدونتك !
و مبرووووك ليكوت كلكوا بجد و يا رب على طووول بالنجاخ و تفضل المدونة دي مجمعانا
و بلاش هبل و عايزة كده دراما و مشاهد اكتر لفريال علشان كده هي كومبارس
في يوليو 28th, 2007 at 1:22 ص
حمد الله على السلامة يا نور يعنى الحق علسا انى قعدت افكرلك فى حاجة لست فيريال دى علشان متزعليش خلاص انسى كدة تطلع تانى اساسن انا هاموت حلاميزو المرة اللى جاية امة تطلع تبكى عليه يعنى :D:D
وشكرا يا مها على اول تعليق D:D
7lmy……………..
في أغسطس 2nd, 2007 at 9:32 م
hi sorry for being late
it is nice but u can do better the next time
and don`t say that u will kill 7almizo in the next time coz we can not imagine the blog without 7almizo
anyway good luck even if u kill him the next time he can live as a gost after that as it will be more excited