هي الدنيا زحمة كده ليه? هو في ايه..هو النهارده ايه
بسم الله الرحمن الرحيم
*السلامو عليكو
:) اهلا بكم في موضووع جدييد من ( يبقى انت اكيد x مصر )
والموضوع الي هنتكلم عليه المره دي هو العربيات= الكاراات …… كلكو طبعا هتقولولي هيقرفنا اكمنوا بيحب العربيات … لا لا لا انا هتكلم بصفه عامه عن اللي عندو عربيه … تعالوا نستعرض قصه صغيره :)
احم احم احم ;) (( ده صوت تشغيل الكاار ما تخافوش)) يااه الزفته دي ما بتشتغلش ليه … اشتغلت الكار …. الراجل وهو ماشي في عون الله باقي على معاد الشغل ساعه
انا بقى اطلع من كوبري 6 اكتوبر عشان اوفر الوقت والمسافه …. وصلت للكوبري باقي على معاد الشغل ساعه الا ربع ,,,,, بعد 2 كيلو تقريبا من اول الكوبري ….. هي الدنيا زحمه كده لييه .. عربيه عطلانه …طيب … باقي نص ساعه …..باقي تلت ساعه ….. باقي ربع ساعه …. اخيرا وصلت فتحت الكوبري اللي هنزل منها …. بعد ما نزل ياه هو الدنيا زحمه كده ليه .. اصل في مكروباص بيركب ناس فحضرتك تستنى شويه ………….. باقي 5 دقائق على معاد الشغل ….. شويه و وصل الراجل ومش لاقي مكان يركن العربيات كلها راكنه ………… اه هو الدنيا زحمة كده ليه … هو النهارده ايه هو فيه ايه .. المهم ركن الكاار ودخل الشركه بيمشي بقى لقى المدير في قفاه احم احم متاخر 10 دقائق خصم نص يووم … 
بص الراجل في المدير بكل احترام ومحبه اصل انا اكييد في مصر ..
معلش يا جماعه القصه طويله شويه بس هي بتحكي عن كزا اتجاه
*زحمة الموصلات ومكان تركن فيه عربيتك والمواعيد والسواقه الذكيه (( الغرز :) ))
زحمة السيير : العربيات كترت مووت والستات بقت تسووق وحاجه اخر حلاوه بس انا اكتشفت حاجه في مصر عن الستات هما نوعين ………….
1تيييت تيييييت( ما تخافووش كلاكس عربيه 
) تلاقيها مش همها اي حاجه وبتاخد غرز وما بتخفش من حاجه وبتعدي التقاطع على 140
2 تلاقيها خايفة مووت والكاار بتوقف منها كتيير وموقفه الدنيا كلها عشان بس تعدي تقاطع
وده ما يمنعش ان في رجاله كده طبعا في مثال مشهور استفدته من الدكتور بتاع ماده اللغه الاجنبيه بتاع كليه فنون جميله (( ربنا يكرمو)) (((((((((((((ماهو لو الستات تقعد في البيت والرجاله تشتغل بضعف المرتب …))))))))))))))))))
يا جماعه هو الي قال كده مش انا … ولازم نحترم وجههة نظره.. :)
اما الحل بقى مش عارف واالله اصل الكاراات=العربيات كترت قوي في مصر
وكمان مش العربيات بس ده كمان بتحصل في كومة المواصلات بصفه عامه حكاية الزحمه دي..
*مكان عشان تركن : لاااا ده حواار انت ساكن في عماره س؟ في هشام لبيب الشارع الي ساكن فيه مرسي :) المهم انت في س؟ وتركن عربيتك في ص؟ وانت طالع ويوم ما تركنها في س؟ تعمل فرح وكل شويه تخرج من البلكونه وتفرح ان الكااار ركنتها تحت بيتك .
*المواعيد لازم لو عاوز تلتزم بمواعيدك وده بسم الله ما شاء الله في مصر 10/10 لازم تنزل قبل المعاد بساعتين عشان الطريق والزحمه خلاص الواحد تعود على كده نعمل اييه بس ساعات الزحمه بتأخر كتيير مووت وبرده مش هنعرف الحل مش عارف في زحمه في مدينة الواق واق كممان زي حلاتنا ولاا.
*اخيرا السواقه الذكيه : :) يا جماعه دي بقى سبوها عليا دي تخصوصي هههه…
الواحد زي الاستاز مرسي بيمشي كويس ويقول انا النهارده مش همشي الماشيه الذكيه وهمشي عدل ييجي واحد شمشم كركر = ربنا يسامحوووا يعكنن عليه ويستفزه فا مرسي ده يعمل ايه يتجنن بقى يشوف اي خرم صغير ويدخل فيه بالزوف بالعفيه مش مشكله مع مراعااة ان الشباك يكون مقفوول :) عشان الشعب المصري طبعا بسم الله ماشاء الله في الكلام بقوا هم زي العسل …بس على فكره عواقب السواقه الذكيه دي كتيير انا ببقى ايدي بتكولني وبحس ان بعيط على الغورز الي بتفوتني لما بمشي باحترامي لما مثلا اختي صاحبة الكاار تكون معايا :) بس الموضوع كده انتهى وانا بأسف اني ما بغوصش قوي في المواضيع
بس ده عشان افتح حوار وفكر جديد بس عشان نتطلع على مصر ونبص عليها من بعيد وعلى فكره مع كتر الي بيحصل في مصر من الحجات الحلوه الي اتكلمت عنها ولسه هتكلم عنها بس والله بحبها مووت مش حاسس اني حبقى حاجه احسن من مصري ممكن ما اعرفش ليه بس بجد انا بفتخر اني سويسي مصري مش حاجه تانية زي دو………(( غيرتيها لييه)) 
وللمره التانيه هقولكوا الكلام ده والزحمه دي والستات قليله قوي في جمهورية مرسي العربيه انا مش بحرض حد انوا ينتخبني ولا حاجه
عبدالله مرسي
في يوليو 8th, 2007 at 3:21 م
السلام عليكم
و بعدين الستات بيسوقوا حلو آوي لعلمك..علشان كده بابا لحد دلوقتي مش عايز يعلمني السواقة 
بس بجد عن تحربة شخصية انا لما بركب مع ماما و هي بتسوق..طيبة فوق محد يتخيل 
ممكن حد يكسر عليها من بعيد و عادي بمنتهى الهدوء بتستنى بجد كانت طيبة موووت ..بس هى خلاص الحمد لله اعتزلت السواقة 
عمناً ربنا معاك في مواضيعك اللي جايه 
و ابعد عن العربيات علشان مش بفهم فيهم خالص!!
اولاً مبروك على تاني موضوع ليك…و انا عن نفسي بقول ده اول موضوع ليك بجد ..علشان ده الي بيعبر عن اللي في دماغك
انا قعدت كتير على ما فهمت كلمة غرز :$
سلامات
في يوليو 8th, 2007 at 3:29 م
احب اقوول مره تانيه للأموره ( نورا ) حاجه
لو صنفنا مامت حضرتك هنلاقيها من النوع التاني من الستات الي بيسوقوو
وبعدين ربنا يعنا لما تتعلمي انتي السواقه …. هيزييد الشعب واحده بتسوق .. وده حرااااااااااام
اخيرا بجد ليكي الشكر في تنزيل الموضوع ده وانتي عارفه كويس …
وبلاش 20 دقيقة تاخيير…. ما ينفعش كده
وان شاء الله الموضيع الجيه مش هنسا الستات فيها
في يوليو 8th, 2007 at 4:11 م
هاى انا عجبنى اوى الموضوع ده يعنى بس انا مش بجامل ماشى و كمان انا فى الاول مكنتش عارفه ان كار دى تقصد بيها عربيه يعنى بس الحمد لله ربنا ستر و فهمت فى نص الموضوع و ده طبعا بيدل على الثقافه الشديده و الذكاء الذى تعجز عن وصفه الكلمات( ربنايتملى بعقلى يا رب ) و كمان فعلا اصلا يعنى الحكايه دى مهمه جدا و لازم نحلها عشان احنا قاعدين ماشاء الله منورين البيت ليه ….. ؟ سؤال يطرح نفسه احنا ليه مش بنخرج خصوصا انا و العيال يعنى بس الاجابه هى ان مفيش ركنه بس لازم نخلى الناس يخرجوا و يتفسحوا و احنا نعد كده منورين البيت عشان منعملهمش اى زحمه او ازعاج بس و خلاص كده باى
في يوليو 8th, 2007 at 8:44 م
السلام عليكم ورحمة الله وبركاته
وايه العظمة دي يا كبيرنا بجد الموضوع شدني جامد . مع اني كان نفسي انسى قرف الزحمة واني عشان اركن الكاار لازم ارجع بشارعين تلاتة ((مين يزود )):D
ميت الف مليون مبروك تاني على موضوعك التاني
وعايز اللي جاي احسن ان شاء الله [وانا واثق من كده] .
سانتراكاتووووووو
في يوليو 8th, 2007 at 8:49 م
مبروك يا (استاز)مرسى عالموضوع الجامد ده بس على فكرة يعنى الستات مابيسقوش وحش ولا حاجة دة احنا ناس جامدين بردة
( الكلام ده والزحمه دي والستات قليله قوي في جمهورية مرسي العربية ) ودى حاجة طبيعية جداً لأن تقريباً جمهورية مرسى العربية دى مافيهاش غير 2 الريس طبعاً ووزيرته الليدزى نيرمو واللى طبعاً (استازة) فى السواقة S: عالعموم الف مبروك ياريس ومش هنسى التحية الملكية (تحيا جمهورية مرسى العربية ) 
في يوليو 8th, 2007 at 9:33 م
ASASAN’S sister:كرا ليكي وكويس انك بدئتي تقرأي
khaled: شكرا يا خالد واعزورنا انا مشغوول مووت في البيت عشان البيج بوص جي ان شاء الله
nariman: شكرا يا نرموووو والتحيه مطلوبه زي ما انتو عرفيين
بس على فكره انا مش موافيق انك تاخدي الرخصة انتي عاصبيه مووت وهتطلاعي عيين السواقيين 
في يوليو 9th, 2007 at 2:22 ص
حلو يا مرسي الموضوع ده و شد حيلك ماتغيبش علينا كده تاني.
أنا معاك طبعاً في موضوع الستات في السواقة , يعني هما حاجة من الاتنين 1- جامدين أوي في السواقة (محترفين يعني)
2- ضايعيين و مالهومش في السواقة أساساً
و أنا مش بأقول الكلام دة من فراغ , أنا بسوق بقالي 4 سنين و الحمدلله ماعاملتش غير حادثة واحدة و كان السبب فيها الزحمة و و احدة ست, كالعادة كانت بتتكلم في المحمول و سرحت فضيعت العربية من وراء. و دي أكيد من النوع التاني اللي مالوش فيها أصلاً.
أما عن حكاية الغرز دي فربنا يستر عليك و إن شاء الله تبطلها خالص عشان سلامتك أولاً, و سلامة اللي راكبين معاك ثانياً.
و الزحمة ماقدرش أقول غير حسبي الله و نعم الوكيل.
في يوليو 9th, 2007 at 4:09 ص
السلاموا عليكم
مجبتيش حاجه من عندي:$
فينك بس يا مرسي عامل ايه و اخبار الغرز معاك :)أخرتك وحشه ربنا يستر عليك
بس أنا مش معاك في الكلام اللي بيتقولوا عن الستات ده ده حتي علي رأيك أحلي ثلاث حاجات في الدنيا حاجتين سواقه الستات مش كده برده ولا ايه مش ده كلامك
يللا بقي السلام عليكم
في يوليو 9th, 2007 at 4:50 م
Mohamed Yasser: شكرا يا محمد بجد ومتخافش الجي اكيد احلى من الي فات عشان انت اكيد في مصر… وبجد حلو كلامك المهم ان الستات دول مش هيخروجو من ديرتيين..
mira: شكرا يا اميره بس على فكره
انتي عكستي المثل خالص هما مش احلى …… المرادي اجمد حاجه سةاقت الستات.. 
te7s: تحس شكرا على مروورك بس نفسي اعرف انت مين عشان اعرف انا ادك ولا لا وعلى العموم ازا كان على المرغاني انا جاهز بس استناني اجيب الكاار بتعتي عشان ما انزلش بالكاار بتاعت حد
في يوليو 9th, 2007 at 7:14 م
مغ السلام عليكوا
ايه يا مرسى العربيات والقلق والزحمة والغرز والحركات دى انا حاسس انى فى اشارة مرور
وعن النسوان اللى معندهاش فكرة عن السواقة وبتسوق دى نسوان على راى دكشى عايزة الحرج يلا سلام
7ELMY……….
في يوليو 9th, 2007 at 8:31 م
السلام عليكم
وكمان الستات دول ملايكة 
…و مش مشكلة يعنى انها تسيب الدريكسيون علشان تفك عن نفسها شوية ..تظبط المكياج او تعيط او نفسها في كلمتين تقولهم 
و مش هطول عليكوا سلام
الموضوع ده مهم جداً جداً ليه بقى؟…………..
لانه حق الانسان يوم لما ربنا يرضى عنه و يسهله حاله و امرة و مامته و باباه يفتكروه ويفتكروا انه بقاله سنه متفسحش مايبقاش كل همهم انهم لو راحوا بالعربية لما يرجعوا مش هيلاقوا الركتة الى العربية كانت عايشة فيها
في يوليو 9th, 2007 at 11:35 م
السلام عليكم ورحمة الله وبركاتة
الموضوع يتحدث عن مشكلة بجد وحشة اوى
وعند الخروج وعند …………………
ومشكلة نواجهها كل يوم
عن الذهاب الى الكلية ” وياعينى على 121 ”
يعنى 121 والطريق واقف
بجد كان الله فى عوننا جميعا
اما عن قيادة السيتات العربية
فليس جميعهم محترفات فى القيادة
وليس جميعهم سيئات فى القيادة
مثل الرجال
سلام ومنظرين المزيد من الموضوعات الساخنة
فى رعاية الله
في يوليو 12th, 2007 at 1:31 ص
السلام عليكم ورحمة الله وبركاتة
معلش يامرسى تأخرت عليك فى الرد (الدنيا مشاغل بقى) بس احب اهنيك واهنى الاسرة الكريمة على الموضوع الرائع دة وبمناسبة هذا الموضوع بهدى اغنية ست الحنانة يحنانة انت .
بس عايزة اقول حاجة ان اللى بيقول ان الستات بتسوق وحش………….عندة حق ومش هقدر انكر لان 99 فى المية من الحوادث بسبب الستات الاشارات ضاربة عندهم خالص وكل حاجة والمكالمات فى الموبايل بتحللهم وهما سايقين بس بردة مش هننكر ان فى ستات بتسوق حلو بس دة بنسبة 2 فى المية .
والحمد لله ان انا مصرية وكل مرة هقول كدة واحب اقول الجملة الشهيرة وهى ان انا مش هطول عليكوا.
يلا سلااااااااااااااااااام
امنية وسلام كبير لاجدع ناس وهم الاسكندرانية.
في يوليو 13th, 2007 at 3:47 م
مبروك يا مرسي
بصراحة انل قبل ما أأرا الموضوع كنت سمعت انك بتتكلم عن سواقة الستات و بتاع بصراحة كنت نويلك على نية . . . بس بقعد ما قريت الموضوع ما أقدرش أقول غير ان معاك حق في كل كلمة و بجد لو أحنا مبنحبش البلد دي ما كوناش انتقدناها
في أكتوبر 5th, 2007 at 1:13 ص
عبد الله باشا ازيك
على فكره موضوع الغرز دا هو الحل السريع للوصول بسرعه صدقت يابنى والله
بجد الواحد زهق من الزحمه و عايز يسكن ف حته بره القاهره
عشان القاهره دلوقتى بقت بسيسه عربياااااااات او كارات على رايك و ربنا يسهل و يرزقنا بفيلا بكام مليون ف اى مكان بره المحروسه دى هههههههههه