تابع جديد الموقع

27 تعليقات على “الست أم محمد بوابة جيرانا…”

1. lolo
   في يوليو 11th, 2007 at 12:23 م

   السلام عليكم
   ( مش عارفة ليه كلنا مكسلين و خملانين كده) احب اعلق على الحتة ديه اوى
   يعنى مثلاً لما نيجى نقولك تعالى ننزل نتمشى او تروح اى حتى تقومى قيلالنا مش قادرة انا مكسرة و معرفش انتى منكسرة من ايه انت اصلاً طول اليوم قاعدة فى البيت لكن لما يجى مثلاً حد من اصحابك يقولك تعالى نخرج فى ثانية الصحة بتجيلك و تعدى تتحيلى على ماما و فى الاخر مش بتوافق مش هطول عليكى اكتر فى الحتة ديه اما لما اجى اتكلم على الموضوع الى انت كتبباه هقولك انوا مهم و هقولك انك كونتى لقيتى حل للموضوع ده انك كان نفسك تشتغلى و كانت ماما موافقة بس بابا موافقش و يعنى انت دلوقتى قاعدة فى البيت يإما بتتفرجى على التليفزيون او قاعدة على الكمبيوتر او زى ما قولت فوق انك بتتحايلى على ماما انك تخرجى و فى الاخر مبتوافقش لانها بتقولك مانتى لسة خارجة (خروجة اول ما خلصتى امتحانات) مش هطول اكتر من كده و سلام

2. ASASAN'S sister
   في يوليو 11th, 2007 at 1:40 م

   هاى يا بنت يا ان مبروك يختى على الموضوع الجديد بس انا عايزة اقولك على حاجه ان ام محمد يا حبيبتى عندها مروحه و عندها دش ماشى و فى سرير بس الله اعلم خشب ايه بس الست مبسوطه ربنا يبسطها كمان و كمان يختى و اوعى تكونى فاكرة ان كل الناس زينا يعنى عندهم معاد للنوم ده عندنا احنا بس و النظام بتاع المواعيد ده تقريبا عندنا بس فى الكمبيوتر و النوم الساعه 11 بالثانيه و البيت كله ينام بس باى بقى

3. khaled
   في يوليو 11th, 2007 at 2:01 م

   السلام عليكم ورحمة الله وبركاته

   جميييييييييل كلامك يا نورا بس كنت عايز اسألك بخصوص ((سرير خشب زان أو سجادة حرير!! )) انا نفسي اشوف سجادة حرير واظن انك ماعندكيش برضه سجادة حرير زي الست ام محمد والا كنتي كل يوم تتزحلقي عليها :d .
   وفي النهاية اتمنى الأجازة تفوت علينا بالانجازات اللي نفتخر بيها وتمنياتي لكي بدوام التوفيق .
   وياريت تبطلي الــ(هبل) على النت , مع ان اللي بتعمليه او بتبعتيه في نظري مش هبل خالص .
   الى اللقاء على خير .

4. MORSY
   في يوليو 11th, 2007 at 2:30 م

   السلاموو علسكوووو

   مبروك يا نورا على الموضوع الجديد وبجد من اهميتوو عاوز اقولك انا مش عارف اقول ايه لاني بجد مريت بالتجروبه دي ..
   وانتي عارفه بجد تقريبا الحل كان اد ايه غير فايا
   وبجد ان حاسس انها مش هاتجيلي تاني ..( البوص جي ان شاء الله)..
   وانا مسافر نااو وخلوو بالكوو من الموقع بتعنا يا جدعان عاوز ارجع اشوف موضييع كتييره نزلت ..
   سلام

5. Mohamed Yasser
   في يوليو 11th, 2007 at 2:43 م

   هو دة الموضوع اللي كان لازم نتكلم فيه من بدري….شكراً يا نور علي أفكارك الجامدة دي.
   أنا يمكن كنت زهقان أول ما خدنا الأجازة…..لكن دلوقتي أنا أسعد مخلوق في الكون….لأني ابتديت أخرج مع أصحابي من الكلية و المدرسة و من كل مكان ده غير السفر. و طبعاً ده بفضل ربنا أولاً و بعدين أهلي.
   بالنسبة للاقتراحات:
   1-ممكن زي ماقولتي و ده الصح طبعاً إننا نقرأ القرآن و لو صفحة في اليوم.
   2-ممكن نستغل الوقت في أي مركز كمبيوتر و نتعلم البرامج اللي هاتفيدنا في الشغل إن شاء الله.
   3-ممكن ننزل تدريب في أي شركة عشان نتعلم بدري.
   4-ده غير الخروجات اللي ممكن نظبتها مع أصحابنا من غير مانزعل أهالينا.

   مش هاطول أكتر من كدة و ربنا يوفقك إن شاء الله , و عايزين مواضيع جامدة كدة علي طول.

6. nariman
   في يوليو 11th, 2007 at 9:36 م

   اخبار الاجازة معاكوا اية يا جماعة؟…..ملل و بؤس وزهق S: دة الكلام اللى كلنا بنقولة وانا شخصياً اول واحدة بقول كدة وبجد يانور انا كمان كنت بعمل حاجات كتيير اوى قبل الكلية غير النت اللى مبقاليش غيروا دة :S … انا حتى الخروج بقيت بكسل انى اخرج من الاخر بقت فعلاً حاجة بؤس وبقى عندنا كلنا حالة من الملل والكسل ..بس اكيد ياجماعة فى حاجات كتيرة ممكن نعملها صح ولا اية !!!:) اقتراحاتك يامحمد حلوة اوى وبالنسبة لقرأة القرأن انا عندى اقتراح ياريت نعملة ياجماعة بجد انا كنت بحاول انى اختم المصحف فى الاجازة بس السنة دى اول سنة اكون (وحشة اوى كدة ) وكسولة اوى فياريت ياجماعة لو كبداية حتى ممكن كل مجموعة يتفقوا يقسموا اجزاء القرأن و نحاول نختمة مع بعض اكتر من مرة وربنا يقدرنا على كدة …….اما بالنسبة لموضوع (ليه مش بننزل نتمشى يوميا ) هسيبك انتى يانور تجاوبى على نفسك علشان احنا جربنا والتجربة فشلت بردة بسبب الكسل :)…….ياجماعة اكيد فى حاجات كتييير تتعمل !! بجد ياريت اى حد عندة اقتراحات يقولها (عشان الفيلم الهندى اللى احنا كنا فيه قرب يرجع تانى :))وربنا يخليلك ام محمد وكل البوابين يانور

7. Nora
   في يوليو 11th, 2007 at 10:07 م

   السلام عليكم
   lolo:شكرا يا لولو…بس هو الاجازة مش محصورة في خروجات و بعدين طبيعي لما تطلبوا مني أخرج معاكوا يبقى جسمي مكسر …بس عمتاً ربنا يهدي جميع الأهالي و يواقفوا نخرج

   ASASAN’S sister:تصدقى أول مرة أعرف إن ام محمد عندها كل الحاجات دي …رغم إني براقبها من سنين …بس مش مشكلة اهي برده عايشة في غرفة و احنا عايشين في شقة يرمح فيها الأطفال…

   khaled:اولا شكرا على مساهمتك..بس يا سيدي النت مش مجرد Msn ..النت فيه بلاوي..بجد فيه ناس كتير كلنا نعرفهم اتعلموا حاجات ياما من النت …و فيه ناس من معانا في الكلية من النت اتعلموا auto cad و photo shop و غيرهم ..علشان كده اللي احنا بنعمله ده هبل…و ربنا يرزقنا بحلول أخرى

8. Nora
   في يوليو 11th, 2007 at 10:16 م

   السلام عليكم
   MORSY:الله يبارك فيك يا عبد الله ..أولاً إن شاء الله نخلي بالنا من الموقع ده في ايدين بنات يعني …و ربنا يعينك على الأيام الجاية و اهو جاي اللي يشغلك ..اما عن نفسي فالي شاغلني الرغي :$ …و برده ربنا يهديني لحسن الحالة بقيت صعبة أوي

   Mohamed Yasser:أولاً بجد شكر خاص ليك انت من أكتر الناس اللي متفاعلين أوي مع المدونة و تعليقاتك في الصميم حلوة الاقتراحات الي قولتها و اللي نصها مني طبعاً …بس برده انت ولد و زي ما قلت في الموضوع الولاد واخده حقها في الاجازة دي ما شاء الله يعني

   nariman:قلبي فضحاني دايما …يا نيرمو بقالنا شهر بنقول عايزين نختم القرآن و لا قكرنا حتى نمسكه !!!…عمتاً إن شاء الله هنعمل اللي نفسنا فيه ..بس على المشي أظن احنا مش محتاجين الحكاية دي ..احنا اصلاً ( سمباتيك) …و ام محمد بقى دي ستي و تاج راسي و بجد ربنا يخليهالي ..علشان دي رمز لكل البوابين اللي كانوا مرحلة كبيرة في حياتي عشتها بلعب معاهم ..و بعدين انا ماما برده ام محمد!!

9. ياسمين منير
   في يوليو 13th, 2007 at 1:12 ص

   السلام عليكم ورحمة الله وبركاتة
   موضوع مهم وبجد المشكلة مش سهلة
   الاجازة للاسف تكون ليس للنشاط ولكنها للخمول
   فنحن للاسف نفضل النوم عن فعل اى شئ ولكن ان شاء الله يكون الموضوع يقظة لنا
   لكى نستفيد منها مثل أم محمد ( ربنا يكرمها بجد )
   وبجد موضوع ختم القرآن ان شاء الله سوف يطبق
   ان شاء الله عن قريب
   ودائما منتظرين موضوعات الرائعة
   وسلام

10. nanoush
    في يوليو 13th, 2007 at 3:36 م

    مبروك يا نور على الموضوع
    بجد الموضوع حلو أوي و مهم أوي و بيشكل مشكلة كبيرة لمعظمنا بس انا بجد أعرف ناس ما شاء الله بيستغلوا الاجازة أحسن استغلال بيشتغلوا و يدرسوا حاجات مختلفة عن دراستهم عقبانا يا رب

11. heba adel
    في يوليو 14th, 2007 at 2:16 ص

    السلام عليكم مبروك يانور على الموضوع
    الموضوع طبعا حلو لانه موجود فى حياتنا وبنواجهه كل يوم مع الاسف بس ده غلط علشان كده حاولت اغيره شويه والحمد لله بدات احفظ قراءن وده بياخد من وقتى كتير وببقى مبسوطه اوووى الحمد لله والكورسات كمان واخده وقت كتير وشويه خروج مع اصحابى ومع العيله وهبه ومنى وياسمين مش سايبنى انتى عارفه بقى يلا ربنا يخليهوملى
    يلا باى

12. mohamed mostafa
    في يوليو 14th, 2007 at 3:21 ص

    يقال إن الرضا شيء نابع من كل انسان :) حاسس انى بسمع اسامة منير

    (على فكرة انا مش بسمعه واللهى :)) بس بجد موضوع جامد ومفيد لليسمع الكلام واسف على التاخير مشاغل بقى

13. asem anwer
    في يوليو 14th, 2007 at 11:36 م

    انا بصراحة لسة جديد وعايز بعض جواب عن بعض الاسئلة لانى عارف ليها جواب
    عايز اعرف ان كلية الفنون الجميلة (فنون) بتعتمد أكتر على الموهبة ولا على المجموع
    طب لو بتعتمد على المجموع انا عايز اعرف المجموع كام بالضبط

    انا أسف جدا لانى خرجت عن الموضوع بتاعكم بس يا ريت انكم تفيدونى بسرعة وانا متشكر جدا لو ساعدتونى

    thank you very very much

14. ياسمين منير
    في يوليو 15th, 2007 at 12:10 ص

    بسم الله الرحمن الرحيم

    asem anwer: اهلا بك فى مدونة فنون جميلة
    ومن الواضح انك فى ثانوية عامة
    ومنتظر النتيجة ( استنتاج! ) كان الله فى عونكم
    واتمنى ان الجميع يقوم بالاجابة على اسئلتك ..
    - من وجهة نظرى ان الكلية هى اساسها الموهبة
    ولكن المجموع هو الطريق للوصول لها
    والمشكلة اننا فى الكلية معظم اليوم لتنفيذ مشاريع
    فيجب ان تحبها لكى تعطيها
    - انا لا اعلم هل تريد فنون جميلة فنون
    ام فنون جميلة عمارة
    ولكن كان العام الماضى كان مجموع فنون جميلة عمارة383
    ( ملحوظة : فنون جميلة عمارة يجب ان تكون من علمى رياضة)

    والسلام عليكم

15. khaled
    في يوليو 15th, 2007 at 9:07 م

    السلام عليكم
    asem anwer :
    يا ميت مرحب بيك في المدونة , ومبروك (مقدماً) على النتيجة .
    انا فهمت من كلامك انك عايز قسم الفنون .
    من ناحية المجموع : فهي السنة اللي فاتت نزلت مرحلة ثانية (بحوالي 91.5 - 92 في المية كده) .
    اما من ناحية الموهبة : هي فعلا محتاجة (على سبيل المثال) مشاريع اعدادي كلها انك ترسم تماثيل ونباتات ومودلات قدامك وكده .
    يعني جزء موهبة على جزء اهتمام واتقان على حب كبيييييييير منك للموضوع عشان يطلع كويس.
    وان شاء الله لو دخلتها تنبسط فيها .
    واكيد طبعاً هاتنورنا .
    السلام عليكم ورحمة الله وبركاته .

16. asem anwer
    في يوليو 16th, 2007 at 6:32 م

    السلام عليكم ورحمة الله خالد & ياسمين منير
    انا شاكر جدا على معلوماتكم دى .
    ممكن تبعتولى ايميلاتكم علشان انا محتاج اتكلم معاكم كلام مهم بالنسبة لى
    خالد/ انا سمعت ان الفنون الجميلة فنون بتاخد ما 85 وانت نازل مش 91.5 لا92 ياريت توضحلى اكتر
    سؤال لو فيها رخامه شوية معلش استحملونى
    انا عايز أعرف هى ممكن يكون فيها انتساب ولا لا علشان انا السنه اللى فاتت كنت علمى (مرحلةأولى) وفى الامتحانات ورقى دخل لجنة خاصة وجروحت فى داهية بالمجموع جبت 65%
    وفى ثالثة حولت علمى فالمجموع اللى انا قولته من شوية أثر طبعا بالسلب على وعلى نفسيتى وجبت 67% ومش عارف أعمل ايه وكان نفسى أدخل فنون جميلة فنون لانى عندىموهبة جميله جدا وانا بحبها ونفسى احققها ومشعارف هعرف احققها ولا لا ممكن تفيدونى وممكن نتكلم على الايميل ونفهم أكتر

17. asem anwer
    في يوليو 16th, 2007 at 6:34 م

    يا ريت تكلمن يا خالد او انتى يا ياسمين على الايميل وابعتولى انتى بتفتحوا امتى
    علشان اعرف

18. Nora
    في يوليو 27th, 2007 at 10:14 م

    السلام عليكم
    ياسمين منير:شكرا يا بسكوتة على تعليقك…الحمد لله موضوع ختم القران ماشي و قرب الانتهاء و عايوة اقولك بعد الموضوع ده بجد احلى اجازة ….انا في الاسبوعين اللي فاتوا عملت بلاوي بجد…بس طبعا لا داع للفضايح!!

    nanoush:عارفة لما بتردي بالعربي بحس إنك محموقة للموضوع طبعاً في ناس بجد ما شاء الله عليهم و ربنا يزيدهم بيعملوا المعجزات في الاجازة…بس بجد احنا في ايدينا حاجات كتير نعملها و عن تجربة شخصية انا بس لما بفتكر الحاجات اللي نقسي اعملها ببثى مش ملاحقة
    heba adel:شكرا يا هابي و واضح إن العامل المشترك بين كل اللي عرفوا يستفيدوا من الاجازة هو القران فربنا يبارك فيكوا بجد و ياختي عقبال منشووف احنا كمان صحابنا لحسن بقالي كتييير اوي مشوفتهومش
    mohamed mostafa:هي شبهه إنك تسمع اسامة منير …بس الحمد لله انا مكان مش بسمعه بس يا سيدي ما تتأسفش المهم يكون الموضوع عجبك و أنا اللي بتأسف على التأخير بس كنت في واحدة من اجمل الاجازات اللي قضيتها مع العائلة الكريمة
    asem anwer:معلش في موضوعك انا مكنتش موجودة بس أصحابي قاموا بالواجب و زياده …بس ماكنش ليه لزمة تنشر ايميلك و تليفونك فعذراً إني همسحهم …و عمتاً ايميلك بيكوون ظاهر للمدونين هنا علشان مش اي حد يشوفوا
    و يالنسبة لفنون جميلة ..الكلية السنة اللي فاتت كانت واخدة 86%…و مفيش عندنا انتساب ..بس عندنا حاجه اسمها دراسات حرة و دي اي حد بيدخلها و اعتقد إنها مش بالمجموع لكن بمصاريف مخصصة و لائق بقدرات الفنون و مش لازم آوي الموهبة بس يكون عندك الدافع و الكليه هتظبتك و عن نفسي اعرف كتير دخلوا الكلية و رسمهم أقل من العادي و دلوقتي فنانين …و ابقى روح كمان الكلية اسأل على الخطوات اللي المفروض تعملها و على فكرة في الحالة دي انت بتدخل كلية تانية عادي مع الفنون الجميلة و لو نفسك في اي حاجة تاني احنا في الخدمة و شكراً ليكوا كلكوا و بجد وحشتوني ..

19. عمرو
    في يوليو 29th, 2007 at 7:09 م

    انا جايب 93.7 و مش عارف ادخلها ههههههه السنه دي 2007 مش عارف إنتوا كاتبين الكلام ده امتا بس انا جايب 384 من 410 و جايالي منيا و ممكن ادخلها ادعولي

20. Nora
    في يوليو 29th, 2007 at 8:25 م

    السلام عليكم
    يا عم عمرو ..الكلام ده أولاً على فنون جميلة قسم فنون مش عمارة..و ده كان السنة اللي فاتت احنا مش اكبر منكم بكتير…و عمارة السنة اللي فاتت برده كانت واخده 93.4 …يعني مش غارقة المجموع اللي انت جايبه و إن جاتلك منيا فربنا معاك ..و 2007 مجامعيها ضايعة أصلاً دا أنت ممكن تلحق هندسة … بس عمتاً الكلية جامدة جداً سواء لو في الصومال مش في المنيا

21. mostafa
    في أغسطس 17th, 2007 at 6:33 م

    ممكن نعرف خطوات الدراسه الحره دي لو سمحت بالتفصيل

22. Nora
    في أغسطس 18th, 2007 at 4:41 م

    السلام عليكم
    موضوع الدراسه الحرة انا كل اللي اعرفه عنه كتبته قبل كده ..بس لو عايز اي تفاصيل زياده ممكن تتصل بالكلية او تزور موقعها الإلكتروني ..
    بالنسبة لموقع جامعة حلوان و اللي ممكن توصل بيه للكليه:
    http://www.helwan.edu.eg/
    و أرقام تليفونات الكليه :
    0227358098 أو 0227357570
    هيرد عليك إدارة الكليه و منها ممكن تستفسر عن أي شيء بخصوص الدراسات الحرة أو خلافه و لو محتاج أي حاجه ..أي حد من المدونين في الخدمه

23. عاشقة فنون جميلة
    في أغسطس 29th, 2007 at 1:33 م

    انا كانت امنية حياتى ادخل كلية فنون جميلة وجبت لائق فى امتحان القدرات بس للاسف مجموعى ماجابهاش وبفكر ادرسها دراسة حرة بجانب كليتى تجارة عين شمس لو حد يعرف التفاصيل يرد عليا 29/8/2007

24. mai mostafa
    في سبتمبر 18th, 2007 at 12:18 ص

    يا جماعه يا ريت تساعدونى انا نفسى ادرس فنون جميله دراسات حره
    وانا دلوقتى بدرس فى اكاديميه خاصه وعايزه بعد ما اخلص ادرس فنون جميله يا ريت تقولولى اعمل ايه ينفع بعد ما اخلص دراسه التحق بيها علطول وايه هى شروطها وايميلى mayoosh831@hotmail.com يا ريت تساعدونى بجد وجزاكم الله كل خير

25. Nora
    في سبتمبر 18th, 2007 at 8:54 م

    السلام عليكم
    عاشقة فنون جميلة&mai mostafa
    و لأي حد تاني نفسه يلتحق بالكليه أو بالدراسات الحره
    يرجى النظر إلى التعليق رقم (22)..حيث أنه كافي جداً..
    اكتر من كده يعني ممكن نروح نقدملكم بنفسنا في الكليه !!!
    و رمضان كرييم

26. حنين
    في سبتمبر 29th, 2007 at 9:56 م

    hkh uh,.i

27. Nedal
    في أكتوبر 4th, 2007 at 11:22 ص

    تحياتي إلى الفنانيين :

    مطلوب فنان جرافيك يحمل درجة الدبلوم العالي في الفنون من كلية الفنون الجميلة جامعة القاهرة ، على أن يكون صاحب خبرة 3 سنوات على الأقل ، وذلك للعمل في مجال التدريب على فنون الجرافيك في دبي .
    إرسال السيرة الذاتية ونسخة إلكترونية PDF من الشهادات والخبرات ونموذج عدد 3 من التصاميم المختارة إلى nedal@noorpr.com

أضف تعليقك