ذكرى..
السلام عليكم و رحمة الله و بركاته
محدثكم من أخر موضوع في رمضان بتاريخ 1 سبتمبر 2008.. حوالى 54 يوم !
“متابعى الـ rss و مش من الكلية.. مش موضوعكوا :)”
طبعاً كنت مفترض حماس f9arts بس ملقيناش الحماس بعد حوالى 3 اشهر من الافتتاح الجديد,
مش عارف ليه, لعنة f9arts ولا كبرتوا على الحاجات دي 
الموضوع ده للتساؤل عن حاجة واحدة و منها تساؤلات كثيرة.. “هل تبقى خيار واحد و هو الاغلاق” ؟
شخصياً حزين على المجهود يمكن اللى انصرف على الموقع سواء في التصميم و التطويرات البرمجية.
هل الفئة المستهدفة تواجه صعوبة استخدام الموقع ؟
هل الموقع مش مناسب؟
هل اصلاً الفئة دي مش بتعرف تستخدم الانترنت !
هل انا غلطان و عوضي على الله
هو انا اشتغلت على هذا الموقع لمين في الأصل ؟!
غالباً القارب يجري في ذلك الاتجاه..
يناير 2009 سوف يتم اغلاق الموقع ان استمر الحال و لكن لن يتم نسيانه سوف يتم تحويله لموقع من صفحة واحدة يوضح ان هنا كان فيه ناس بتحب كليتها بجد و كانوا متجمعين على حاجة يمكن كانت حلوة..
محمد عرب
في نوفمبر 12th, 2008 at 7:13 م
على فكرة يا محمد احنا مكناش نعرف أصلاً بحوار site ده ألا قريب اوى بس متقفلوش ولا حاجه اعتقد بعد محاضرة دكتورة مشيرة الدفعة كلها عرفت أنا عرفت يومها بس .
بس بجد عاجباني أوي المدونه وحوار الإنجليزي إلي بيئلب عربي ده جامد أوي أنا فعلاً مكنتش أعرفه.
go on ومتخليش حاجة توقف حماسك
“احنا فعلاً مكناش نعرف بوجود الورشة” D:
في نوفمبر 29th, 2008 at 8:30 م
يمكن يا محمد انك مش ناشر موضوع الموقع ده فى الكليه بالقدر الكافى ….انا عن نفسى لسه عارفاه دلوقتى بالصدفه لما قريت كلامك ……..احنا لو كنا عارفين بوجود الورشه كنا اكيد هنشارك فيه عموما وعد اعرف الناس بقدر المستطاع عن (الورشه) وان شاء الله لن يلغى الموقع هتلاقى مشاركات كتير لانه فى النهايه موضوع مفيد للجميع