تابع جديد الموقع

26 تعليقات على “عملت إيه و لمين ؟! يبقى أنت لسه موجود :)”

1. محمد عبد الشكور
   في يونيو 26th, 2009 at 3:41 م

   السلام عليكم و رحمة الله و بركاته،
   بصراحة مش عارف اقول ايه، بس الكلام جميل جداً و ليس في الامكان كتابته افضل مما كتب.

   دا طبعاً بخلاف اني قدام مشروع صحفية ناجحة ؛) (قسم عمارة ايه بس..راحت عليه:))
   ما شاء الله بأسلوبك السهل و البسيط و الممتنع في نفس الوقت مش عارف اقول ايه، بس انا سعيد بكلامك ده و يارب الناس تسمع بس او حتى تسترجع فعلاً الذكريات الموجودة هنا

   شكراً بجد لاهتمامك و بدايتك بأول خطوة على أمل استرجاع كل الخير ان شاء الله.
   محمد.

2. noha hosny
   في يونيو 26th, 2009 at 5:48 م

   انت عندك قدرة غريبة على رؤية كل ما هو جميل .. و رؤية الجميل البسيط .. فعلا .. دي أ]امنا الحلوة بجد .. و فعلا الكلام ده أثر فينا كلنا بشكل أو بأخر .. أثر في كل واحد ده الأكيد .. أنا عن نفسي أسترجعت الحاجات الجميلة دي .

   و شوفي يا أماندا أنت النهاردة و بالكلام ده عملتي ايه و لكام واحد … تعرفي انك فعلا موجودة في حياة كل واحد فينا .. و أد اية انت ممكن تكوني أدخلتي علينا البسمة اللي بجد

3. Hadeel Mahfouz
   في يونيو 26th, 2009 at 5:52 م

   الاول احب اقول الف مبروك رجع المدونة
   و ثانيا اشكر اماندا علي المقالة و بجد ذي ما محمد عبد الشكور قال “احنا قدام صحفية ناجحة ) (قسم عمارة ايه بس..راحت عليه:)) ”
   و ثالثا شكرا ليك اعدت الحياة للمدونة
   كلنا بنحبها و عايزينها بس عندنا حالة غريبة مش عايزين نعمل الخطوة الاولي و اماندا وفرة علينا الخطوة دي و عملتها …… يا رب كلنا بعدها نبتدي نعود للمدونة و نهتم بيها ذي الاول و اكتر

4. Rania Atef
   في يونيو 26th, 2009 at 6:14 م

   الاول احب اقول السلام عليكم….
   انا كنت متابعة المواضيع من بعيد..
   بس بجد يا اماندا كلامك اد ايه بسيط ووصلنا بسرعة وفعلا خير الكلام ما قل ودل
   وبجد خلتيني افكر انا بعمل ايه عشان غيري ، انا يمكن مش بعمل كتير بس انا هخدها ليا ولي ناس كتير خطوة اولي لينا عشان نبقي لغيرنا اكتر ما نبقي لينا …
   وبجد شكرا .،.،

5. Amanda Elwany
   في يونيو 26th, 2009 at 6:56 م

   وعليكم السلام ورحمة الله وبركاته
   يا جماعة أنتم بجد فرحتونى جدا أنا مبسوطة ان الموضوع عجبكم و ان اللى كتبته وصلكم:)
   محمد عبد الشكور : ربنا يكرمك….:) وشكرا على الكلام الجميل ده ، و أنا صحفية !!! يا ريتتتت والله كان نفسى ..:) ، ويا رب فعلا الناس تفتكر المدونة وترجع تشارك فيها
   نهى حسنى : مش عارفة أرد عليكى …. بس انت دايما بتسكتينى ، ويا رب أكون فعلا عملت حاجة من الكتيير اللى قلتى عليهم…:)
   هديل : أنا يمكن عملت الخطوة الأولى ..:) عيكى الباقى بأى
   رانيا : ايه ده كله… ربنا يخليكى ، وعلى فكرة وأنا بكتب فكرت فى حاجات كتير أوى كان لازم أعملها …ربنا معانا بقى إن شاء الله .

6. Nora
   في يونيو 26th, 2009 at 10:33 م

   أماندا انت بجد انسانة حلوة

   قبل الموضوع طريقة دعوتك ليه غني أقراه خلتني اسيب كل حاجه ولازم أشوف عملتي ايه..

   فرحتيني جداً و دمعت كده لأني بحب المدونة دي جداً ودخلت عليها كذا مرة طول السنة و كان عندي كذا موضوع نفسي اكتبه بس مش عارفة نسيت الرقم السري بتاعي ولا اشتراكي انتهى مع تجديدات المدونة .. لو عبد الشكور عنده رد على استفساري يا ريت يقولي و هكون مشكوره ليه جداً

   وعايزة اقولك انك فعلاً محصلتيش واخده بالك من كل موضوع كان بيعمل انطباع ازاي عند كل واحد فينا و مين اللي لو مكتبش تعليق الواحد يزعل على موضوعه…

   عن نفسي كنت بحب ولازلت بحب اقرا المواضيع هنا وبتشوفي هنا جانب صعب تشوفيه على الحقيقة…
   صعب تقفي مع ياسمين علشان تكلمك عن نعمة الألم بالاستفاضة دي و مش كل واحد فينا متاح ليه يقف مع حلمي وعبدالله علشان يسمع ألشهم!!..وكانت أحلى لمه لما ميره ونيرمو كانوا بيجوا عندي أو عند ميره عشان نكتب في سوسه ودوده..وفعلاً أول مرة أحس إني بوصل اللي بحس بيه هنا في المدونة…

   شكراً ليك يا أماندا حتى لو محدش كتب حاجه انت ادخلتي السرور على قلبنا كلنا وده له ثواب عظيم لوحده ..وطبعاً شكراً لعبد الشكور على فكرته اللي كانت مجمعانا وإن شاء الله ترجع تجمعنا تاني…

7. Salma
   في يونيو 26th, 2009 at 10:57 م

   أماندا.. مش عرفة فعلاً ماذا أقول إلا انني محظوظة لوجودك في حياتي. أنا ساعات كتير بكتائب لاني مش حاسة بفائدة من وجودي في حياة الاخرين لكن نظرتك الجميلة للموضوع خلتني فعلاً أفهم حاجات كتير..
   I wish i put as much happiness in your life as you put in mine, and that your life brings you as much joy as you add in others. You are truely a friend to keep with your unique way of looking at things.
   Best of luck in everything isA
   Salma El-Banna

8. mona talaat
   في يونيو 26th, 2009 at 11:41 م

   اماااااااااااندا …. تحفه والله بجد مش لاقيه كلمه اقولها اد اللى انتى كتباه.. حقيقى انا سعيده وعندك حق فى كل اللى قلتيه …بس انا عندى سؤال وطلب فى نفس الوقت ازاى نخلى الناس مترميش ورق من شباك المتروووووووووووووو؟؟؟؟!!!! لان الموضوع ده شاغلنى جدا …حد عندو حل؟؟

9. محمد عبد الشكور
   في يونيو 27th, 2009 at 1:06 ص

   السلام عليكم و رحمة الله و بركاته

   احب اوجه شكر تاني موصول ليكوا جميعا و لأماندا على اهتمامها بنداء الامل الاخير اللى كنت كتبته على جروب الدفعة … و السعادة و الرضا اللى انا حاسه دلوقتى لتفاعل الشباب و البنات هنا(بنات بس لحد دلوقتى)

   و انا بقرأ التعليقات فجأة استرجعت شريط طويل لقيت اني حافظ شخصية كل واحد منكم بتعليقاته من سنتين و تعليقاته النهاردة و قد ايه التغير و التطور للأفضل و النضوج الظاهر عليهم بلا استثناء، و دي حاجة جميلة ان الواحد يربط من جديد ذكريات الدفعة اللى اتبعثرت كده و يحاول يجمعها من جديد، عشان يحفرها كجزء من ذكريات حياته (مش مبالغة).
   انا لسه فاكر اول موضوع عن الكلية عملته بس كان على مدونتى الخاصة و مازلت كل فترة ازورة و استرجع مع التعليقات لحظات حلوة عشناها مع بعض. -مازل موجود-
   http://itkallem.com/fineartsuniqueweek/

   من جديد، قمتم باعادة اضاءة الأمل و ان شاء الله تبقى فاتحه خير لينا كلنا.

   “لسه في سؤال مهم.. و هو هل هيخلص موضوع اماندا و ترجع الذكريات للدرج؟!”
   الموضوع محتاج مشاركة مننا كلنا زي ما كان ان شاء الله.
   مش لازم نتكلف في كتابة مواضيعنا.. مجرد المشاركة بذكرى جميلة او خبرة حياتي وتكفي و هتسعدنا كلنا!

   - شوية حاجات ارد عليها
   - Nora: مفيش اي حاجة اتغيرت, مجرد ادخلي على الصفحة دي:
   http://www.atileh.com/wp-login.php?action=lostpassword
   و اكتبى اليوزر او الميل و هتوصلك الباسورد ان شاء الله و لو في اي مشاكل انا موجود.

   - Salma: اول مرة تكتبي عربي؟
   سعيد انك معانا دايماً يا سلمى

   - Mona: “ازاي نخلى الناس مترميش روق مش شباك المترو؟”
   من حكم تجربتى الشخصية المعدودة على اصابع اليد في ركوبي المترو..مشفتش حد بيرمي ورق من الشباك او يمكن مفكرتش ان ممكن حد يعمل كده..
   الحل: للاسف, في نقظة احب اوضحها, و هي أهمية الوعي عند الناس, الموضوع ده مينفعش يكون ليه حلول لوحده, لو بصينا حوالينا هنلاقي مشاكل كتيرة بس الجميل ان حلها في حاجة واحدة و هي وعي الشعب, لو ارتفع مستوى الوعى عند االناس, هتلاقي اكثر من نص مشاكل الشعب و اللى اساسها سلوكيات اتحلت.
   هذا و الله أعلم.

   ملاحظة: ده أطول تعليق كتبته في حياتي! اللى وصل للسطر ده فهو بطل

10. Huda
    في يونيو 27th, 2009 at 1:08 ص

    أماندا .. بجد أنا مش عارفة أول إيه … !! بس بجد انتي خلتيني مبسوطة أوي كالعادة.. كلنا بنعمل حاجات ومش بنعرف هي بتاثر ازاي في الناس غير بعد فترة وساعات بننسى احنا عملنا إيه للناس دي أساسن .. بس الفكرة إن بنا ذكريات وحاجات كتير جميلة ولو اعدنا شوية فكرنا هنلاقي إن إلناس كمان في المقابل ردت علينا بحاجات أجمل..
    أعتقد أنت عرفة اىه وجهة نظري ف إلموضوع دة :D…
    شكراً يا أماندا أوي بجد …

    هدى .. = )

11. nariman
    في يونيو 27th, 2009 at 5:43 ص

    يااااااه اخيراً فى موضوع جديد …. بجد اتبسطت اوى وكمان مش اى حد كاتبه دى بشمهندسة اماندا ؛)
    الموضوع حلو اوى…. كلام بسيط وجميل وبيخلى الواحد يفكر فى الكلام كتيييير بعد قرأته
    اكييد كل واحد بيتمنى يكون مفيد فى حياته لنفسه ولغيره حتى لو بمجرد انه يكون سبب فى ابتسامتهم…..وانا كل فتره كنت بفتح المدونة واقرأ كل المواضيع او ساعات بعضها وحتى التعليقات وبجد كل كلمة اتكتبت فى المدونة سواء موضوع او تعليق او اى كلام كان ليها رد فعل واحد هو ابتسامتى حتى وانا بقرأ الموضوع ده و بكتب التعليق
    يارب مايكونش اخر موضوع ويارب ده يكون حافز لينا كلنا ( انا شخصياً بحب اكتب بس بكسل ياريت سوسة ودودة يشجعونى ونرجع نكتب على الاقل اضمن انى اشوفهم )
    -وياجماعة وحشتونى اوى بجد عايزه اشوفكواااا

12. Nora
    في يونيو 27th, 2009 at 12:34 م

    عبد الشكور: شكراً على المساعدة بس انا جربت الموضوع ده كذا مرة قبل وبعد متقولي ومفيش أي حاجه بتوصلي على الايميل ..

13. محمد عبد الشكور
    في يونيو 27th, 2009 at 1:25 م

    @Nora: انا غيرت الباسورد دلوقتى،
    اسم الدخول: Nora
    كلمة السر: الميل بتاعك (اوله n و اخره 89) !
    ان شاء الله بعد ما تتدخلى بنجاح تغيري كلمة السر و دا ضروري..

14. Amanda Elwany
    في يونيو 27th, 2009 at 3:23 م

    أنا مبسوطة أوى أوى أوى … بجد
    أن مش عارفة أقول ايه بالظبط أو ابدأ منين … بس أنا عايزة أقولكم كلكم شكرا جدا جدا
    شكرا ل نورهان وسلمى ومنى وعبدالشكور وهدى وناريمان ورانيا وهديل ونهى وهرد على كل واحد لوحده
    نورهان : انت أحلى وأحلى …..:) أظن مشكلك اتحلت … شغلى بقى الحاجات الغريبة اللى فى دماغك و رتبى أفكارك ،ونزلى بقى أول موضوع بعد غيبة ….مستيينك .
    سلمى : أولا أنت فرحتينى جدا بتعليقك وعلى فكرة انتى بتعرفى تعملى كده جدا …. :)..ويا ريت أكون انا اد كلامك الجميل ده..شكرا جدا يا سلمى ..
    منى طلعت : مبسوطة جدا أنه عجبك… و ردا على مشكلتك اللى واضح أوى انها شاغلة بالك
    هما حلين يا إما تحاولى بذوق تقولى للقدامك ان فى سلة مهملات هيلاقيها فى وشه أول ما ينزل من المترو( وفى الحالة دى أنا مش مسئولة عن أى رد فعل هيحصلك ) ، والحل التانى انك تمسكى منديل وتشيليها بنفسك واحتمال ..احتمال يعنى تحرجى اللى ادامك فا يبطل يعمل كده ولانى صحبتك انصحك بالرأى التانى وده مؤقتا ، لأن الموضوع فعلا فى الأول و الآخر وعى الناس زى ما قال عبد الشكور، وده مبيتغيرش فى يوم وليلة ، وعلشان ما ينفعش نشوف ونسكت
    وخلص الموضوع على الاقل احنا نكون قدوة..على الاقل ولما تلاقى ولد صغير فى المترو بيعمل كدة ، أو واحدة فى حالها ممكن تقوللها بينك وبينها .. وربنا يستر
    محمد عبد الشكور : شكرا يا محمد ..وكلامك صح جدا جدا وان شاء الله مفيش حاجة هترجع للدرج تانى وفعلا مش لازم كل واحد يكتب موضوع طويل ممكن يقول كلمة واحد ، وكل واحد بالكلمة دى تتفتح فى عقله حاجات كتيرة جدا…يعنى مثلا فى موضوع زى اللى اتكلمت عنه (الوعى اللى عند الناس) ممكن نعمل موضوع مفتوح مش حد واحد هيكتبه ، بس كل واحد يكتب فكرة نقدر نزود بيها الوعى ده ……مثلا يعنى

15. Amanda Elwany
    في يونيو 27th, 2009 at 4:26 م

    هدى : (الفكرة إن بنا ذكريات وحاجات كتير جميلة ولو اعدنا شوية فكرنا هنلاقي إن إلناس كمان في المقابل ردت علينا بحاجات أجمل..) صح جدا …. وأنا مبسوطة جدا بوجهة نظرك :)..شكرا يا هدى جدا جدا
    ناريمان : يارب مايكونش اخر موضوع يارب وعلى فكرة لما بتتجمعوا انتم التلاتة بتكونوا مسليين جدا ..ما تكسليش وكلمييهم ، أنا فعلا مسنية موضوعكو الجديد أنا فعلا مستنياه يا بشموهنسة نرمو

16. Nora
    في يونيو 27th, 2009 at 5:39 م

    عبد الشكور: بعد فرحة لا توصف ورغبة في الكتابة لا تقاوم بجد شكراً

17. Mo0r0o
    في يونيو 28th, 2009 at 2:01 ص

    امانددددددددددددددددا
    بجد يا اماندا انا مش عارفة اقولك الكلام ده ايه بجد خلاني مبسوطة … بجد ساعدت الواحد بيعمل حاجات كتير قووووي مش بحيس ان الحاجة ديه اد ايه حلوة بالنسبة للناس التانين…..
    وساعات الواحد بيحصلوا حاجات كتر من ناس قربية او بعيدة منه مش بيقدر قيمتها… يا ريت فعلا نحس يالحاجة ديه ….لانها يتفرق كتير مع النفس ومع اللي حواليك …. وبجد مهما كانت الحاجة صفيرة قوووي بس بجد بيبقي ليها معني كبير …
    وبجد حاجة زي اللي انت عملها يا اماندا اثرت قي كام واحد …. وخليتنا افتكرنا ذكريات كان الواحد مش مقدر قيمتها …!!!
    شوفي انت كمان خلتي كام واحد مبسوط بالكلام ده …. بجد انتي حاجة حلوة اووووي …و ياريت زي مابتخلينا مبسوطين دايما نعرف نخليكي انت كمان :):) وبجد انت موجودة في حياة كل واحد فينا :):)

18. Salma
    في يونيو 28th, 2009 at 9:29 ص

    @ عبد الشكور: لأ مش أول مرة اكتب عربي، بس للأسف مش بعرف اعبر عن نفسي كويس في الكتابة . ومخصوص اني بحب لو كتبت اكتب فصحة

    @ أماندا: يا ريت تكتبي أكتر يا أماندا أنا متشوقة أقر مقالاتك القادمة، و يا رب تسعدينا على طول كدة =))

19. Amanda Elwany
    في يونيو 28th, 2009 at 11:12 ص

    @ نورهان : أيوه كدة …..يلا بقى مستيينك
    @Mor000: مبسوطة جدا أن الموضوع عجبك ، وكلامك حلو أوى أوى ….:)
    @salmaaa: المهم تعرفى تعبرى عن نفسك وبأى لغة :)….وربنا يخليكى

20. ياسمين منير
    في يونيو 29th, 2009 at 11:57 ص

    بعد لخبطة فى التفكير وتضارب الافكار والاحاسيس
    اولا وحشتونى كلكم والله العظيم بجد مفتقداكم جداااا جداااا جداااا
    ياااااااااة كنا فييييييين يا جماعة الحياة كانت وخدانة على فييييين !!!!

    أماندا: كنت زعلانة فى الاول اوىىى حسيت ان الزمن اخدنا
    واحنا لسا الحياة بسيطة ،امال لما نتخرج ونشيل مسئولية نفسنا
    ونشيل مسئولة ناس كمان ؟؟؟
    أجمل شئ فيكى بجد نظرتك للاشياء بطريقة غير كل الناس يا اماندا
    وحسيت ان كل حد كان بيقراء موضوعك كان نفسوا يقراء اسمة
    ويقول : اية دة صحيح انا كنت واحدة من الناس اللى كانت بتعمل حاجة فى المدونة دى
    ومش عرفة اية اللى حصلى :( وانا واحدة من الناس اللى مش عرفى لية انا توقفت عن عمل اى شئ فى المدونة مممممممم
    وبجد بجد بجد مفيش احلى ولا اجمل من تعليق نهى
    بجد احلى تعليق ما شاء الله

    المدونة دى كانت عبارة عن بطرية لازم نشحنها كل شوية
    كانت زمان بتيتشحن بموضوعات جميلة و وتعليقات اجمل
    وكانت مشحونة على اخرها :)
    لغايت لما محدش بيشحنها وكل شوية بتزمر عشان تلحق تشحنها
    واعتقد ان اماندا نداء اخير جميل رقيق تاثر به الجميع ….
    بجد اماندا ومحمد عملوا اللى عليهم مش فاضل غيرنا !!!!

21. علا مهدي
    في يونيو 29th, 2009 at 2:35 م

    السلام عليكم كلكم
    اولا احب اقول ليكي يا امندا شكرا للموضوع ده انتي ها تستغربي شكرا ايه بس ؟
    بجد شكرا لانك لفتي نظري لحاجا ما كنتش واخده بالي منها وكمان وصلتيها لينا بطريقه بسييييييطه جدا زي مانكون قاعدين مع بعض و بندردش شوية والامثله البسيطه بس في نفس الوقت ممكن ماجتش على تفكيرنا او على الاقل تفكيري انا
    وزي ما قال محمد عبد الشكور انك مستقبل صحفيه بجد ربنا يوفقك يا اماندا

    تانيا :احب اشكرك لانك السبب اني أعرف المدونه دي بجد مدونه هايله واحسن حاجه فيها كلهم ناس مننا عارفينهم ممكن بس شكلاً بس مانعرفش همه بيفكرو في ايه بيتكلمو ازاي وكده

    ثالثا: أحب اهنيكي على اول موضوع ليكي هنا وربنا يوفقك ديما للاحسن يارب
    

22. Amanda Elwany
    في يونيو 29th, 2009 at 5:47 م

    ياسمين منير : أولا وحشتينى .. وكلامك فرحنى جدا ،المدونة فعلا عاوزة تتشحن واحنا كمان عاوزين نتشحن وما تزعليش الدنيا واخدانة على خير ان شاء الله ، بس نحاول فى وسط الزحمة نغتكر حاجتنا اللى بنحبها ،وكلنا مستنيين أول موضوع جديد جميل ليكى .
    علا مهدى : وعليكم السلام
    أولا أنا مبسوطة جدا ان المدونة عجبتك ، و زوريها على طول وشوفى مين كتب إيه
    وثانيا مبسوكة جدا جدا ان الموضوع عجبك ووصلك …وربنا يخليكى … واكيد انا هفكر تانى فى موضوع صحفية ده والحمد لله لقيت لنفسى شغلانة تانية

23. heba adel
    في يونيو 29th, 2009 at 7:54 م

    ماندوووووووووووو جميل اوى الاسلوب بسيط جدا والكلام واضح وجميل الكلام كمان خلانى افكر كتييييير كل واحد طبعا نفسه يبقى موجود بشكل ايجابى فى حياتنا وفعلا يانهى اماندا ادخلت علينا كلنا البسمه علشان هى حد جميل بجد استمرى وعايزين مواضيع جديده على طول ان شاء الله:)

24. Amanda Elwany
    في يونيو 30th, 2009 at 11:47 م

    هبة: انا مبسوطة انك قراتى ومبسوطة أوى أنه عجبك وفعلا وجود الواحد بشكل ايجابى فى حياة اللى حوليه بيسعد ويساعد ناس كتير أولهم نفسه ، و ما تقلقيش من موضوع (المواضيع الجاية )
    يارب بس أنتم اللى ما تملوش

25. somia
    في يوليو 4th, 2009 at 10:19 م

    أماندا: الكلام بجد حلو أوى ما شاء الله..و فعلا أثر فينا كلنا, مش هقول انه التأثير الفظيع,عشان مش أكون بكذب بس التأثير اللى كل واحد محتاجه عشان يعرف ان أهميته مش شرط يحسها من الناس كلها , بس هو مهم بدوره فى حياته و حياة الناس قابليه, حتى ولو كان لنبات أو لحيوان . بس عشان يبقى عندى ثقه فى وجوده و محدش يقدر يهزها وبجد الكلام ده خلانى أفكر فى حاجات مهمه و غيرت فيا حاجه هبقى أقولك عليها .
    و الموضوع كمان فى وقته و فى ومكانه اللى هو مش كلام كتير و كبير من الأول. لا حاجه بسيطه و فعلا جميله , عشان نرجع تانى للمدونه أنا عن نفسى بقيت أفتحها كل يوم بجد (اللى هو احنا المدونه والمدونه احنا :p و مخرجتش فى مظاهرات قبل كده ;p)…………… اختيار موفق يا أماندا :).
    بسسسس  شكرااااااااااااااااااااا
    و ايه حكاية المواضيييييع الجابه ده ؟؟؟؟؟ انتى مصدقتى ولا ايه :)؟؟؟؟ بس اوك

26. Amanda Elwany
    في يوليو 5th, 2009 at 4:45 م

    سومية : أولا عايزة أعرف فكرتك بايه (فضوليييه أنا أوى…)
    ثانيا مبسوطة أوى أن الكلام عجبك وانه فجر فيكى روح التحيز و
    الثورة العظيمة اللى أنا شايفاها منك دلوقتى(بدأت أقلق ….)
    اما عن المواضيع الجاية فأنا فعلا شكلى كده ما صدقت :)و كلامك مظبوط أوى
    ماحدش بيستنى الا هتمام من الناس كلها ،بس بيتمناه من اللى حوليه
    وممكن فى الآخر يلاقيه فى الحاجات الصغيرة اللى بتروح وتيجى والواحد كتير مش بياخد باله منها
    واللى ربنا بينقذنا بيها لما نلاقى كل حاجة قفلت أدامنا :)….

أضف تعليقك