تابع جديد الموقع

27 تعليقات على “حد ضامن يمشي آمن أو مآمن يمشي فين…”

1. ASASAN'S sister
   في يوليو 1st, 2007 at 1:05 م

   هاى المرة دى انا سبحان الله يعنى قريت الموضوع بس عشان هو تقريبا صغير شويه بس الموضوع واضح انه مأثر فى البنت بس مهم
   و البنت شكلها عايزة تتصرف فى المشكله.. دى بصراحه مشكله خطيرة يعنى بمعنى الكلمه… باى يا طونط

2. lolo
   في يوليو 1st, 2007 at 1:25 م

   السلام عليكم
   انا قريت الموضوع و عجبنى و كويس انك كبرتى
   و بقيتى تعرفى تكتبى فى المواضيع ديه و كفاية عليكى كده
   سلام

3. dodY
   في يوليو 1st, 2007 at 1:56 م

   مممم …نوور بجد اول مره ابقي بقرأ حاجه وانتبه واتشد …مش علشان فلسطين ولا اني هقوم امسك علم واحرقه وخلاص ..بس الي شديني ان فعلاً الواحد مش بيبقي متطمن غير في بلده .. والموضوع دا انا حساه علشان انا كنت بره ومحدش هيحسه غير لما يكون فارقها (يمكن ناسي لانك فيها مش وحشاك ولاغبت عليها بس الي مجرب وفارقها قال فالدنيا مفيش بعديها ) بجد يمكن كفايه ان الواحد نايم متطمن ان مش هيحصل حاجه ..
   نور شكراا انك فتحتي الكلام في موضوع زي دا ..ووالله في امل انك تكبري وتبطلي تهرييج ..خيير يعني
   سلاااام
   دودي

4. Nora
   في يوليو 1st, 2007 at 2:12 م

   السلام عليكم
   ASASAN’S sister&lolo:طبعاً شكرا يا اخواتي حبايبي اللي دايماً مشرفني و كفاية مجهودكوا العظيم و اني عطلتكوا علشان تقروا الموضوع
   dodY:شكرا يا حبيبة قلبي…و شكرا انك فهمتي الموضوع كويس ..و انا عارفة ان الي سافر بيبقى حاسس بنعمة بلده اوي ..بس المشكلة في اللي ماسبهاش ولا لحظة بيبقى نفسه يهج منها..بس يا ريت الموضوع ده يكون حسس اي حد بالنعمة اللي في ايدينا :$
   و سلام

5. khaled
   في يوليو 1st, 2007 at 3:05 م

   السلام عليكم ورحمة الله وبركاته .
   موضوعك يا نور بجد أثر فية جامد وخصوصاً اني اعرف واحد فلسطيني عاش هنا وكان خاطب , (وتقريبا خلصت تأشيرته او حاجة زي كده مش فاكر بالظبط) المهم انه اضطر يسافر ويسيب خطيبته وبلدنا اللي عاش واتربى فيها .
   طبعا مصر نعمة مايحسش بيها الا اللي اتحرم منها . او عاش عمره في بلد كل اهلها بيكرهوا ويحتقروا المصريين اللي فيها (زي السعودية مثلاً وغيرها , او البلاد الغربية اللي شايفانا همج وارهابيين) .
   طولت عليكي (من غير قصائد) .
   سانتراكاتوووووووووو .

6. cute knight
   في يوليو 1st, 2007 at 5:44 م

   Hi,ANN
   This subject is very nice me myself i didn`t think about it
   you have all the right in every word you have said
   GOOD JOB

7. Mohamed Yasser
   في يوليو 2nd, 2007 at 12:18 ص

   أيوة كدة يا نور كانت فيين المواضيع دي من زمان؟؟؟
   إنت عندك حق طبعاً إن الواحد لما بيسييب البلد فترة بيبقي هايموت و يرجع لإنه مابيحسش بالأمان إلا في وسط أهله و أصحابه.
   و في ميزة موجودة في مصر بس… أنا حاسيت بيها عن طريق أصحابي العرب, هي الشعب المصري. يعني بعيداً عن الكلام اللي بنشوفوا اليومين دول من بعض الناس إلا إن شعب مصر بجد من أكتر الشعوب اجتماعية في العالم, يعني أي شخص عربي دايماً لما بيبعد عن بلده و أهله و يشرفنا في مصر مابيحسش بالغربة لإنه بيكون في بلده التاني و مع أهله التانيين برده.
   و ده بجد الشعور اللي اتنقلي عن طريق أصحابي العرب اللي أعرفهم من 7 سنين.
   أنا آسف إني طولت…. و ربنا معاكي إن شاء الله.

8. heba adel
   في يوليو 2nd, 2007 at 1:45 ص

   السلام عليكم
   فعلا يانور الموضوع جميل اووى اينعم فى حاجات كتيره اوى بنشوفها سيئه فى الشارع ومن اهمها انحدار الاخلاق الا ان مصر هتفضل احسن بلد فى الدنيا لانها بلدنا بلد المصريين ولما حد بيجيلنا فعلا مابيحسش انه فى غربه عكس باقى الدول وبالذات دول الغرب الى العرب بيعيشوا ويموتوا فيها من غير حد مايحس بيهم ويارب نحاول نرجع مصر زى ماكانت زمان
   كفايه كده بقى
   يلا باى

9. ياسمين منير
   في يوليو 2nd, 2007 at 7:47 ص

   بسم الله الرحمن الرحيم
   ما شاء الله يانور الموضوع بجد رائع
   وقد نقلتى لى احساس صديقتك الفلسطينية
   بشكل بجد جميل ( ما شاء الله )
   فالانسان يرى ان يكون فى مكان آمن
   شئ عادى طبيعى فى الحياة
   لا يستطيع اى فرد ان يسلب منه تلك النعمة
   ولكن عندما تسلب منه بتحسر ويحس بحبه لوطنه
   فالحمد لله انى فى بلدى وبجانب اهلى واصدقائى
   واننا بلد بلا حرب الحمد لله
   واللهم انصر الفلسطنيين ورجع لهم بلدهم الحبيبة
   اللهم آمين
   والسلام عليكم

10. Nora
    في يوليو 2nd, 2007 at 1:18 م

    السلام عليكم
    khaled:شكرا يا خالد على تعليقك..و بجد حكايات الفلسطينين اللي عايشين في مصر كتير و كلها مآسوية..و كويس انك ذكرت صاحبك كمثال للرجال الفلسطينين..لانهم لو سافروا فسوف تكون بلا رجعة!!!

    cute knight: thank u nora for Participating in our blog..and thanks for your comment
    Mohamed Yasser:اولا شكرا بجد على التعليق..بس مش عارفة ليه كله بيقولي كبرتي و كلام من ده …المهم انا بجد عمري ما سافرت بره مصر بس اسمع عن معاملة باقي العرب للمصريين بره كمان انا ماما طول عمرها كانت بالكويت و تحكيلي عن معاملة اهل الكويت للمصريين قد ايه بيعايروهم انهم بيشتغلوا بره و كلام من ده و اللي تستغربلوا إن الفليسطينين بره كمان بيعاملوا المصريين وحش على رغم بجد انهم بمصر هنا اكتر من اهلنا و بجد انا عندي اصحاب كتير منهم !!

11. Nora
    في يوليو 2nd, 2007 at 1:32 م

    السلام عليكم
    heba adel:شكرا يا حبي و لما قلت إن مصر بلد الآمن و الامان على فكرة ماكنتش بتريق ..لانه بجد احنا بالنسبة لبلاد تانية احنا عندنا امن فظيع!!
    المهم في حاجة لاحظتها من تعليقات اصحابي بره المدونة على الموضوع..كله بيتكلم احنا نحب مصر ليه و هي في الضياع ده ؟!…بس لما تشوف الفليسطينين بيحبوا بلدهم قد ايه و هي بقى مش في الضياع..انا بجد ماحكتش عن البلاوي اللي هناك علشان الموضوع مايتحولش عن فليسطين ..بس يكفي اقول انه هناك لا حكومة و لا شعب و لا اي حاجة حتى الاكل مش موجود ..و الحمد لله احنا عندنا حاجات كتيره نحب بلدنا بيها..كفاية الاكل
    ياسمين منير:مقولكيش يا حبيبة قلبي انا مبسوطة قد ايه انك حسيتي بكلام صاحبتي و بجد لو كنت موجوده و هي بتتكلم كان ممكن تعيطي!!
    بس تاني بجد الموضوع مش علشان يصعبوا عليكوا الموضوع علشان تحسوا بالنعمة اللي في ايديكوا وقت ما في كتير بجد من اصحابنا معندهومش اي انتماء لبلدهم لمجرد انها مليئة بالمشاكل اثناء شعوب آخرى بلدهم لا يوجد بها اي ميزة و مع ذلك شعارهم الرب ثم الوطن..يلا ربنا يهدي الجميع

12. MORSY
    في يوليو 2nd, 2007 at 5:29 م

    السلام عليكم

    الحقيقة يا نورا بجد الموضوع مهم جدا وبيحكي على كده ……

    بس احب انبيهك لحاجه مهمه يعني احنا هتلاقينا اه تأثرنا بالموضوع في الوقت الحالي وهتلاقينا بنرود وبنشارك

    لكن ده هيبقى مده وهتعدي ما اعرفش ليه …. هتلاقينا رجعنا ننسى تاني والحياه بتستمر

    احب اضيف حاجه للأخت (NONA) شوفي اد ايه اهو احنا عايشيين في نعمه في مصر وربنا يدووم النعمه دي علينا

    شكرا مره تانيه بجد …. وبلاش بوتجازات تاني

13. Nora
    في يوليو 2nd, 2007 at 6:57 م

    السلام عليكم
    MORSY:شكرا على التعليق و رائيك في الموضوع
    صحيح معروف ان احنا كل شوية نهيج مع كل موجة تعدي علينا فى اي موضوع و صحيح محدش بيحس بالنعمة اللي في ايده غير لما تروح منه
    بس لازم يكون في وقفة للموضوع ده علشان مش هنستنى لما بلدنا تروح مننا علشان نعرف قيمتها
    الحقيقة هى حاجة مش فينا احنا المصريين بس ..دي في طبيعة الانسان
    و مثال دفعتنا كلها عاشيته: لما امتحنا امتحان الرياضة و كان فيه 5 او 6 او حتى 10 هيسقطوا محدش هاج و دافع عن حقهم و محدش حس بيهم غير لما الدفعة كلها سقطت في الوصفية !!
    نفس الحكاية محدش حاسس بنعمة بلده علشان مشاكلنا على قدنا …لكن لو مشكلتنا زي البلاد المحتلة كان زمانا كلنا واقفين مع بعض و بنفكر صح و مكناش هنهيج و ننزل على مفيش و بلاش تتكلم على البنت و هي مش موجودة(و البوتاجاز احسن من الغسيل)
    و سلام

14. NONA
    في يوليو 2nd, 2007 at 10:36 م

    السلام عليكم.
    معلش يانور تأخرت عليكى فى الرد وانتى عارفة لية بس الموضوع جميل اوى وبجد انا تأثرت بية لان بجد الفلسطنين متعذبين ولا عارفين يعيشوا خالص وانا يامرسى مقلتش ان انا مش عايشة فى نعيم وعمرة مانكرت كدة بل بقول الحمد لله على كل حاجة على اقل حاجة ان احنا مش عايشين فى حالة حرب وعايشين عيشة كلها امن.
    بس احنا بردة المفروض كعرب منقفش ساكتين ونتفرج على اخواتنا فى فلسطين وفى كل مكان وهما بيتهانوا وبيموتوا ونقول لا احنا عايشين فى سلام ملناش دعوة وهو دة اللى كان قصدى علية ومش هكتر عليكوا (دى الجملة الشهيرة اللى بيقولها كلة قبل اما يخلص)
    سلااااااااااااااااااااااام
    امنية.

15. mira
    في يوليو 2nd, 2007 at 11:15 م

    السلاموا عليكم
    بجد يا نوري الموضوع فعلاً يضايق أوي و مش بس في فلسطين و العراق ده فيه بلاد كتير و اخر الحوادث اللي في العراق كانت أبشع ما يمكن و حتي اللي بيجي في التليفزيون ده جزء من اللي بيعملوه يعني هو الرسول صلي الله عليه وسلم كان بكل اللي بيعملوه الكفار كان بيدعيلهم و هو قدوتنا بس بجد مش قدره حتي أقول ربنا يهديهم يعني ربنا يهدهم بس احنا مش هنقدر نعمل حاجه غير اننا ندعي اللهم انصر الاسلام و المسلمين و أعلن كلمه الحق و الدين.
    و علي فكره أنتي كبيره في نظرنا يعني مش معني انك بتهزي انك دماغك فاضيا يعني أنا بحبك كده و خليكي كده

16. MORSY
    في يوليو 3rd, 2007 at 2:20 ص

    nona: انا معاكي في الي بتقوليهه بس انا بقولك ان احنا بننسا ان احنا في نعمه

    ومع كده مش بنشارك مع الفلسطنيين حتى بقلوبنا

    ممكن ندعيلهم
    ممكن نبعتلهم صدقه
    ممكن كذا حاجه

    اهم حاجه ما ننساهمش وما ننساش ان احنا في نعمه في نفس ذات الوقت

    وسلام

17. mohamed mostafa
    في يوليو 3rd, 2007 at 2:25 ص

    مع السلام عليكوا

    مبروك يا نور بجد الموضوع حلو و مؤثر انا خلاص كنت هاعيط
    ………..7ELMY

18. نيرمين
    في يوليو 3rd, 2007 at 2:00 م

    انا أول مره أشوف الموقع ده و عجبنى جدا كلامك يا نورا بس ياريت نعمل عنوان عن الحلول المقترحة عن كل مشكلة مطروحة و منسبش الموضوع عائم و نحاول ننفذ اللى نقدر عليه لأن يا جماعة مينفعش نقف عاجزين أمام كل شئ كده و أنا بتمنى أشارك معاكوا في الكتابة

19. Nora
    في يوليو 3rd, 2007 at 2:31 م

    السلام عليكم
    NONA:شكرا يا حبي و لا يهمك و حلو آوي انك فتحتي موضوع موقفنا كعرب..المشكلة اللي تقريباً موجودة في دماغنا احنا بس هي إن موقفنا كعرب متوقف على روؤساء العرب و اللي طبعا موقفهم بيكون متوقف على على حركات سياسية (ملناش دعوة بيها) و لو فضلنا مستنين اي رد فعل منهم يغير الموقف فعلياً يبقى يا صبر ايووب!!
    الفكرة دلوقتي ان لازم نوسع فكرنا شويه لافكار عملية اكتر ..الحقيقة مش عارفة زي ايه لاني لو عارفة كنت قلت في الموضوع..بس عرض الموضوع عليكوا كان المفروض ينتج عنه افكار جديدة
    لكن المشكلة إن كلنا بنلف و ندور حولين حلقة ردود الفعل البعيدة و اللي علشان حاسيين ان مش في ايدينا نغيير اي شىء فعلياً ..فبنتخذ اسلوب اضعف الايمان …يمكن هو ده الحل دلوقتي بس يا ريت نفكر في حلول اخرى
    في الاخر ..معلومة كل اللي عرفها اتبسط بيها آوي و هي ..الدعاء بيغير المكتوب ..فاكثروا من الدعاء كحل مؤقت لحين ظهور حلول آخرى..و شكرا لايجابيتك يا امنية

20. Nora
    في يوليو 3rd, 2007 at 2:43 م

    السلام عليكم
    mira:شكراً يا روحي ..و الله انا كل لما اقول اني هرد في سطر و لا اتنين اكتب قصيدة..الموضوع حرقني و مستفزني آوي و عمال يكبر مش عارفة كده ليه..فكرة إن اللي بيحصل في فليسطين بيحصل في العراق فهو مش بس بيحصل في العراق هو بيحصل فى كل دول المسلمين مش الدول العربية بس كمان…بس تقدري تقولي تعددت الاشكال و اللي بيحصل واحد !!
    و كلمة زيادة عن كده الكلية هتتقفل مش المدونة بس
    MORSY:المشكلة يا عبد الله مش إن احنا بننسى الفليسطينين ..احنا ناسيين نفسنا اصلاً :S بس حلو إنك فكرت الناس بالصدقة و الدعاء ..لان يا جماعة اللي بيحصل فيهم ده مش بعيد يحصلنا فلو مكناش واقفين ماهم عمر ما حد هيقفف معانا في مشاكلنا ..و ربنا يهدي الجميع

    mohamed mostafa:شكرا يا حلمي على تأثرك و يا رب يكوون بجد مش بتتريق عليه :$ ..

21. Butterfly
    في يوليو 3rd, 2007 at 2:55 م

    بجد بجد بجد يا نورا هايلة هايلة هايلة يعني الموضوع تحفة و انتي كمان قايلاه بطريقة روعة عندك حسن القاء ما شاء الله يعني انا مش بئور على فكرة lol
    و على فكرة يا جماعة فعلا اللي بيبقى مصاحب حد فلسطيني او حاجة مبيبقاش حاسس انه مش مصري يعني بتحس كدة انه مننا و علينا و الله بجد ممكن عشان عشرة المصريين بالفلسطينيين خلتهم يطبعوا بطبعنا و لا ممكن لان المصريين روحهم حلوة بيعرفوا يتاقلموا مع الناس و بجد كمان يا جماعة احنا هنا في مصر في نعمة كبيرة جدا لازم نشكر ربنا عليها و المصريين يا عيني بيتبهدلوا جامد لما بيسافروا برة انا مجربة الحكاية دي لما سافرت الكويت عشان بابا بيشتغل هناك تخيلوا واحدة قالت لنا انتم عايزينا نفضل جهلة على طول عشان تشتغلوا في بلادنا و تاخدوا فلوسنا
    اصلا هما لولا المصريين و لا حاجة مايساووش حتى صفر ع الشمال
    يلا بقى عشان مش عايزة اطول عليكم بس يا رارا انتي و لولو بجد تعليقكم مفييييد جدااا و شكرا ع الاضافة يا جماعة رارا و لولو دول اصحابي موووت و انا بحبهم جدا و يا رب نفضل اصحاب على طول يلا باي و عايزين نشوف موضوعات تانية جديدة يا نورا

22. Nora
    في يوليو 3rd, 2007 at 3:17 م

    السلام عليكم

    نيرمين:اولا شكرا لاطلالتك علينا هنا ..و معرفش انت من كليتنا و لا ايه؟!
    بس انت اضفتي إضافة مهمة و هي إن مش كفاية عرض المشكلة أو عرض رأينا فيها.. الأهم هو ايجاد حل ليها ..بس والله ارئكم بتفتح ثغرات جديدة في الموضوع ..و إن شاء الله نحاول نجمع الرأي العام للموضوع و لو في حل إن شاء الله..و شكراا

    Butterfly:شكرا يا نور على تعليقك و مشاعرك النبيلة و على عيني و راسي لحبك لاخواتي و واضح إن المشكلة كلها بتقمع في الكويت ..بس طبعا دول اخواتنا العرب يعني و على عينا و راسنا برده …و المشكلة كمان في الدول العربية إن احنا مقسومين نصين .النص الأول العالم الفقراء و دول بقى يا إما في حالة حرب يا إما البلد تكون في الضياع و بتاكل في بعضها زي حال ناس نعرفهم كده النص الثاني هو العالم الأغنياء زي دول الخليج و السعودية و دول بيعانوا من حالة تشبع مصري و فليسطيني .. و شعبهم لا يهتم بالتعليم لأن من وجهة نظر معظمهم ايه فايدة التعليم و كل شىء ماشي في البلد تمام و الفلوس ما شاء الله عليها …المهم هنا افتكرت حاجه مهمة البلاد دي بجد قايمة على تعب المصريين و غيرهم …يبقى ليه المصريين دول ميعملوش كده في بلدهم !!!

23. nariman
    في يوليو 3rd, 2007 at 4:51 م

    الحمدلله على النعمة اللى احنا فيها….وحسبى الله ونعم الوكيل على اللى بيحصل فى غيرنا اللى ممكن نبقى فيوم من الايام مكانهم ….نور انا كنت معاكى وانا بقرأ الموضوع دة واكيد عارفة ان الموضوع اثر فيا اوى عشان يمكن كنت دايماً بفكر فى مأساة الفلسطينين اللى عايشين فى فلسطين بس عمرى مافكرت فى الفلسطينين اللى مش عايشين فيها!! ربنا معاهم وياريت نبقى احنا كمان معاهم..

24. Nora
    في يوليو 3rd, 2007 at 6:44 م

    السلام عليكم
    nariman:شكرا يا نيرمووو و ربنا يعفيكي و يعفينا من مصايب الدهر
    و الله واضح إن الحوار بقى مآساتنا كلنا ..فاللي يدعي بقى ماينساش اي حد مننا و من اخواتنا …و سلام

25. mohamed mostafa
    في يوليو 3rd, 2007 at 9:12 م

    مع السلام عليكوا

    بجد انا مش بتريق الموضوع جميل :]

    ……….7elmy

26. nanoush
    في يوليو 4th, 2007 at 5:42 ص

    بجد يا نور الموضوع مهم أوي و مفيش ناس مهتمة بيه اساسا رغم انه فعلا بيشكل مشكلة حقيقية يمكن أهم من مشاكل تانية كتير احنا شاغلنا
    ده غير طبعا أسلوبك الرائع المرسل بجد حقيقي فعلا أسلوبك شيق و رائع يلا مستنيين اللي جاي ان شاء الله على خير

27. Nora
    في يوليو 4th, 2007 at 5:51 م

    السلام عليكم
    nanoush:شكرا يا نهى ..عارفة ..هو صحيح المفروض نبص لمشاكلنا
    بس لو هنبص فيبقى نظبط من نفسنا الاول و بعدين نحل مشاكل الاخريين :S
    و عندك حق احنا بنمووت و نيجي على الهايفة و نتصدر المهم شكرا يا حبي على ذوقك :$ …و إن شاء اللي جاي يكون أحسن
    و سلامات

أضف تعليقك