تابع جديد الموقع

16 تعليقات على “آخر العائلات المحترمة!!!”

1. ياسمين منير
   في أغسطس 10th, 2007 at 1:32 م

   السلام عليكم ورحمة الله وبركاتة

   موضوع فعلا جميل جدا
   يتناول اكثر من فكرة
   - الحجاب : ايمان من الداخل يفيض الى الخارج
   وانا ارى ان الحجاب ليس الان مقياس للاخلاق والايمان على الاطلاق
   - ترى امراة محجبة وابنتها على العكس فى كل شئ ” الاخلاق ” :
   احس هنا ان تلك المراة ليست محجبة عن اقتناع وشخصيتها ضعيفة
   وهذا انعكس على ابنتها …..
   - الاسرة التى تعتمد على الاقناع مع ابناءها
   والاخلاق والقيم هم ذهبها ارى انها ستكون اسرة غير …
   واتمنى لكى ان تكونى دائما غير …..
   وابناءك ايضا غير ان شاء الله ….
   وجزاك الله خيرا على هذا الموضوع الجميل
   والسلام عليكم

2. محمد عبد الشكور
   في أغسطس 10th, 2007 at 3:00 م

   السلام عليكم,

   و بقوا الولاد في انتظار بنت بمواصفات نانسي عجرم و اخلاق منى زكي …و بنات نفسها في بصة تامر حسني و رجولة السقا

   المشكلة إن الافلام دي هي المراية اللي العرب كلهم بيعرفوا المصريين بيها …افلام كلها عري و خمور و رقص و سهولة في كل حاجة و اهالي ملهومش اي قوامة او شخصية !!..بمعنى ابسط افلام غير معبرة بالمرة عن تقاليد و عادات شعب.

   
   وسعت منك الحتة دي شوية

   بصفة عامة من وجهة نظري في نقاط في الموضوع مبالغ فيه شوية لان في حاجات للاسف متطبعة في مجتمعنا من زمان و مينفعش نغيرها و في حاجات تانية بتاخد و قتها و بتزول,
   و العائلات المحترمة كتيرة و اكتر من “القلة المنحرفة” اللي كلامك جاب سيرتهم, لكن السيئة تعم دائماً

3. Nora
   في أغسطس 10th, 2007 at 3:37 م

   السلام عليكم
   ياسمين منير:شكراً لتفصيصك الموضوع …طبعاً على موضوع الحجاب والله في فئة كبيرة بقت محجبة عن اقتناع ..بس انا بتكلم هنا على التناقضات اللي موجوده…رغم انتشار صيحة الواعز الديني ..الا إن الانحلال برده انتشر بشكل مريب!!
   على موضوع الاسر بقى…انا بحس إن مبقاش في خُلق إن الاهل يعدوا مع اولادهم و يرسخوا فيهم المباديء ..علشان كده كتير تحسي جواهم كويسيين لكن مش قادرين يكونوا بره كمان كويسيين !!

   محمد عبد الشكور:شكرا على نقدك..بس افهم بس هو الضرب ده ليه؟!!
   الموضوع مش مبالغ فيه ولا حاجه بس هو عرض لسلبيات اكتر من لايجيابيات و يمكن علشان كده حسيت إنه مبالغ..
   طبعاً زي ما في كويس في الوحش…انا مش بنكر إن فيه ناس كتير محترمة بالعكس زي معلقت على ياسمين الغريب هو انتشار الانحلال في وسط الصيحة الدينية دي!!
   بس عن نفسي انا مش بؤمن بإن في حاجات راسخة و مش ممكن تتغير !!..لأن زي ما كان في حاجات حلوة كتير و ضاعت في زمننا في حاجات وحشة كتير ممكن نغيرها لو مش في المجتمع كله يبق على الاقل فينا و في اهلنا و ولادنا …و بجد كل اللي غايظني حكاية السيئة تعم لأن بجد الدول التانية واخدة فكرة عننا وحشة جداً من اللي انت بتقول عليهم قله …رغم إن كتير من الدول دي جيرانا و حدودهم مع حدودنا لكن برده معلوماتهم عننا من افلامنا و اغانينا !!
   و سلام

4. Mohamed Yasser
   في أغسطس 10th, 2007 at 4:22 م

   عن دولة في دستورها منصوص إنها إسلامية….أنا سمعت و مش متأكد إن نظام التشريع في ناس عايزة تغيره و مايكونش أساسه الإسلام.
   أرجع بقي لأصل الموضوع, فعلاً في العالم كله مهما لفينا , هانلاقي إن في الكويس و الوحش, بس ليه مانكونش إحنا من الجزء الكويس مهما كانت نسبته.
   الحجاب تقريباً مفهومه اختلف عند بنات كتير , يعني نمشي في الشارع نلاقي بنت مش محجبة بس لبسها محترم أكتر من بنت تانية محجب….نفس الكلام عند الولاد مفهوم الرجولة اختلف عندهم برده و بقي اللي مطول شعرة و رابطة , و اللي ماشي مش تمام في الشارع و عايز يتخانق و خلاص….
   كل الكلام ده مبوظ المجتمع اللي موجود فيه. و ده مايمنعش طبعاً من وجود عائلات محترمة كتير برده و الحمدلله, لكن هانلاقي في أب و أم كويسين بس مش عارفين يربوا عيالهم و هو ده اللي بيدينا فكرة وحشة عن العائلات.

   في النهاية ربنا يهدي الجميع إن شاء الله, و أحب أشكرك يا نور علي الموضوع الجامد ده, اللي أنا باعتبره من أحسن المواضيع اللي اتكتبت علي المدونة لغاية دلوقتي, و يا رب دايماً.

5. mira
   في أغسطس 11th, 2007 at 5:21 م

   السلاموا عليكم
   الموضوع جامد يا نور انتي جامده اصلاَ طلعه لصحبيتك :$
   و علي فكرة في حكايه السيئه تعم ديه حتي انتوا ديلوقتي بصتوا للوحش و مابصتوش للحلو يعني بصتوا للحوار من ناحيه واحده زي مابتقولو في بنات كتير مش محجبه احسن من بنات محجبه بس لو بصتولها من الناحيه التانيه هتلاقوا ان العكس هو الاكثر ان في بنات كتير محجبين احسن من اللي مش محجبين مع ان الموضوع مش موضوع حجاب و كده بس انا بقول كده عشان انا نفسي لما كنت مش محجبه كانت الناس بتقنعني اني متحجبش بالجمله ديه وانا ببوصلها من الناحيه التانيه اللي هي أصلاَ صح
   وفي حوار النوم بادري ده انتي جيتي علي الجرح بقا :$ يعني والهي هو أضراره كتير صحياَو نفسياَو ليله بقا حتي في سوره المزمل “ان ناشئه الليل هي أشد وطئاَ و أقوم قيلا ” السهر بيخلينا و لا مركزين في الصلاه بالصبح و لا بالليل و بيضيع مننا قيام الليل بس بنصلي الفجر:)
   و جزاك الله خيراَ علي الموضوع ده و ربنا يهدينا يهدي الجميع

6. dodY
   في أغسطس 12th, 2007 at 12:05 م

   بجد يا نووور ربنا يكرمك انك اتكلمتي فالموضوع الي مدايقني وجايبلي هسهس في دماغي … انا فعلن مبقتش عارفه احنا ايهه ؟؟ انا غلط ولا هما .. لما الواحد يبقي ماشي فالمصيف ويكون محجب ولابس من احسن حاجه الناس تبصله علي اساس انه من علم تاني او من انه من طبقه تانيه مع ان الواحد عامل الحاجه ال ترضي ربنا .. بجد فعلن الله يكون في عون الولاد (بمعني) ان لما كل ولد يمشي في مول ويلاقي نسخ كتيره من بنات كلهم لبسين دهبي وفضي مه ليه الحق انه ميتجوزش ويستحلي الفرجه مهي ببلاش .. وكمان لما يلاقي انه اول مهيصاحب بنت تخرج معاه ويحصل المقرر الي في كل الافلام زي كده عمر وسلمي ..بس فعلن لو هنفضل كده من غير حاجه يبقي حرام علينا ..التغيير لازم يبقي مننا (ان الله لا يغير ما بقوم حتي يغيرو ما بانفسهم )
   شكراا يا نوور

7. Nora
   في أغسطس 12th, 2007 at 12:15 م

   السلام عليكم
   Mohamed Yasser:طبعاً شكراً على مدحك و تعليقك الجميل …حكاية انهم عايزيين يغيروا الديانة دي سمعتها من كتيير و مش عارفه هيعملوها بجد ولا ايه و يعملوا الدولة علمانية!!
   مش عارفه ليه اصلاً مع إنه نظام فاشل و في الاخر برده الدول دي بتمشي على ديانة معينة بس من تحت لتحت اللي بتكون ديانة الحاكم موضوع بقى إننا نبق من الجزء الاحسن ..فكده بدأنا نفكر صح ..حتى جوه بلدنا في الكويسيين و الوحشيين و الصح تكون مع الجانب الصح طبعاً بس الأصح نصلح الجانب الوحش كمان..و يا رب بجد يهدي الجميع و أولهم احنا ..احنا مش ملايكه برده
   mira:شكراً يا حبي …و طبعاً انتوا اجمد اصحاب على وجه الأرض بصي على حوار بصينا للجانب الوحش فوالله انا قلتها مليون مرة ..الموضوع مش عن الجانب الوحش و لا الحلو ..الموضوع عن التناقضات اللي موجوده مش اكتر!!
   و اكيد فيه مش محجبات احسن من محجبات كتير بس ايه المانع الفكره دي تتغير و يبقى فيه محجبات كويسيين اكتر و نبدأ بنفسنا و حكاية النوم بدري متتكلميش فيها!!…علشان انا اكتر واحده عانت معاكي انت و نيرمو علشان تصحوا معايا في الكلية !!
   و والله النوم بدري مش للاطفال و لا بتاع العيال بجد ده صحي اكتر و مفيد لعقلك و صحتك و لعلاقتك مع ربنا زي ما ذكرتي …يمكن دي تكون دعوه لأي حد ينام بدري

8. yummy
   في أغسطس 12th, 2007 at 12:44 م

   بجد ما شاء الله يانور
   الموضوع بجد مهم جدا و ربنا يكرمك عشان دايما بتفكرينا و انت عندك حق فى اللى انتى قولتيه انا بقيت بشوف مهازل فى الشارع
   و انا بيتهيقلى ان لو كل واحد خد القران الكريم منهج ليه مش بيتهيقلى ان العادات الجميله بتاعت المسلميين هتضيع و هتبقى فى كل عيله قيم و مبادئ يعيشوا عليها و يربوا ولادهم بيها و الناس طبعا هتبقى محترمه
   جزاك الله خيرا يا نور

9. Nora
   في أغسطس 12th, 2007 at 1:07 م

   السلام عليكم
   dodY:بصي يا دودي ..طبعاً اولاً شكراً علشان انت اول واحده تشجعني على الموضوع ده اكيد الصح مايختلفش عليه اتنين!!…و محدش عارف يمكن احنا مش واجهه تمام للاسلام علشان كده في كتير واخدين فكره وحشه …و يمكن دي مظاهر عصر و احنا كويسيين بس الفكر عمتاً هو اللي غلط مش عارفه ..بس عمتاً الله بجد يكون في عون الولاد …إذا كان كتير من البنات مش بيقدروا يغضوا من ابصارهم عن البنات اللي زيهم ما بالك اولاد !!
   بس برده مش مبرر اللي عايز يبقى صح …المفروض مايهموش المغريات اللي حواليه ..و يمكن احنا في زمن الماسك على دينه كالماسك على جمرة من النار !!..بس يمكن الدليل على إننا صح إن الولد يوم ما يعوز يتجوز مش هيدور على اللي كانت ماشيه تتسرمح و لابسه و مش لابسه ..بيدور على صاحبه الدين و الأخلاق ..فابشري
   yummy:شكراً يا حبي..و إن شاء الله اكون دايماً عند حسن ظنكم و و الله يا اختي المهازل في الشارع و المولات و الكافيهات و الانقح في البيوت كمان بصي ربنا نزل القرأن و اللهم على رسوله(صلى الله عليه و سلم) بالأحاديث علشان تكون منهج لأي حد و لأي زمن …فأكيد أي حد يمشي عليهم يكون صح و مش هيضيع ..الفكره بقى إن الفكر دلوقتي بين كتير من الشباب إن فيه حبه قواعد كده من القرأن و السنة متنفعش لعصرنا!!…مش هقول زي ايه ..بس هقول إن يا ريت الناس دي تفهم إن ربنا لما خلق القرأن كان عارف بعصرنا ده و عارف إن انسب حل لينا هو القرأن ده …بجد الله يكون في عون الجميع

10. Mohamed Yasser
    في أغسطس 12th, 2007 at 9:26 م

    معلش أنا آسف يا نور بس كنت عايز أوضح حاجة, في فرق بين إنهم يغيروا الديانة و يغيروا نظام التشريع.
    علي سبيل المثال لو في دولة نظامها في التشريع هو الإسلام: ده معناه إن أي قضية أو مشكلة بيتم مواجهتها زي ما الإسلام بيقول.
    فلو إتغير نظام التشريع ده مش معناه إن االديانة إتغيرت.

    أنا آسف إني علقت تاني بس كنت عايز أوضح النقطة دي,…..و شكراً.

11. soma
    في أغسطس 12th, 2007 at 10:10 م

    على فكره يمكن تكون ده أول مره أعلق فيها على موضوع ….
    بس حقيقى المدونه جامده جد”ا ….و حاجه كويسه أوى كمان
    ..بصى بقى يا نورا..الموضوع ده مهم جد”ا بس أنا شايفه ان الموضوع مش موضوع لمة عيله أو نوم بادرى……و لا حتى المشى على البلاج
    أهم حاجه الانسان اللى لابس ده سواء (بنت أو ولد) هو مقتنع و لا الموضوع مجرد موضه و شد انتباه و بس……(طبعا” فهمنى)
    و لو رجعنا لأصل الموضوع هنلاقى ان الأهل هما أهم عنصر
    بس مش عشان يجتمعوا و لا حتى يأكلوا مع بعض ….بس عشان نعرف هما ادونا ايه.. و أكيد مفيش مهما كان أب أو أم هايدوا لأولادهم أى حاجه وحشه عن قصد بس الموضوع بيجى بطريقه مختلفه ……..يعنى مثلا..
    كل واحد(أب أو أم) بيكون نفسه يخلى ابنه لو أب أو بنتها لو أم يعمل اللى كان نفسه يعملو و (هو أو هى) فى سنهم ماشى عادى و ده الطبيعى
    الزمن بيتغير و لازم يكون فى مساحه من الحريه
    بس فى فرق كبير أوى بين كل ده و بين المبادئ و القيم و الدين
    ده أهم حاجه لازم يهتموا بيها أولياء الأمور و بعدين الأبناء هيستغلو كل حاجه صح حتى لو كان فى مليون ضغط (قصدى ولا مليون فيلميقدر يؤثر فيهم)
    معلش أنا طولت أوى …مع انها أول مره
    بس حقيقى الموضوع ده جامد أوى ..عشان نعرف الغلط فين و منكررهوش مع عيالنا يمكن نقدر نعمل حاجه
    و شكرررررررررر”ا جد”ا يا نورررررررا

12. Nora
    في أغسطس 13th, 2007 at 12:54 م

    السلام عليكم
    Mohamed Yasser:هو بس في سؤال ..انت شايف إن نظام التشريع في مصر إسلامي ؟!!
    انا مش هنكر إن فيه بعض القضايا و اللي غالباً بتكون اجتماعيه بينظر فيها إسلامياً …زي الطلاق و الخلع بس عمرك شوفت مصري قتل بدون قصد و دفع ديه؟!..او سرق و قُطعت ايده؟!
    ممكن تكون شوفت المصري ده بس مش في مصر !!
    مش هدخل في الموضوع ده آوي …بس ممكن تقول الحمد لله إن في الوقت الراهن مش بنطبق التشريع الإسلامي ..لأن بجد يا ما في الحبس مظاليم فتخيل اللي اتظلم و اتسجن ..احسن ما يتظلم و تتقطع ايده!!
    يمكن لما يكون فيه العدالة الكافيه وقتها نشوف ليه مش بنطبق التشريع الإسلامي بشكل كامل ..

    soma:نورتي يا سومية المدونة و شرف ليه إن أول تعليق ليكي يكون على موضوعي حلو آوي إنك فتحتي موضوع اللي بنعمله ده مقتنعين بيه ولا لأ..بس افتكر الرد على حاجه زي دي ..تشوفيها لو ناقشتي اي حد من اللي لابسين و مش لابسين دول …و شوفي هيقنعك ولا لأ..و هتكتشفي إنه اصلاً مش مقتنع!!
    ..و عندك حق في إن الأهل هما الأصل ..و بتبقى المشكلة بجد لما الأهل اصلاً يكون فكرهم غلط …بس انا شايفة إن معظم الأهالي دلوقتي بيتدينوا و ماشيين في الطريق الصح ..بس السؤال هنا ليه رغم كده و رغم إنهم ممكن يكونوا بيعملوا اللي عليهم مع ولادهم إلا في اولاد بيطلعوا غير أهاليهم خالص!!
    بس مش هننكر إن في تحسن في كتير من العادات ..زي إن زمان كان عادي إن مفيش حجاب و ناس كتير مش بتصلي و لا بيصوموا !!..ده غير انتشار الخمرة و القمار و الكلام ده مش من زمن بعيد ..ده من ايام جدتي ..و انا جدتي صغيرة …بس سبحان الله لما الناس ابتدت تعرف ربنا مش عارفين يوصلوا تجاربهم صح لولادهم و احفادهم !!
    يلا الله يسهلهم

13. nariman
    في أغسطس 21st, 2007 at 11:57 م

    اولا معلش انى مكتبتش التعليق كل دة بس انا كان عندى كلام كتيييير اقولة عالموضوع وكنت بكسل اكتب اوى المهم ان الموضوع مهم وفعلاً فى تناقضات كتيير فى حياتنا بس انا معاكى فى حاجات ومختلفة معاكى فى حاجات تانية
    اولاً بالنسبه لموضوع الحجاب فى كتييير محجبات بكل صراحه بيسيئوا للاسلام ويمكن فاهمين الحجاب غلط لأن الحجاب مش مجرد ايشارب يتغطى بية الشعر لا ابداً الحجاب دة زى ماقالت ياسمين ( ايمان من الداخل يفيض الى الخارج) يعنى لازم اى محجبة تحترم المسئولية اللى بقت عليها سواء فى اللبس او التصرفات لأنها واجهة للأسلام واصلاً بعتقد ان اللى بتبقى محجبة عن ايمان بيبقى فى حياء وخجل من انها تعمل اى تصرفات او تلبس اى لبس يسىء ليها لكن الفئة (مش هأقدر اقول القليله ) لكنها الفئة الغريبة اللى فاهمين الحجاب بشكل خاطىء دول بجد بيهينوا منظرنا كمسلمين
    (اللي مش قادرة تلبس الحجاب من مغريات اللي حوليها و اللي قلعتوا علشان المغريات دي)…انا مش معاكى ابداً فى الكلام دة عشان الحجاب مالوش اى علاقة بالمغريات اللى حواليكى انا هتكلم عن نفسى شخصياً انا اه فعلاً مش محجبة بس مش بسبب اى مغريات ولا مثلاً عشان انا بلبس لبس معين بالعكس انا شايفه ان لبسى مابيسئليش فى اى حاجه يمكن كمان بلبس محترم عن كتيير من المحجبات ولا عشان اهتمامى الفظييع بشعرى (بالعكس دة انا بنسى اسرحه ساعات ) يعنى الحجاب مالوش اى علاقة بالمغريات….وماينفعش ابداً اقول انى مش محجبة عشان انا مش مقتنعه بالحجاب لأن لو انا مقتنعة بالاسلام يبقى لازم اكون فاهمة ان الحجاب ده فرض عليا كمسلمة مش اختيار ..الحجاب دة( لحظة وقرار ) وانا شخصياً واخدة القرار دة ( محجبين معنوياً و لا ينقصهم سوى ارتداؤه..) بس مستنية اللحظة اللى ربنا يقدرنى انى انفذ القرار دة ويااااارب تكون قريب:)
    بس رغم كل حاجة الحمدلله فى كتيير محجبات بجد بيتقوا ربنا فى حجابهم.
    ثانياً الافلام : بجد الافلام دى اللى كارثة وانا مش اقصد افلام دلوقتى بالعكس الافلام دلوقتى ارحم كتيير من افلام زمان اللى فعلاً كل لما بشوفها بحس ان الحياة حلوة و كووول(بنات لابسين قصيير و كل البيوت فيها خمره ……) ورغم كل دة الاكبر مننا بيقنعونا ان زمان كان الناس محترمين اكتر من دلوقتى (بمعنى ابسط افلام غير معبرة بالمرة عن تقاليد و عادات شعب )..
    ثالثاً: النوم بدرى …نفسى اتعود علية لأن فعلاً اليوم بيتلخبط فى كل حاجة
    بس هى الفكره مش قوانين ولا ميعاد نوم واكل لأن كل دى فى الاخر مجرد شكليات بس هى فكره اهل وتربية وتفاهم واخلاق:)الحمدلله فى عائلات محترمه كتيير والحمدلله ان اهلنا محافظين علينا وانشاءالله نقدر نربى اولادنا فى المستقبل تربية صح ونقدر نحافظ عليهم …

14. Nora
    في أغسطس 31st, 2007 at 10:19 م

    nariman:
    نيرمو انا اتخضيت لما شوفت التعليق!!!
    بصي دايما الحق ليه اوجه كتير صح بس الفكره ايه الوجه اللي يناسبنا…فيه ناس مبقتش حاسه ايه معنى إن اللي يبعملوه ده غلط ..و فيه ناس مش فاهمه إن فيه وقت لازم نقف و نقول كفايه …موضوع الحجاب …انا مش هقولك واحده صاحبتي خايفه تلبسوا علشان المغريات أو واحده قلعتوا علشان المغريات برده …أنا ممكن أقولك كام واحده محافظه على حجابها سواء إنها محافظه إنها لسه لابساه أو محافظه عليه و هي لابساه ..لأن عددهم أقل
    لإن انا اصلاً مش بعتبر نفسي من اللي حجابهم صح أصلاً ..يمكن علشان المغريات و يمكن علشان العكس و هو علشان تبقي محجبه صح غالباً في سننا لبسك هيبقى اضحوكه :S
    مش مبرر طبعاً علشان كده ..والله بحاول إني اظبط من لبسي بس اكيد ده هياخد وقته..زي اللي لسه هتتحجب بتاخد وقت علشان يكون حجابها مظبوط و على فكره بقى لازم تعرفي إن في بنات مش مقتنعه بالحجاب اصلاً ..و بنات زيك مستنيه إنها تلبسوا بس ..بس في رأيي و اللي انا عارفه إنك بتعارضيه مش هقولك إنه الصح بس هقولك في وسط زمن الحجاب فيه بتفرقي بيه بين المسلمة و الغير مسلمه ..لأن كلنا بقيت ازيائنا متشابهه ..في زمن زي ده ممكن ناخد خطوه الحجاب ساعات بالإجبار ..لإني في رأيي دي حاجه زي الصلاه ..فرض و مفيهاش نقاش ..أنا مش بقنعك بالحجاب لأني عارفه إنك مقتنعه بيه اصلاً و إنك من النوع اصلاً اللي محجب من الداخل و مش ناقصه غير ارتداؤه …بس انا شايفه إن اللحظه اللي انت مستنياها ممكن تتأخر و ممكن تيجي بدري محدش عارف..فخسارة الوقت اللي بضيعيه ..خسارة حسناتك ..مش اكتر …مش هكتر كلام في الموضوع ده لأن دي حاجه شخصيه بس انا حبيت بس اتكلم حبه علشان انت فيه منك كتير
    موضوع الأفلام بقى ..افلام زمان اصلاً مسخره ..بس كان عادي إن اللبس كده لأن اصلاً الواعذ الديني كان ضايع ..و لو فاكره زي مقولتلك قبل كده …زمان كانوا عادي بيفطروا عادي في رمضان و كتيير كانوا مش بيصلوا و الخمرة و القمار كانوا عادي خالص …بس جدتي قالتلي إن في الزمن ده ..الحاجات ماكنتش مقصوده تطلع في الأفلام لأنها كانت بتجسد واقع حقيقي فيه الناس كده ..بس دلوقتي احنا مش كده ..احنا مش عادي إن واحد يبوس واحده أو عادي إنك تنبقي ماشيه بMINI SKIRT و COOLتطلعي تركبي ميكرباص دلوقتي بقى فيه واعذ ديني كبير و بقى فيه قنوات فضائية متخصصة في كده ..يبقى لما تطلع أفلام زي دي دلوقتي و الرقابه تسيبها عادي …يبقى الحوار مش تمام..و معلش في حاجه..محبش لما نقول احنا غلط نقول طب ما اللي قبلنا كانوا افظع مننا …علشان الاسلووب ده هو اللي بيخلي الكتير بيغلطوا ببجاحه
    موضوع النوم بدري و الخ…شكليات بس صحيه و ربنا يهديكوا ليها ..و إن شاء الله ربنا يكرمنا كلنا و نقدر نربي ولادنا و نطلع جيل يدعلنا و يكون سبب في دخولنا الجنه إن شاء الله …معلش كنت شديده حبه معاكي بس حظك إني برد عليكي و انا طبيعي متعصبه :$

15. maha
    في سبتمبر 1st, 2007 at 3:18 م

    السلام عليكم
    امممم موضوع مهم ولكن فيه نظرة شوية تشاؤمية ! أولا مسألة الحجاب هو ممكن يكون في ناس لابسااه ظاهريا دون عمل و ناس مش لابساه بس عندها عمل ولكن معلش يعني الاتنين مش هم اللي احنا عيزينه عشان نبقى أمة قوية! احنا عيزين ناس تفهم ان الدين اخلاق و عمل (من غير ترك الفروض و الثوابت مثل الحجاب او الصلاة أو تعلم القراءة الصحيحة للقرآن ….. )والمحجبة أو المنتقبة أو الملتحي دول رموز لازم يراعوا ربنا في كل تصرفاتهم و ينقلوا جمال ديننا
    و بعدين أنا أفضل اني لما أشوف واحدة حجابها نص حجاب يكون عندنا حسن نية ،جايز تكون محجبة جديد أو غيره ،ربنا يهدي الجميع

    مسألة الأسر بقة فالمشكلة موجودة بس مش أوي كدة لأن أنا و كل أصحابي و أكيد في ناس كتير زينا اتربينا على النظام الأسري و احترامه و على الترابط الحمدلله ،بجد يا جماعة لسه فينا خير كتييييير زي م قال الرسول (ص)” الخير في و في أمتي إلى يوم القيامة ”

    و بعدين يا ستي مش كل الناس نفسها في نانسي و السقا ،هوفي كتير يمكن بس بجد لسة في ناس أكتر يهمها الدين و الأخلاق و الجوهر

    و بعدين انتي بتقولي الناس شايفين اننا بلد الأفلام والرقص(في نظر العرب و كدة)
    معلش أعترض أوي ،يا جماعة كل واحد و نفسه : مثلا في ناس بتشوف لبنان على انها بلد الرقص و نانسي و هيفاء ….. و في ناس بتشوفها انها بلد المجاهدين اللي حرروا أرضهم من الاحتلال …

    مصر كدة ، كفاية الكلمة اللي قالها واحد شيخ كبير سعودي لوالدي لما كنا في السعودية ، الراجل قال “اللي يفهم و يعرف الدين و التاريخ يعرف ان الأمل في مصر ” دة غير اني اعرف ناس كتير أجانب مسلمين عندهم مصر دي بلد الأزهر و العلم و عارفين اننا عندنا بوظان برضو

    المهم دورنا كلنا اننا نتمسك بهويتنا و نسلم الدين والأخلاق قوية لولادنا ، نحاول نكون قدوة و ندعو لله بأفعالنا ، و بجد نجتهد في ترك الذنوب اللي بتضرنا احنا أول ناس ، أحلى شعار في حياتنا يكون

    “و عجلت إليك ربي لترضى”:)

16. Nora
    في سبتمبر 1st, 2007 at 9:11 م

    maha:و عليكم السلام
    تعليق جميل و احلى ما فيه الامثله الحقيقية
    حلو إنك ذكرتي إن الملتزم و اللي بيأدي الفروض ده رمز و قدوة لازم يراعي تصرفاته لأن ده الواجهه الأمامية للمسلمين
    و برده انا مش بتكلم في كتره الأمثال السيئة ..انا بتكلم في وجودها و التناقض بين وجودها و انتشار الأمثلة الحلوه
    الأسر الكويسة كتير بدليل وجودنا و جود اصحابنا كمان حولينا ..لأن الطيور على أشكالها تقع
    بس على رأي عبد الشكور ..السيئة تعم…احنا كنا في مدرستنا البنات الكويسه احسن بكتير لكن الفكره العامه عند أي حد إن مدرستنا ضايعه !!!
    اكيد في ناس يهمها الجوهر و الأخلاق و لولا كده مكوناش هنلاحظ إن في ناس هممها ما دون ذلك…و بجد مش عارفه ..بس الموضوع ده ماكنتش هتكلم فيه غير من كتر اللي بنشوفه في المولات و الشوارع و الكليات..من لبس و معتقدات ..الناس دي مش اكتر من الكويسين بس نسبتهم ملحوظه طبعاً
    و على موضوع إن البلاد التانيه بتشوفنا كويسين ..اعترضي براحتك..بس احنا لينا ناس في السعوديه و الكويت و السودان كمان..و فكرتهم عن بلدنا عسل و كله بسبب الأفلام ..و حتى لو زي ما بتقولي إن فيه ناس بتشكر في بلدنا..انا مش بنكر ..بس ده مش مبرر إن أفلامنا دعاية بشعة لبلدنا!!
    يعني لما واحد سوداني كان بابا بيشتغل معاه لما جه مصر قاله احنا كنا فاكرنها بلد بوظه(يعني بايظه) و السودان دوول حدودهم مع صعيد مصر لذق
    يعني الأولى يخدوا فكرتهم عن بلدنا من جيرانهم المصريين مش من أفلامنا اللي بتتعرض على الفضائيات!!
    و خلاصة الموضوع ..و هو الهدف اللي كتبت الموضوع علشانه ..و اللي حسن الختام بجد في تعليقك ..إن ماكنش بايدنا نغير اللي حولينا فاحنا قدوة ليهم و لولادنا ..و مش عيب إن كان بينا عيوب و أخطاء ..بس العيب إن نرجعهم لعيوب الأخرين ..و ربنا يكرمنا بجد و يكرمنا بحسن الأعمال و رمضان جاي اه فرصه و دعوه للتغيير

أضف تعليقك